طلب صغير ولزم ترد على الطلب

[مدرب الطير]

يااخوان ودنا نطلب طلب صغير ونبغى تفاعل
الطلب هو::....
نبي كل واحد يكتب لنا
كيف اقتنا الطير الذي عنده الان وشلون شراه
[mark=FF0000] ((وهذا الموضوع طرحته لقلة الموضوعات التي تطرح))

وانا اولكم كنت مسافر لاحد اليار القريه من الرياض
فجاني اتصال من ولد خالتي وهو في الديار يقول:
انه موجود طير وافي جير شاهين للبيع سالته عن
طبع الطير والصيد هل هو صايد ولا ماصاد قال نه
صايد ولا ازين منه المهم قلت له ان الجير طبعه
اقشر قال لاتعال وشفه المهم قلت له اني مابي الطير
لني شريت طير قال طيب انا بجيبه للرياض واعرض
للبيع قلت خلاص وجاب الطير واخذته وعرضته
للبيع وبد الشرايه يتصلون وجلس الطير عندي يومين
ودقيت
على راعي الطير وقلته انا ابشريه منك وشريته
وهو الان موجود في الربط..........

نبي كل واحد يكتب
وشكررررررررررررررررررررررررررررررررررا

[nasser_ali]

انا واحد من طيوري ( فرخ شاهين) جا تهريب من قطر في شاص مع العفش وانكسرت فيه ريشتين من الذيل

والحر شريته وحش من محل وصقرته وطلع اروع مايكون ماشاء الله

ولي خاطر بجير شاهين او حر الموسم الجاي انشاء الله

[الحر القطامي]

أما أنا لازلت أبحث عن الطير اللي ببدا به وبدخل فيه الى عالم الصقاره........
كان احد خابر لنا وكري يعطينا علومه وسعره...

وتقبل مروري

[nasser_ali]

أما أنا لازلت أبحث عن الطير اللي ببدا به وبدخل فيه الى عالم الصقاره........
كان احد خابر لنا وكري يعطينا علومه وسعره...

وتقبل مروري

الله يرزقك بحر قطامي لا وافجح بعد:d

[مدرب الطير]

مشكور اخوي nasser_ali على المرور
مشكور اخوي الحر القطامي على المرور والله يرزك الحر الابيض

[عـــرادي]

أنا بصراحه عندي طيور واجد بس الغلا لطير واحد
وجاني هديه من ولد عمي قبل العام وهو فرخ 17*17
وتعبت على الطير لأنه هديه وابشركم والحمد لله الطير
من اشهر طيور المنطقه حاليا ( طيار وفعل وركاده )
وتقبلوا خالص تحياتي
عرادي

[بو غازي]

السلام عليكم ورحمه الله وبركاته
مرحبا اخوي مدرب الطير ومشكور على طرحك وتعرف دوا الصقارة الصقار يموت لاقاله احد علوم طيرك لاصار طيره زين وعلومه زينه يقعد ساعة فوق راسك وهو يعلمك علومه.

اما بالنسبة لطيري الخاص فهو جايني هدية من احد الاصدقاء والحمدالله من افضل الطيور الي قنيتها طبعا(حر) والسنة جانا احد الاخوان معه شلقة طيور يبي يعرضها للبيع والله خذيت منها طير (حر)مجهول الهوية يعني ماله علوم مجهم صافي الظهر وادعولنا بالبركة.
وعسى الله يبارك لكم في طيوركم.

[الوافي عزام]

شكرا لك على موضوعك

وانا والله الطيور واجد اللي قنيتها الموسم اللي راح كل يوم ولي مزاج والا مايعجبني طياره والخ....

ولاكن اطيبها شيهانه بحريه وافيه
صدنا فيها واستانسنا وهي اللي باقيه معي الان فقط
وشكرا لك

[مدرب الطير]

اخوي :عرادي شكر على مرورك وتفاعلك وهذا فخر لي والله يبارك بالطير ويكفيك شر الحساد.


اخوي:بو غازي شكر على مرورك الطيب وهذا فخر لي الله يباركلك في الحر وتشوفه يطرح الخرب.


اخوي:الوافي عزام شكر على مرورك الطيب وهذا فخر لي والله يباركلك في الشيهانه.

وتقبلو تحيات اخوكم:
مدرب الطير

[مداوي]

مشكور مدرب الطير
ودي اتفاعل معك واشارك لكن ماعندي طير

[الوهـ قحطان ـاج]

اخوي مدرب الطير

اشكرك على الموضوع هذا

وبقلك سالفتي معى اول طير قنيته

طبعن اعرف الصقور بانواعها قبل مقتني طير واعرف كيف اتعامل معى الطير

بس ماجاء في خاطري اني احط على ايدي طير امتلكه

لاني ماكنت متحمس اني اشتري طير واهد ومن العلوم هذي

طلعنا يوم من الايام انا وواحد من اخوياي بعد متصل عليه وقال تخاويني المقناص

طبعن يعز عليه الرجال قلت فوقها وين تبينا نروح ندور على الكراوين

قال بنطلع منطقه يقال لها رابغ والديار الي حوليها يذكرون كراوين

قلت مشينا واحن في المقناص ندور على الكراوين مادرينا الا وراع ذاك الهايلكس ناصينا

قلت لخوي انتبه من راعي الونيت لايدعمنا قال ماعليك اعرف عزبتهم واعرفه وجه

قلت خير قام سألنا انتو صقاره رد عليه خوي وقال نعم قال عندي طير للبيع

قال خويي وش هو من الطيور قال معرف فيها قال خويي مشينا نشوفه

قال خويي وش رايك تشتريه قلت وش ابيبه قال يارجال تتعلم على الطيور قلت الي يشوفك الحين اني مفهم في الطيور

وصلنا عند الرجال الا وهي شيهانه جبليه فرخ حمرى قلت راحت 300 ريال قال بعت قلت اشتريت

وماشاء الله تبارك الله عليها ماهديتها على شي الا وهدت عليه

وهذا هو اول طير اقتنيته وشكلي طولت عليكم لاني جلست اكتب من الطفش والله

وانا اسف على الاطاله وتحياتي لك يالغالين

[معشي الطير]

السلام عليكم ورحمه الله وبركاته .
بيض الله وجهك اخوي مدرب الطير على هالموضوع الطيب .
انا اول طير نقلته تقريبا من سبع سنوات وهي شيهانه جبليه 14*13,5 وسالفتها اني كنت طالع لمزرعتنا واذا بالحمام يتطاير وجاي له حوسه المهم يوم ناظرت الا الشيهانه .المهم شبكتها وسبقتها ودهلتها والحمدلله طاح اللي براسها بسرعه وقنصت فيها وظاعت وانا هادها على حمامه خلاء وكان الجو هواء المهم قفت مع الهواء وعجزت اطردها المهم دورتها وسالت لاكن دون جدوى بعدها تقريبا بسبوع رحت لاواحد من الربع خابر عنده طيور وشريت منه وكري وبعده ب4 ايام دق علي واحد قال ان فيه شايب طارح له شيهانه رح شفها يمكنها شيهانك .المهم رحت لشايب الا والله يوم طلع لي شبك حق الدجاج الاصفر وفيه الشيهانه (والله انها تطالع فيني كنها تقول فكني منه)المهم اخذتها وكانت معوره نفسها من الشبك وارحت وربطتها وبعد القرناس ماتت والوكري بعته وبعدها كل سنه اقنص بطير لاكن الطير يطلع ماهو اللي بالخاطر وقبل ثلاث سنوات شريت طير مجهم ماودك تطالع فيه لاكن اذا هديته على حبارى اعتبر انشاء الله ان الحبارى في الخرج لاكن جت فيه نفس :( وخذه واحد من ربعنا القريبين بالحيل .والسنه هذي شريت فرخ احمر والحمد لله من اسبق الطيور بالمنطقه واقرب الطيور اللي عندي لقلبي:D .. اسف على الاطاله
وتقبلو خالص تحياتي .