ذئب الحرة يفترس تيس الرحلة!

[بركان]

ذئب الحرة يفترس تيس الرحلة!











حائل - «الجزيرة»
هاجم ذئب مفترس يوم أمس في ساعة متأخرة من الليل مجموعة من المعلمين في ضفاف حرة بني رشيد أثناء قيامهم برحلة برية في نهاية عطلة الأسبوع ولحظة انشغالهم بتهيئة موقع المخيم تسلل الذئب إلى تيس الرحلة وتمكن من افتراسه بسرعة مذهلة وبعد اكتشافه تمت مطاردته وسط تضاريس وعرة وبعد مضي ساعة من المطاردة والمتابعة أردوه قتيلاً.
يذكر أن الذئاب المفترسة في الآونة الأخيرة أصبحت تهاجم الأرياف والقرى فيما ألمح أحد كبار السن أن ظاهرة هجوم الذئاب المفترسة ظاهرة غريبة.
----------------
جريدة الجزيره/11/5/1428
------------------------------------

تعليق: وقد تعشوا عددا من المعلبات!!!!!!!!!!!

[الوافي عزام]

اي والله بيتعشون عدد من المعلبات

الله لايهينك على النقل الطيب

تيس الرحله ولا خوي الرحله

وشاكر ومقدر لك

[ابوحماد]

تيس الرحله ولا خوي الرحله

وشاكر ومقدر لك

هههههههههههههههههههههههه

والله أنك صادق ولا خوي الرحله

شكرااااا أخوي على النقل

[الغزال الشارد]

الله يعينهم على هذا الرحلة

والحمد لله على سلمتهم زين ما غير رايه ذيب

((تحياتي لك))

[مزيون بيرق]

يعطيك ربي الف عافيه اخوي بركان على النقل
والله ستر عليهم واللحمدلله انه ردها بتيس الرحله
ولاجت في راعين الرحله والله يستر علينا
وعلى اخوانا المسلمين وتقبل مروري وشكراً

[رحال]

لاحول ولا قوة إلا بالله

الله يعينهم على قطيه من جديد :D
ومشكور يالبركان
بوخليفه

[بركان]

انا فهمت من تعليقاتكم انه لولا الله ثم التيس كان تعشى الذيب واحد من هؤلاء المعلمين!!!!
لذا يجب على كل من ينوي الكشته من اليوم وصاعدا ان يأخذ معه تيس ويربطه قريبا منه ( دفاعة بلا).
على شان تصير النهشة في المسيكين ولا تصير فيه.!!!!!!!!

[مخرب طلعات]

هههههههههههههههههههههههههههههه

أخوووي بركان هالتيس المسيكين ترى هو مله جنه أو نار في الآخرة

أما المعلمين عندهم حياه ثانيه

وقفه !!! بيت شعر من قلبي :)

من المفترض أن يدافع المعلمون بتيسهم - ماكان التيس أن يكون طعما للذئب وحورا



مع السلامة

[مريقب العيفار]

انا فهمت من تعليقاتكم انه لولا الله ثم التيس كان تعشى الذيب واحد من هؤلاء المعلمين!!!!
لذا يجب على كل من ينوي الكشته من اليوم وصاعدا ان يأخذ معه تيس ويربطه قريبا منه ( دفاعة بلا).
على شان تصير النهشة في المسيكين ولا تصير فيه.!!!!!!!!


هههههههههههههههههههههههههه

اي والله تيس الرحلة ولا خوي الرحلة

ويش يصير حالك لو الذيب أكل خويك

ثم جتك أمه تسألك

وين ابني لك لك خوي امباري

وش تقول ؟

تقول أكله الذيب

[مورد القيفان]

مشكوووووووووووووووووووووووووووووور

اخوي بركان على النقل ومن بكرا من اساسيات

الكشته تيس دفعه بلا ولا ما فيه طلعه

وتقبل مروري

[الساطي]

انا ودي اعرف الاخوان وين رابطين التيس الله يهديهم 0 كذلك كيف الذئب يأكل تيسهم وهم عصبه لا حول ولا قوة الا بالله0

[محب البشر]

اي والله تيس الرحلة ولا خوي الرحلة ، غريبة ما جاوا حقين البيئة وقالوا المفروض انهم يقدمون واحد من اخوياهم بدل التيس لان التيوس مهدده بالانقراض والاوادم واجد ستة مليار بعين العدو ما شاء الله :no2:

مشكور على الخبر

[abo lafi]

يوصي عدد من الاطباء بتناول العشاء الخفيف مثل المعلبات الجاهزه لانها خفيفه على المعده خصوصا قبل النوم والبعد عن اللحوم الحمراء مثل (التيس)وهذا ما قام به المعلمين اثناء الرحله..
:D :D :D :D :D :D

[مرفــأ]

الحمد الله على سلامتهم في التيس ولا واحد منهم

[تكفيني الذكرى]

والحل
يعني الواحد لما يطلع ياخذ تيسين
واحد للرحله
والثاني دفع بلا
رحنا فيها على كذا
لكن سؤالي هل من المعقول ان الذئب يصل للتيس ولايسمعون اي همس والا معناته ان بينهم وبين مربط التيس مسيرة يومين
اهم شي انهم سالمين ، والحمدلله على سلامتهم .
ومن هنا يجب ان الواحد ياخذ معه اكلات جاهزه يعني معلبات للظروره .
يعني هالمعلبات ودنا ننفك منها لكن يبدوانها ملزمه حتى في البر ورانا ورانا
تقبلوا تقديري

[الضيغم]

يعين الله .. على كذا يبيلنا فلافل وعصير الربيع ونكشت قريب من السيدين...........!!





والله يستر على الجميع مشكور اخوي بركان على الخبر ..

[كل القصيد]

والله ولي العلم إن فلوسه من هالأسهم ولا كان ماراح كذا
الي مابوه بركه مابوه بركة

[سندباد الخليج]

اجل نعلم الي يبي يطلع للحره لاياخذ تيس

خله ياخذ شاورما ههههههههههه

[سراب اللال]

غالباً التيس يهذى قبل وأثناء افتراسه شكلهم سمعوه بس كان كل واحد يقول للثاني قم شف التيس وش فيه

[winchester]

من ذكاء الذئب مسك الفريسه مع الحلق علشان مايقول ( وق )

دمت بود

[أبو فهد ( 1 )]

هذا ذيب أمعط أعوذ بالله ما عطاه فرصة يصرخ



تدري عاد لاسلم العود التيس يعود





الحمدلله على سلامتهم وبدل التيس تيس بس يوم ثاني





ولا أقول بدل التيس نواشف

[عبدالله الصالح]

الحمد لله انه جت بالتيس

وماجت بحديهم

واما طاري ان الذيابه تهاجم

اتوقع انه من الجوع ،، بدا يتجرا ،،



،،، اخوك القصمنجي ،،،،

[الغريري]

في الأخير ...


بيّض الله وجوههم ... ماخلوا سرحان يمشي بصيدته ... لحقوه إيّاه ...

البلا لو ما انتقموا ... تسان راح التيس على ما قالوا ..... (أو بلاش) :D

[فتى التويم]

والله المشكله


اجل مالنا إلا نحط الذبيحه معنا في الخيمه بس زين انه حط حيله في هالتيس وإلا لو خذ له احد هالمدرسين وش بيجرجره إلى الوعره

[فزااع]

هههههههههههههههه
ايه والله تيس الرحله ولا خوي الرحله