من الفائز...والجائزة ..(اشتراك ـ 100ـ ساعة )

[بارق الصيف]

من الفائز مسابقة شعرية ...المقصود فيها اثارة القريحة الشعرية عند شعراء المنتدى ....

سكتون الجائزة وان كانت رمزية اشتراك لمدة سنه او100 ساعة ...وستصل الفائز عن طريق الايميل الخاص..

طريقة المسابقة ان تأتي ببيت واحد على الوزن والقافيه ولك حرية الكتابة في اي مجال من مجالات الشعر

( الوصف ـ الغزل ـ المدح ـ الذم ـ الرثاءـ وغيره مقبول )الشرط على الوزن والقافية...

ودمتم ..

ابدى بهذا البيت المتواضع




انا في خيمة الأشعار أوسع خاطرٍ ضايق= واسلي النفس بابياتٍ جميلاتٍ معانيها

وسلامتكم

[أيمن]

الله يعطيك العافية ..
وروح جميلة، ومشاركة تنم عن نفس صاحبها الكريمة ..

تحيتي

[نجمة سهيل]

انا في خيمة السلاح اوسع خاطرٍ ضايق"=" واسلي العين بصور سلاح ٍ جميلاتٍ مراميها

[بارق الصيف]

الله يسلم عمرك يااستاذنا العزيز أيمن
والصراحة اشكر لك حضورك .........وما قصرت:D :D

[بارق الصيف]

الاخ الغالي نجمة سهيل

صح لسانك ...وعاشوا اخوانك;)

واشكرك على المرور الكريم والمشاركة:p :good:

[المولع]

انا في منتدى مكشات مبسوط وانا رايق=وعيب السب لرجال كرام في مبانيها

[بارق الصيف]

والله لايحرمنا من مشاركاتك وتوجيهاتك ودعمك لنا بكثرة الحضور ياشااااعرنا الكريم

[الأشهـــــب]

هذي مشاركتي.

في منتدى مكشات تلقى العرض شايق ***** وعلوم المرجلة تصدق في معانيها

وفيها العلم غانم دوم تلقاه سابق ***** فلا تلومني يوم أدمن مسيار نواديها


وسلامتكم يالغالين،،،،،،،،،،،،،،،،،،،،،،

هاه يابارق الصيف نستاهل الجائزة ولا لا؟

[بارق الصيف]

الاخ العزيز الاشب
جميل منك ها الابداع والعاطفه الجياشه واتمنى منك المزيد ...........ولا تحرمنا من زياراتك ومشاركاتك:bounce: :heart: :heart: :heart:

[عاشق الصحراء]

و هذه مشاركتي


مواضيعه كما اللولو..كتبها فاهمن فايق=من انهار تحدر ما غرفها من سوانيها
من الاشراف و الاعضاء..غدا قلبي لهم تايق=تجاربهم تعلمنا المكاشيت و خوافيها


و سلامتكم

[بارق الصيف]

الاخ عااااااااااااااااشق الصحراء:good:

الله يعطيك العافيه ........اشكرك على مرورك الكريم .....وعلى ابداعك ..... واهنيك على ها الشاعريه ...

واتمنى منك طرح المزيد من مشاركاتك
وتقبل تحياتي:D :D

[خيال جديد]

الا يامنـتدى المكشات الا يامنـتدى الضايق*****جـروح الروح يالبارق بناديكم نداويها
نتصفح شعركم ماحلاه على هوني وانا رايق*****واحب من البيوت اللي جزيلاتٍ معانيها
جزيل الشعر يعجبني وعكسه منه متضـايق*****بيوتٍ تجمع العله بقلبي وش نسميهـا
الا يا مشرف النـادي دخيلك لاتجـي عايق*****ابي فرصه واشوّت به بيوتٍ ما ندانيها

[بارق الصيف]

الاخ خيال جديد
الف شكر على الزياره واسمح لي بها البيت المتواضع:ـ



على خيال تسليمي وترحيبي لكم فايق= وسرتني زيارتكم وسرتني معانيها

وتسلم والله اخوي

[بارق الصيف]

الاخوة الكرام المشاركين
السلام عليكم تتنتهي مدة هذه المسابقة بتاريخ25/5/1424هـ
لذلك جرى التنبيه:D ;) :D ;) :p :good: :p

[بو مشاري]

أزعل واعاف النـوم لا صرت ضايق وان حصلي غيــرها قلت ما بيها
خلاص اليوم بانت للعيـون الحقايق يكابد جروحٍ بين الأضلاع مكنيها
بي عن غـلاك الفين عايـق وعايـق تشترط علي بشروط محـدن يسويها
ما ابيك لو ساقك من الشوق سايق تحسب ان العيش بسكات يرضيها
اليوم تشوف نفسك فوق كل الخلايق ويذكرني بايامٍ مضت كنت ناسيها
لا أقطع وريدي وانتهي في دقايـق الا انه تعيد ايامه اللي عشق فيها

[الجمس الحمر]

يا بارق الصيف

هذا ردي

الجمس الحمر


سقا الله يوم يجمعنا شعيب زاهرة رايق = به الصفرا وبه المجمار وضو زاد صاليها

[بارق الصيف]

;) الجمس الحمر
مبرووووك

;) :D :p اللي انت خابر

اشكرك على المشاركة وانتظر المزيد


بارق الصيف:p :D

[بارق الصيف]

ابو مشااااااااااري
مشكور على المشاركة ونتمى ان تكون ممن يحالفه الحظ:D :D

[وضح النقا]

~


بارق الصيف .. فكره طيبه

وصح لسانك على هالبيت...ولي عوده إن يسر الله..

تحيات

أخوك

وضح النقا

..

[بارق الصيف]

الاخ وضح النقا
صح بدنك
نتظر منك الجديد والمزيد
وتقبل تحاتي;) ;)

[وضح النقا]

~


بدنك وبدن من يسمع..


تفضل ..


يقول اللي من هموم الزمان الجايره ذايق*** من الشدات ميز ذيب ربعك من حصانيها


تحيات

اخوك

وضح النقا

,,

[laith]

طيب خذ هذا البيت بارك الله فبك:


انا في خيام مكشات دوم خافقي تايق = واهلي بناس ماغيرت جملة معانيها.

[الشـ9ــاعر]

والله يالربع انا دايم في هذا المنتدى ولكن سبحان تول مرة اقرى هذا الموضوع ....
وبصراحة موضوع ممتاز وراح تجدون مشاركتي بأقرب وقت.............

[الشـ9ــاعر]

يا مرحبا ترحيبة بأهل الوجيه الطلايق=اهلي بها لو كانت بعيد خطاويها
اعداد ما بالسما لاحت رعود وبرايق=واعداد ما هب نسناس الهوى من شماليها
البارحة في خفوقي شبت لواهيب وحرايق=والعين مانامت وانا عجزت اسليها
أبغى المراجل والمراجل دونها عسر وعوايق=والحر يرقى ما يهاب ولو طالت معاليها
أحب الكرم والجود وافزع امن كان ضايق=وليا نصتني رجال الطيب ما اخيب رجاويها
واحب سهيل والقمرا واسامر طيري ((الشايق))=واشب النار والدله على الجمر ادنيها


ارجو ان تكون الابيات اعجبتكم واعذرونا اذا كان فيها قصور........

[بارق الصيف]

الاخ وضح النقا
مشكور على المشاركة واتمنى ان يحالفك الحظ


بارق الصيف

[بارق الصيف]

laith

اشكرك على المشاركة وياليت لو وضحت نوع الخط في البيت اللي كتبته لاني الصراحه ما عرفت اقراااااه

بارق

[بارق الصيف]

الشـ9ــاعر

مشكور اخوي على ها الابيات واتمنى ان يحالفك الحظ

بارق

[بارق الصيف]

نتظر المزيد من المشاركات الى الوقت المحدد 25/5/1424هـ