هذا رد على اخوي القحطاني505 وعلى شروط المسابقه @@!!@@

[هاوي تحدي]

السلام عليكم ورحمة الله


اخواني الكرم اسعد الله جميع اوقاتكم ............ واعذروني على غياابي اللي ادري ان محد فقدني :) بس والله لكم وحشه

على العموم ان شاء الله انك تشاركوني الراى اللي راح ينجح السباق ان شاء الله واليكم شروط اخوي القحطاني ونعقب على

الشروط لان السباق فيه بطل الخليجوحرام ياخذها سلوقي مايستحق القب...........................................


شروط ومزايا الهدد:
1-- السباق سيكون مفتوح .
2-- لايسمح لاحد بان يشارك في اكثر من هدد
3- يختار الثلالثه الاوائل من كل سباق ليدخلو على السباق النهائي المكون من 12 سلوقي وبطلها سيكون بطل السعوديه والخليج...
4-- قيمة الاشتراك 200 ريال للسلوقي وفي حال تأهله سوف يكمل التصفيه من دون قيمة اشتراك..
5-- المناطق التي لم تذكر تشارك والمعذره على عدم ذكرها...
6-هناك جوائز قيمه جدا بالاضافه الى انه سوف ينزل الفائز في وسائل الاعلام.(مجلة الابل العربيه+قناة فواصل+مجلة فواصل+مجلة مقناص).
7-- لن يتم دخول(بوش+حلوى) لصاحبها الماجد...
8-- اوقات الهدد كلها ستكون صباحا الساعه الخامسه مااعدا الاحساء ستكون في تمام الساعه00و04 مساءاً لانها مرتبطه بدول الخليج ...
9-- نتمنى من الجميع التوفيق في هاذه المسابقات......

[حرف العين]

السلام عليكم ورحمة الله وبركاتة

يامرحبا اخوي هاوي تحدي ويعطيك العافيه على هاذه الطرح .

وعندي ملاحظه بسيطه انه في مواضيعك السابقه كنت تتكلم عن السلبيات في المهدات عندكم اي انه لايوجد فيها نقطه بدايه ونقطه نهاية ولازم تحدد المسافة في النهايه والان تعلن عن هدد مفتوح :p :D

وشكرا:cool:

[هاوي تحدي]

بالنسبه لي انا ابدي رئيي لنجاح السباق

1-- السباق سيكون مفتوح .
اعتقد هدد مفتوح مهوب هدد لانه هدد ماله نهايه والدعو كله كشف اسبق سلوقي واسبق سلوقي لانه سباق سلقان وليسة سباق القدره ولا التحمل

لان قال شاعر المليون والسابقه بالشوط تضهر بيدها والسلوقي القوي يضهر بسبقه وهوب بلياقته


4-- قيمة الاشتراك 200 ريال للسلوقي وفي حال تأهله سوف يكمل التصفيه من دون قيمة اشتراك..

انا اشكك بهذا البند لان فيه نوع من الحرام لان تكلمو فيه كثير من المشايخ وانا ماني مفتي ولاكن ارجو من اللجنه التاكد لان كلنا بذمتهم

7-- لن يتم دخول(بوش+حلوى) لصاحبها الماجد...

اشلون توقف اسم انها لها ثلاث سنوات ماانسبقت وهي ماراح تشااارك ............



على العموم مشكور اخوي القحطاني على كل الجهد اللي سويتوه واتمنى انه يكون بالمستوى المطلوب ومراجعة الشروط قبل البدا بالمسابقه

لانه على مستوى الخليج ولازم يطلع بالمستوى الراقي والتنظيم الصحيح وجعل لنقطة البداية نهاية لانكم بتتعبون وبتحصل اخطاء كثيره

تقبلو وجهت نظر وننتظر رد الاخوان والدعوا كلها مشاركة رائي وانا ادري انكم بتقولون اذا مهوب معجبك لاتشارك انا ابدي رئيي

انتظر ردودكم وان شاء الله ناثر على اللجنه بوجهات النظر ويطلع المهد بالمستويات المطلوبه

تقبلو تحياتي

[هاوي تحدي]

هلا والله بحرف العين

ان شاء الله انك طيب شرفني مرورك

انت اقرا العنوان وتعرف وش الغرض السباق او المسابقه معلن عنها اخوي القحطاني بالعنوان اعلن عن سباقك

انا حبيت اني اعرضها ونعقب على شروطها لان قالو بطل الخليج ومستحيل تكون بطولة زي كذا بهاذي الشروط


تقبل تحياتي

[حرف العين]

بلنسبه لكلامك سليم ياهاوي تحدي ونقاطك في محلها واول مره اتفق معاك في نفس الرأي ولاكن انا ماقدر اتطرق لها لاني غير مشارك فيها وثانيا القحطاني 505 هوينقل الاخبار وليس من اللجنه المنظمه فلو طرحت عليه الاراء مابيده شي يعمله .

ونتامل لو في مجال انه يوصل الكلام للمنظمين ويطبقون الملاحظات فسوف تكون تصفية ناجحه باذن الله .

وشكرا

[سلطان العوني]

ما قصرت على التوضيح

[ملكانو]

و ايش ها الهدد المعلن عنه بثلاث او اربع مواضيع ,,,,اهم شيء تأكد موعده و اعطونا احداثيات موقع المهد ,,و ادخلو بالتفاصيل ,,نبي نعرف التنظيم ,,, طريقة التسجيل عدد السلق ؟؟؟ قبل لا تجينا فتوى من الاخوان ,,,ويقفل الموضوع !!

[هاوي تحدي]

الضلع الشامخ

اشكرك على مرورك والله يعطيك العافيه



ملكوانو

مرحبا بك انا مااعلن عن مهد انا اعقب على شروط اللجنة قبل بدا المسابق واعتقد تبدا بتاريخ 14 / 5 ولاكن هناك بنود عقبت عليها

وننتظر رد الاخوان والقحطاني لانها ان شاء الله بتنجح المسابقه لانه النقطة اللي ذكرتها مهم لتحديد البطل مهوب يجي ابو خمسه وثلاثين

والياقه فل ولا الظبي ياخذ لفه ويرجع له وهو يطرح الظبي وينصبونه الاول يعني ننتظر من اللجنه وضع نقطتة نهاية معقولة

تقبلو تحياتي

[بو هاشم]

والى شي ليه مومشارك بوش
حلوى قالو مشباه
اجل بوش ايشفيه مايشارك
ولا بقول عشان على قولت القايل انه مكتسح الساحه
هو لو ماهو خايف ان بينضرب كلبه كان تشوف الكلب وراعيه اولى الحضرين
ولا خايفين تجيى الكلاب السنعه وتضربه وتوديه خبر كان
على العموم بيض الله وجهك على التعقيب على الموضوع

[بو هاشم]

والى شي ليه مومشارك بوش
حلوى قالو مشباه
اجل بوش ايشفيه مايشارك
ولا بقول عشان على قولت القايل انه مكتسح الساحه
هو لو ماهو خايف ان بينضرب كلبه كان تشوف الكلب وراعيه اولى الحضرين
ولا خايفين تجيى الكلاب السنعه وتضربه وتوديه خبر كان
على العموم بيض الله وجهك على التعقيب على الموضوع

[هاوي تحدي]

ابو هاشم

مرحبا بك اخوي والدعوى مهوب دعوا بوش لو كنا نحسب لبوش وخته مارحنا ديره حنا نفكر في القري هاند والسلقان الاقوى والا العربيات بالمخبا

بعدين راعي بوش بسلامته واذا بيشارك يكون احسن لانه بيكون مهد حاسم وياليت اللجنه تعقب على البند الاول لانه بيخرب من التنظيم

وبيكثر الظلم فيه انا انتظر رد من اللجنه او القحطاني 505 ان شاء الله يوصل لهم لانه هو الكفيل بالاعلان وتوضيح بانه سباق

ولازم له نقطتة نهاية....

[القحطاني505]

مساكم الله بالخير جميع:: التسجيل راح يكون في محل الهدد وراح تفك اللجنه الظبي بعد التسجيل مباشره وانشاء الله راح يكون هدد على مستوى راقي لكي يكون كل سنه باذن الله ولكي يقوم من يهتم ويحفظ هاذاه الرياضه والهوايه
===============================================

اخوي هاوي تحدي احترم وجهة نظرك انت والاعضاء جميع وانشاء الله راح يوصل كل اللي قلته للجنه باذن الله بعد ساعه ونص وانشاء الله ارد عليكم بكره الصباح قبل لا يتم تنظيم هدد المجمعه اللي راح يكون الخميس المقبل //// تقبلوني
==============================================
القحطاني505 واسف على التاخير

[متميز 888]

هاوي تحدي عندكم نقاشات واحد يرسل للثاني رقمه وتفاهمو

[كاسر الحوم]

انا معاك اخوي هاوي تحدي في الراي وبقوه

[نفيعي]

اتمنى يصير السباق محدود لعدم الاحتجاج

[المهاجر55]

مشكورين على التنظيم المبدئي للسباق وان شأالله
يكون منظم تنظيم شامل قصدي من ناحية الكلاب والسيارات على الاخص
وانا من الاحساء وان اسمحت لي الفرصه بشارك بسلقه لاكن بعد ماتجهز
وراح يشوف الجميع قوت سلقان الاحساء
وبتقولون قال المهاجر55 ان شأالله
تحياتي للجميع.....

[القحطاني505]

الله يوفقك اخوي المهاجر وان شاء الله راح نستمتع اجمعين

[بو هاشم]

أخوي القحطاني 505
حددت اعمار الكلاب
كل عمر لحاله ولا الكل سوى

[القحطاني505]

اخوي ابوهاشم ليس هناك خلاف في العمر ولكن السباق مفتوح يعني اكثر من ثلاث كيلو ومااعتقد ان في جرو راح يمشيها او انه زيين لو مشاء
والله لايهينك

[النوخذة]

السلام عليكم
اخوي القحطاني يعني انت تهددنا بسلقان الماجد ؟

[القحطاني505]

الحمدلله على نعمة العقل

اسمع انا مالي شغل انا رسول مرسل اني احط موضوع التصفيه ياخي انتو عقولكم حجر فكر عدل والنوخذه محله الشبرا مو خيمة الصيد بالسلق وعط الخبز خبازه حتى لو كل نصه