المساعد الشخصي الرقمي

مشاهدة النسخة كاملة : طريقة عمل شكشوكه بدون بيض


قناص متقاعد
28/05/2007, 07:47 PM
السلام عليكم ورحمه الله وبركاته

بعض الشباب بيضحكون ولا بيقولون هذا يستهبل كيف تكون شكشوكه بدون بيض

بس انا اقول لاتستعجلون بالحكم حتى تجربون

كثير من الناس يحبون الشكشوكه ولكن يصعب عليهم حمل البيض في الرحلات ( يخافون يتكسر عليهم ) .

عندي لكم طريقه تصليح الشكشوكه بدون بيض

وللمعلوميه هي شكشوكه 100%

والطريقه هي :-



تحمس البصل ثم تحط الطماط وتخليه شوي

ثم حط عدد معين من جبن مثلث ( البقره الضاحكه لافاشكيري ) .

ويطلع لك شكشوكه مثل شكشوكه البيض بالضبط

ملاحظه : كميه الجبن توضع على حسب كميه البصل والطماط
يعني اذا لنفر واحد تضع جبنه واحده او جبنتين .


بصراحه انا سويتها كم مره

والان طلعت معي زي الحلاوه

وافتكينا من مشاكل البيض




تنبيه

لاتحكم حتى تجرب
طبيب بيطري
28/05/2007, 08:14 PM
ياخي حرام عليك طمامط وبصل وجبن :no: وشلون تجي !!!!!!!!!

لكن بجرب واشوف وياويلك اذا طلعت شينه :D :D
شاعرالمليون
28/05/2007, 08:55 PM
شكرا لك الخي المسطل علي هاذي المعلومة
ابوو عبدالله
28/05/2007, 09:01 PM
حلوه شكشوكه بدون بيض
لا وطماط وبصل وجبن بعد هههههههههههه

لازم نجربها ونشوف وش يطلعلنا يعطيك العافيه
ابوو عبدالله
سلطان 22
28/05/2007, 09:41 PM
وانا جوعان قلت خلني امر على منتدى خيمت الطبخات البريه ونشوف يمكن نلقى طبخه سهله وبنفس الوقت خفيفه
ويوم دخلت اشوف اتمقل شكشوكه بدون بيض وطلع فوق راسي علامة تعجب
واخيراً ادخلت مخي والحين بسويها اذا ماحصلي عشاء من الاهل
مشكور اخوي المسطل والله يعطيك العافيه
الوافي عزام
28/05/2007, 11:27 PM
الله لايهينك على هالطريقه

وبنجربها باقرب فطور لرحله بر

وشكرا لك
قناص متقاعد
29/05/2007, 01:02 AM
جربوها وشوفوا والله ماتخلونها
صدى الهوجاس
29/05/2007, 01:29 AM
فكرة (منتازه) جاري التجربة...........
تقبل مروري
هملصي
29/05/2007, 12:06 PM
نفس الطريقة بصل +طماطم + علبة قشطة اي نوع تفضله (التاج،المراعي،نجديه ، وانواع القشطه كثير.

وسوف تلاحظون التميزالجيد جربوها لاتفوتكم ترها روووووووووعه


:)
تنوم
29/05/2007, 12:12 PM
بس فيه ملاحظه اخوي ان الجبنه المستخدوه هي من انتاج دينماركي لو تختار اي منتج من منتجات وطنك وتنصر نبيك بارك الله فيك
راعي كيف
29/05/2007, 01:12 PM
الربع إنهبلو وينك ياخشم الحصان تقراء عليهم






السلام عليكم
بالخير يالربع قربو قربو صفو ورى بعض عشان نقراء عليكم تعال يالمسطل انا من يوم ماقريت اسمك وانا عارف إن الدعوى فيها إنا
لابعد يجي هملصي ويزود الطين بله قشطة صارت ونا خوك كبست كاري (مقلوبه او برياني)هههههههههههههههههههههه.

الله يغربل بليسكم تدرون عاد ابجرب واشوف شكل ام ناصر تبي تطردني من البيت الله يستر ولم الملحق يالمسطل ؟؟؟؟؟؟؟ مسطل ماعليك شرهه.


ارجو ان تكون صدوركم رحبة وسعوها شوي .
مهبولكم راعي كيف
ابو ناصر
قناص متقاعد
29/05/2007, 05:30 PM
يابوناصر ياراعي الكيف

انا اخبر ان راعي الكيف مهوب عجل .

جرب وانا اخوك ثم شف انا مسطل من جد ولا مسطل بمخ عبقري ؟؟؟

وعلى قوله اخوي هملصي القشطه

اقول والله انا ما ادري لكن بجرب ونشوف ويمكن تكون احلى من الجبن !!!

الله اعلم
ولد الدواسر
29/05/2007, 08:19 PM
والله غريبة !!!!!!!!!!!!!!!بس التجربة خير برهان
تحياتي
شفر 10
29/05/2007, 10:36 PM
كانت فيه مشاركة سابقة يستخدم القشطة بدل الجبنة

وأنا جربتها مرتين والله يكرمكم لا صارت شكشوكة ولا شيء كأني طابخ حليب سائل

فنتمنى التجربة قبل المشاركة أو وضع صور

ودمتم ,,,
قناص متقاعد
30/05/2007, 01:20 AM
اخوي شفر 10

انا جربتها اكثر من عشرين مره

ومن سنه ونص وانا ما استخدم الا هي وبطلت البيض
ابو حزم
30/05/2007, 08:21 AM
بصل !

طماط!





جبن !!!!!!!!!!!!!!!!!!!!!!!!!!!!!!!!!!!!!!!!!!!!!!!



والله يجي


على العموم كثر خيرك
cruise
30/05/2007, 08:50 AM
بس فيه ملاحظه اخوي ان الجبنه المستخدوه هي من انتاج دينماركي لو تختار اي منتج من منتجات وطنك وتنصر نبيك بارك الله فيك



لا فشكري ليست دانيماركية بل انتاج فرنسا وما فيهم زود على بعض


يوجد بدائل وطنيه مثل جبن المراعي مثلثات وافضل من الدانمركي وغير الدانمركي..........
الغزال الشارد
30/05/2007, 08:53 AM
شكرا لك الخي المسطل علي هاذي المعلومة
جي اكس أر 3
30/05/2007, 09:29 AM
مشاء الله عليك يامبدع تسلم علي هذه الطبخه
تحياتي
نافخ نفيخه
30/05/2007, 01:07 PM
:D شكرا لك الخي المسطل علي هاذي المعلومة:no2:
العرفج
30/05/2007, 01:10 PM
لا وبعد شطة ام ديك .... هبال :D
هب هب
30/05/2007, 01:12 PM
الله يعطيك العافية ياأخوي
الله بأذن الله بجربها مع الشباب
نافخ نفيخه
30/05/2007, 01:17 PM
شكرا لك الخي المسطل علي هاذي المعلومة
مطرح البعارين
30/05/2007, 01:22 PM
ولا وااااحد كتب تجربته؟؟؟؟؟؟؟؟؟؟
قناص متقاعد
30/05/2007, 04:39 PM
ولا وااااحد كتب تجربته؟؟؟؟؟؟؟؟؟؟

ياليت احد يجرب ويقول للشباب اللي ماخشت امخاخهم ها الوصفه

يالربع انا دائماً اسويها ومن عرفتها وانا معاد اشيل بيض معي
دهن الورد
30/05/2007, 07:49 PM
إن شاء الله أبا اهندس عليهم بكرة وارد عليكم
مع العلم إني كنت أحب أحط مع حمسة البصل والطماط والتونة جبنة المراعي اللي علبتها زرقا وتطلع شيء لذيييذ..
مشكور وماقصرت
والله يسعدكم يالمكاشيت.
aseeri
31/05/2007, 01:07 PM
السلام عليكم ورحمه الله وبركاته
انا جربت الاكله وبصراحه طلعت رهيبببببببببه جد1
مشكور اخوي
الله يعطيك العافيه
قناص متقاعد
02/06/2007, 12:33 AM
السلام عليكم ورحمه الله وبركاته
انا جربت الاكله وبصراحه طلعت رهيبببببببببه جد1
مشكور اخوي
الله يعطيك العافيه

الله اكبر

انا قايل لكم لا احد يستعجل

بس الله يهديكم فيكم عجله مهيب على سنع

هذا الرجال جرب وعطاكم النتيجه

ماقصرت والله يالعسيري
قلايد الخيل
14/12/2011, 02:18 AM
ذكرتني بطلعه مع الوالد الله يحفظه كنت بوقتها صغينوون:D
المهم مالكم بالطويله وكان يقولنا نزلوو العزبه والاغراض يله بسويلكم الفطور عشان تروحون تتسدحون وتلعبون بالتربوات(التراب اكرمكم الله):D
وكان ننزل العزبه ويحط الطاوه على الدافور ويقطع البصل والبندور على اساس بيسوي لنا بندور وبصل مع الزيت والا اشوف وجه ابوي كانه تغير من غير شر
وانا اساله وش فيك يابابا:D<يعقب ماعمرهـ قال بابا
المهم يقول نسيت الزيت والا يصيح ولد عمي الدب على باله مافي شي ياكله
وهو يحك راسسه الوالد الله يطول بعمرهـ وهو يسدح الجبن بالطاوهـ ويحط البصل والبندور ويقوووم يحرك ويحرك
وانا وولد عمي قلنا اكيد بيسممنا ويفتك مننا اجل ماحنا ماكلين وخلينآه ياكل لحاله
واحنا قزرناها خبز وجبن,
والحين ضميري يآنبني اني ظلمت الوالد:p:D:good:
اثاريها حركه ممتازهـ الطبخه:D
ومعليش على الاطاله:(
BAN074
14/12/2011, 09:56 AM
بجرربها وبشوووف
يوسف الزعيم20
14/12/2011, 10:17 AM
نجرب وش بنخسر
Al3rands
14/12/2011, 01:09 PM
غريبه والله يبيلها اسم ثاني بدل شكشوكه مجبونه مثلا
خالد معدي
14/12/2011, 01:53 PM
غريبه والله يبيلها اسم ثاني بدل شكشوكه مجبونه مثلا

ههههههههههههههههههههههههههههههه الله يقطع ابليسك :D:D:D:D:D
بجربها ان شاء الله واخبركم
أبوعابد 22
14/12/2011, 01:57 PM
نجرب وش ورانا
عد عندي ربع مجرب عليهم كل انواع الاكل
اصلن متعلم الطبخ عليهم
هههههههههههههههههههه