استفساربسيط يا اخوان

[مدمن السبيطى]

السلام عليكم فى الحقيقه انا مقر عملى قريب من البحر ومكان ماحد يصيد فيه اهو تقريبا رصيف رسو لكن انه مهجور

من فتره واثناء وانا اتمشى فى المنطقه لقيت كميات كبيره من السبيطى الكبير ابو 5 كيلو تقريبا يطفو فوق

وبما انا السبيطى السمك المفضل طرت للبيت وجبت العده والخثاق وحاولت اصيده وشلت الثقاله عشان ماينزل الخثاق

ولكن 3 ساعات بدون اى فايده الى لاحظته انه حذر جداا لدرجه انى شكيت انه يشوفنى واانا ارمى الخيط وهذا الى كنت

اسمع عنه وانا بصراحه خبرتى قليله فى الصيد

وما اشترى من السوق الى السبيطى


الزبده وما ابغى اطول عليكم ودى لو احد يقدر يعطينى طريقه معينه للصيده او طعم معين او اى شئ يفيدنى فيه

لأنى شفت اعداد كبيره والمنطقه ماحد يدخلها الى الموظفين بس واغلب الموظفين مايحبون البحر واكتشفت

المحل بصدفه

ياليت تردون بسرعه شاكر لكم يا اعضاء مكشات


مدمن السبيطى

[سنارة]

ما راح أقولك الطريقه إلا لما توعدني إنك تاخذني معك نحدق سوااا << تكفىىى

يالغالي بإعتقادي وحسب خبرتي البسيطه في الحداق أن أفضل طعم يقبل عليه السبيطي بشراهه وياكله وهو مغمض (( مصارين الدجاج ))
والميد الطازج

وربي يوفقك ولا تنسى الخيط لا يكون سمكه أكثر من 50 إذا كان صيدك بالنهار على أساس ما يمديه يثبت الخيط

وربي يوفقك

بإنتظار صور صيد السبيطي

[مدمن السبيطى]

يعطيك العافيه اخوى سناره على المعلومات وانشالله راح اطبقها والله يعين على ريحة المصارين

وفى انتظار الى عنده خبره وطريقه معينه لكم جزيل الشكر والثواب


هلالى كتلونى

[الهجري]

أستعمل خيط مقاس سبعين و أربط العوامة قبل الميدار بمتر تقريبا

و أستعمل ميدار مقاس متوسط معقوف مقاس 7 مناسب

و قطعة من الخثاق أو الميد تفي بلغرض ان شاء الله

[مدمن السبيطى]

يعطيك العافيه اخوى الهجرى على المشاركه

مدمن السبيطى

[( برى بحرى)]

وقت الفجر ووقت الغروب ( الدنيا زرقه )

راح تذبح السبيطى

خيط شفاف وقوى لانه راح يروح للحديد ويقص خيطك يبيلك السرعه

والله يرزقك الصيد الطيب وعليك مليون عافيه

[مدمن السبيطى]

اخوى برى وبحرى يعطيك العافيه على المعلومه

مدمن السبيطى