جاء فصل الصيف وجائت معه الحشرات الزاحفه والطائره ...للتخلص منها

[بوليدى]

بسم الله الرحمن الرحيم

السلام عليكم ورحمه الله وبركاته


جاء فصل الصيف وجائت معه الحشرات الزاحفه والطائره

وخصوصا البعوض اتمنى من كل واحد

عنده فكره اوتجربه لكفيه التخلص منها او التقليل من ضررها

[مخرب طلعات]

هلا أخوي


أنا أقولك هذي المعلومات قد تفيدك

إشتر لك

خيمة إنجليزية (اللي سهلة الفتح و يكون لها باب شفاف مايدخل منه الحشرات)

وأنصحك أخوي بخيمة السنيدي (نص برميل) مبطنه

وأيضا ً لكي تكملها

تشتري من محل ساكو \ لمبة (سفاحة الناموس) <<< هذي مافي أحسن منها

وإنتبه أخووي من اللي يقول لك (خلطة وريد وبخاخات عالحشرات لأنها خطرة عليك وعلى البيئة)

وأنا لا أنصح الناس اللي يحطون خلطة لأنها تطلع ريحه قوية وتجلس مع الريحه القوية وتموت :)

غير كذا يمنع أيضا ً حمل أدوات الفليت (ريد أو ...إلخ) لأنها خطرة عليك عند شمها غير كذا إذا سقطت على الأرض قد لا ينبت النبات بها بعد ذلك اليوم فإنتبهوا من الأدوات الكيميائية القاتله


والسلام أحلى ختام

[راعي كيف]

السلام عليكم
تمرخ الله يحييك بفقس او فازلين للباعوض اما الديبان والعقارب كب حولك ديزل او زيت محروق .


اخوك المحب راعي كيف
ابو ناصر

[مخرب طلعات]

لا لا يا أخوي راعي كيف

الفكس فكرة رائعة وجميلة


لكن ديزل ؟ و زيت محروق ؟؟ لا لا

بعدين البقعه اللي كبيت فيها الديزل تصير تراب ملوث ولا يطلع منه نبات أبد والتراب إذا دخل في فمك تلوثت

ويمكن تروح العناية المركزة لأنك بطريقة غير مباشرة شربت ديزل :)

يعني اللي يشربه عالاطول يموت :)

واللي يدخله من حبه تراب مكبوب عليها ديزل كأنه شربها وإنت ماترضى لأخوك المسلم يدخل المستشفى بسبتك

فأرجوا من المهتمين ضد الحشرات إتخاذ أدوات تقتل الحشرات فقط

ليس قتل الحشرات وتلويث بقعه على حسابك
-
-
-
والسلام

[ابو حزم]

اخوي مخرب طلعات


اقف تحيه لك



بيض الله وجهك والله يكثر من امثالك اللي يحافضون على البيئه

اعجبني جدا حرصك على البيئه


فشكرا لك

[راعي كيف]

السلام عليكم

اخوي مخرب الطلعات انت الحين خربت الطلعه قبل ماتجي يعني نبي الرجال يعزمنا على الطلعة عشان نثبت الشيء لكن هداك الله رحت بنا لطريق غير المسلمين هههههههههههههه:) واو .
والي زاد الطين بله ابو حزام خلونا نطلع بس اما ربطتك بحزامك ماكون انا هوانا ههههههههه.
ياحبيلكم بس مير ياحبيلكم .
بعدين الديزل يقولون والعهدة على الراوي إنه ينضف البطن ويطرد الديدان حتى يذكرون ان الكلسترول فية خفيف على القلب بس وسلامكم
لاحرمنا من تحفاتكم ( خبالكم )هههه :) يالغلين

تحياتي واشواقي راعي كيف
ابو ناصر

[جهام القصيم]

احسن حل ومجرب نومسية من الرماية او من السنيدي من 50- 100 ريال او ريح بالك او نم بعمق طبعاً النومسية ما تحتاج تركيب افتحة او تنفل, والتسفيط عفطتين او تركب0

[ابو حزم]

راعي كيف انت خلنا نكشت وما عليك لو تبي جيتك متربط

ههههههههههههههههههههههههه

[الدرع العربي]

إذا كنت عند صبخا نم فيها تفتك من الزواحف

[الرسسسام8808]

الكلام كله مضبوط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والاهم من ذلك . دعاء النزول فى المكان
اللهم انزلنا منزل مبارك وانت خير المنزلين

[ولد الدواسر]

السلام عليكم اما الطريقة تجيب يا طويل العمر أكياس بلاستك شفاف وتعبيها مويه وتعلقه في الخيمة
تحياتي

[اسوق ورمي]

اللمبه الزرقا الي فيها خطوط كهربا آمينه وضوئها غير مزعج اثناء النوم وكمان صديقه للبيئة

وفي منها على شحن

[الباحث_الصغير]

مؤيد لكل من يحافظ على البيئة

ولا تنسى هذا الدعاء وبإذن الله لا يضرك شيء

(( أعوذ بكلمات الله التامات من شر ما خلق))

لا حشرات ولا أفاعي ولا عقارب

[حبيب/الضيغمي]

السلام عليكم ورحمة الله وبركاته

دائما اذكروا الله وصلوا علي النبي

واذا نزلتوا في منزل فقولوا( اعوذا بالله بكلمات الله التامات من شر ماخلق ومن كل شيطان وهامه ومن كل عين لامه) واتركوا عنكم الديزل وجميع المركبات الكيميائية الضاره وما تشوفون شر ان شاء الله

[رياض 2005]

أويد المحافظة على البيئة وبشددددددددددددددددددددده ولكن المهم.... الدعاء
فخير شيء الدعاء والذكر مثل ... اللهم اجعله منزل مبارك وانت خير المنزلين اللهم انا نسألك خير هذا المكان وخير مافيه ونعوذ بك من شره وشر مافيه اعوذا بكلمات الله التامات من شر ماخلق ومن كل شيطان وهامه ومن كل عين لامه وما تشوفون شر ان شاء الله

[مخرب طلعات]

يا أخواااان أفكااار جميله وأحلاها (الدعاء) إيه الدعاء يجب ولابد أن يكون

وأيضا ً مثل ما أيدني أخوي (أسوق ورمي) لمبة (سفاحه الناموس) زينه ومجربه طبعا ً أنا شاريها من إكسترا واللمبة (13واط) فقط لاغير وش تبغى غير كذا ؟

في محل الرماية (علبة تقتل الناموس) يقولون إنها مو مضرة بالبيئة بس أنا ماجربتها

وجزيتم ألف خير

[ولد ويبار]

اعوذ بكلمات الله التامات من شر ماخلق