المساعد الشخصي الرقمي

مشاهدة النسخة كاملة : الحمام الفرنسي


B.t.h
27/05/2007, 01:29 PM
السلام عليكم ورحمة الله وبركاته:)
الله لايهينكم ابي احسن واسهل طريقه في طبخ الحمام الفرنسي:good:
الغزال الشارد
27/05/2007, 01:53 PM
الله لا هاانك يااخووووى الصراااحه انا ماااجربت هاااالحمااام ..وانشاء الله يكووون احد غيري من الاعضاء يعرررف انا الصرااحه مااجرب..


تحياااااااااااتي لك
B.t.h
27/05/2007, 01:59 PM
مشكور على مرورك
ولا هنت
aziz2727
27/05/2007, 02:01 PM
والله وانا اخوك الحمام الفرنسي شي وانا مجربه بس مجربه اكل ولا طبخته
بحاول اشوفلك الطريقه كيف اذا قدرت
تنوم
27/05/2007, 02:04 PM
بصل+ ماء+ ملح + حمام فرنسي +25 دقيقه بالكاتم بعد التصفير وبلهنا والشفا
B.t.h
27/05/2007, 02:12 PM
الله لايهينك اخوي (عزيز+تنوم)
ومشكورين على المرور
ولد وايل
27/05/2007, 02:13 PM
افضل شي شوي وطريقة تتبيلته بقولها لك ولو انها خاصه وربي بتدعي لي وبتستغربها

عموما الزاجل ارخص وافضل


تاخذ الحمام وتفتح صدره وتشرحه وتغسله زين بعدين طحه بقدر فيه مويه لتر او اكثر على حسب عدد الحمام

يعني تكون المويه فوق الحمام بشوي تحط بياله خل ابيض وملح وملعقتين كبار بهارات وتحت نص لتر لبن او لتر

بعدين تخلطهم وتحط ثوم على حسب المزاج وتحط بيالة زيت تخليه يخمر من ساعتين الى اربع ساعات

يكون بذلك متشبع نكهات مافيه بهارات عليه قويه اواي شي يخرب طعمه وبالهنا والشفاء

اي استفسار راسلني عالخاص او عالايميل

m985m@hotmail.com

تحياتي لك ابوفي
الوافي عزام
27/05/2007, 02:24 PM
هلا بك انا عندي طريقه ما يمنع انك تجربها

اول شي الحمام الفرنسي مهوب زين بالحيل الدهن فيه كثير وريحته شوي ( زنخه )

جب حمام البلدي ( بسابيس ) واغسله زين وحطه بالقدر وقطع عليه بصله كامله كبيره وحط ثوم وبهار وحط عليها زبده ولا تكثر

وابدا بالحمس لين يتشبع الحمام بطعم الكشنه وبعدها حط الملح والماء وخله يطبخ لين يستوي على حسب القدر كاتم يبيله 15 دقيقه وقدر عادي بيطول عليك ازين لك الكاتم وبعدها حط الرز وحط مع الرز فلفل ولا تفتح الفلفل خله بدون فتح وخل الماء فوق الرز بشي بسيط وخله لين يصفر واقصر النار عليه وخله 7 دقايق بعد التصفير

وبعدها بالهنا والعافيه

ملاحضه / الرز لازم يكون مغسول ومنقوع قبل ماتحطه بفتره ( يعني مايبي ماء كثير )
B.t.h
27/05/2007, 02:48 PM
مشكورين على الخدمه (ولدوايل+الوافي عزام)
والله يوفقكم دنيا ودين انشاالله
ابو طلال2007
27/05/2007, 03:01 PM
1 بصل طماط فلفل اخضر بارد احمسها زين بزبده اوسمن
وحط الحمام واكتمه 8دقايق وكب الرز والا15 للمرقه
2 بصل طماط وكثر الطماط وشوي بهارات بدون ماء
واكتمها علا نار هاديه 20 دقيقه
B.t.h
27/05/2007, 03:16 PM
شكراعلى مرورك
بدر مقناص
27/05/2007, 08:18 PM
هلا بك انا عندي طريقه ما يمنع انك تجربها

اول شي الحمام الفرنسي مهوب زين بالحيل الدهن فيه كثير وريحته شوي ( زنخه )

جب حمام البلدي ( بسابيس ) واغسله زين وحطه بالقدر وقطع عليه بصله كامله كبيره وحط ثوم وبهار وحط عليها زبده ولا تكثر

وابدا بالحمس لين يتشبع الحمام بطعم الكشنه وبعدها حط الملح والماء وخله يطبخ لين يستوي على حسب القدر كاتم يبيله 15 دقيقه وقدر عادي بيطول عليك ازين لك الكاتم وبعدها حط الرز وحط مع الرز فلفل ولا تفتح الفلفل خله بدون فتح وخل الماء فوق الرز بشي بسيط وخله لين يصفر واقصر النار عليه وخله 7 دقايق بعد التصفير

وبعدها بالهنا والعافيه

ملاحضه / الرز لازم يكون مغسول ومنقوع قبل ماتحطه بفتره ( يعني مايبي ماء كثير )


أخوي جرب الحمام الفرنسي السلفر حنا ناكله كل خميس بالمزرعه ... مانشتريه من بره لآننا نربيه والحمدلله ..
نسويه مندي على كيف كيفك .......... أو مظغوط تغلط بالطعم مع القميري .. طبعاً الى يوكل من الحمام الصغار فقط ...
وأذا بغى أحد منكم يشتري حمام فرنسي لايشتري ألا اللى متغذي على الذره .
ولدالعم
27/05/2007, 10:42 PM
زين للمتزوجين
الوافي عزام
28/05/2007, 12:12 AM
اخوي بدر مقناص

كلامك صحيح ميه بالميه ولا كنني اقصد بكلامي الحمام الفرنسي اللي بالسوق لان غذاءه اكثره اراسكو ومسمنات غير طبيعيه
واكيد اللي يتربى عندك تقدر تتحكم في نوعية غذاءه وبيجي طعمه زين بالحيل

وعلى طاري الغذاء للطيور
انا قبل سنين جبت لي حوالي 100 صوص بلدي وحطيتها بالبر عند الغنم وجبت لها بر وقمح بدون كيماوي
وبعد فتره صرنا نذبح منه وشي نشويه بالقصدير وشي مرقه ولاكن طعمها كان خيال

وشكرا لك
مجازف2010
28/05/2007, 12:52 AM
انا بصراحة اسويه مندي يطلع رهييييييييييب وما احد معه بهارات كثير بس اتبله بملح وفلفل اسود وبس وتشوف الطعم يطلع كيف

تحياتي لك
rado
28/05/2007, 07:05 AM
قدر ضغط وحمام ورز وماء وملح .........ولا تزيد شيء علشان لا يتغير طعم الحمام ......بس زغاليل الحمام البلدي احسن بكثير والحمام أحسن دواء للإصابات مثل الكسور والفكوك ....وشكرا
صليب الرأس
28/05/2007, 07:59 AM
طبخ الحمام افضل شئ والمعروف الشوي علي الفحم +البهارات المفضلة واذا تبي شوربة سلق مع بصل وملح
ساقان
28/05/2007, 12:12 PM
حمام + بصل + كزبره بيضاء مطحونه+ كمون مطحون+ ماء = لذيذ جدا
B.t.h
28/05/2007, 03:19 PM
مشكورين على مروركممممممممممممممممممممممممممممممممممممممممممممم ممممممممممممم
أبوعبد المحسن
28/06/2007, 04:59 PM
الله يواحد يبيع حمام فرنسي في مزرعة بالقصب

بالدمااااااااااغ :)
عرقوب
28/06/2007, 07:47 PM
http://www.mekshat.com/vb/showthread.php?t=7950


شف ذا الموضوع راح يفيدك
ساقان
17/07/2007, 01:39 AM
الله ياني توي اكل حمام فرنسي من الفوزان
بالدمااااااااااغ :)
مجازف2010
17/07/2007, 02:20 AM
بصراحة الحمام الفرنسي طلع روووووووعة ويمكن يزعلون علينا اهل القنص ولكن بصراحة عندي احلى من القميري بمرااااحل لا من ناحية لو اللحم ولا من ناحية الطعم يعني بصراحة فروخ الفرنسي شي لا يعلى عليه

طبعا هذي وجهة نظري الخاصة ولا احد يزعل علي
ولدعلى
17/07/2007, 04:30 AM
هناااااك نوووعيه من الحماااام اسمه


حماام زاجل


هالنوووع سمين ورخيص


وهو من افضل الانووع واكثرها استخداام



في منطقتي



تحيااااااااااتي
attawi
16/10/2009, 04:53 AM
ابي اشتري منك الحمام الفرنسي ابي30 جوز و المبلغ 1000
القاصي1
16/10/2009, 09:23 PM
الحمام الفرنسي لذيذ وفيه لحم
ومن ناحية طريقة الطبخ فيه
مرقة وهي الاشهر
وفيه الكبسة والشوي والقصدير ومندي


وهذي كم صوره لعشانا يوم الخميس قبل الماضي


كبسة
http://www.mekshat.com/pix/upload03/images129/mk92773_091020091422.jpg


قصدير


http://www.mekshat.com/pix/upload03/images129/mk92773_image00022.jpg


وكمان قصدير


http://www.mekshat.com/pix/upload03/images129/mk92773_image00027.jpg
ايه احبك
18/10/2009, 04:08 AM
طرق الطبخ كثيره والشباب هنا مايقصروون ..
بس الاهم والمهم وين تلقى الحمام الفرنسي الزين بالريااض ... من يعرف احد يبيعه بالرياااض ويكوون حمام مايحتاج يقول لنا ...
وسيع البنايد
18/10/2009, 11:38 AM
سوق العزيزيه للطيور اخذت منهم قبل اسبوعين فروخ حمام بلدي وسمان
الحمام سويته مرقه مع 1 لتر حليب المراعي (مرق بالحليب) الحمام البلدي فيه الطعمه ولحمه قليل والفرنسي ما جربته
والسمان كبست على مرقته ثم دخلته الفرن شوي
طعم يضرب في الراس
فيه عمال في السوق يذبحونه لك بالخشي على قولتهم