gxr يسرف بنزين

[ولد وايل]

السلام عليكم ورحمة الله وبركاته

شباب عندي معاناة بالجي اكس ار
يسرف بنزين جربت بنزين 91 و 95 التانكيين مايكملون 400كم
صرف غير معقول الموتر ماشي 320الف شباب وش الحل

ابي فني للبخاخات وين مكانه

[غالي]

انا موتري 2003 توماتيك من يوم طلعته
اذا مشيت 140 الى 160 او 170 ماوصلني الا اول الخبر طبعا من الرياض
طبعا تانكيين
أما اذا مشيت 130 وتحت او ثبته يبقى اكثر شوي
والسبب كما قال احد الاخوان بهالمنتدى
ان الاندكروزر له صفايتين بانزين
الاولى: من الصفر الى 120 كيلو متر (وهي اقتصاديه بعض الشيء)
والثانيه من 120 كيلو متر وفوق ( وهي تشرب البنزين شرب)
والله اعلم .... هذا الي سمعت وجربت تقريبا ... تأكد اكثر من الاخوان

[ولد وايل]

اخي الكريم انا لا اتعدى سرعة 110 كم


كان بالاول اقل بكثر تانكيين 650كم الى 750كم


والان بالعذابين 400كم


تحياتي

[ابوحماد]

أعرف من أصحاب الجيوب الكثر غيرو نوع البنزين من 91 الى 95

والسبب المشاكل الفنية في 91 واهمها الصرفيه وضعف بعزم الموت

[هاوي الله]

سرعة 140 = 141 لتر (2تانكي) نوع 91 = 700 كم >>> Gx 2006 قير عادي ماشاء الله لاحول ولاقوة إلا بالله

[هاوي الله]

السلام عليكم ورحمة الله وبركاته

شباب عندي معاناة بالجي اكس ار
يسرف بنزين جربت بنزين 91 و 95 التانكيين مايكملون 400كم
صرف غير معقول الموتر ماشي 320الف شباب وش الحل

ابي فني للبخاخات وين مكانه

متى غيرت البواجي ؟؟


*نعم صرف بنزين غير معقول جداً جداً وجداً


أنت تقول 400 كم ... على خط ؟؟ أو داخل المدينه ؟؟

[ولد وايل]

البواجي مغيره اقل من شهر وعزمه ضعيف جدا ابي حل..............

[ناصح]

السلام عليكم ورحمة الله وبركاته

شباب عندي معاناة بالجي اكس ار
يسرف بنزين جربت بنزين 91 و 95 التانكيين مايكملون 400كم
صرف غير معقول الموتر ماشي 320الف شباب وش الحل

ابي فني للبخاخات وين مكانه


أولا يسرف أو يصرف

فيه فرق

يسرف من الإسراف والتبذير

يصرف بمعنى يستهلك


ثم لم تذكر موديل السيارة ...!!!

وأخيرا من الواضح أن سيارتك تحتاج صيانة

لأن أغلب أصدقائي معهم GX-R

ويمشيهم من 650 إلى 700 كيلومتر

شكرا لك

[VXR.2007]

السلام عليكم يقولون فيه شي اسمه منظم هوا جنب البخاخ لازم يغير وسعر تقريبن 230 ترا يزود عزم اكثر ويقلل الصرفيه ممكن فيه خلط بنزين بين 95 و91 اذا صار بتعبي95 احسلك عب من محطة الدريس .. والله يوفقك

[غالي]

لاتقهروني يااخوان :(
ترا من يوم طلعت موتري يالله يوصلني 400 كيلو على خط سفر
بما اني ادخله تشييك وكاله ويغيرون صفاية البانزين وغيره
لكن ماتغير صرفية البنزين ثابت على هالشيء
اتمنى اخوي صاحب الموضوع ان تبين لك السبب لاهنت عطني خبر لو على الخاص واكون شاكر لك ومقددر
يعني ابكمل 4 سنوات ولا ادري :(
مشكله ابقوم احسب كم خسرت في البنزين من ذاك الوقت :)

[الرهدن]

السلام عليكم ورحمة الله وبركاته



شباب عندي معاناة بالجي اكس ار

يسرف بنزين جربت بنزين 91 و 95 التانكيين مايكملون 400كم

صرف غير معقول الموتر ماشي 320الف شباب وش الحل



ابي فني للبخاخات وين مكانه

وعليكم السلام ورحمة الله وبركاته00

موتري GXR 99 أتو ماتيك ماشي قريب موترك

يعني مانب بعيد عنك00

ممكن بالصيف يوصل داخل البلد 450 كم ثم تولع اللمبة للتانكي 2

بالشتاء ممكن يوصل فوق ال500 كم بقليل

أما في الخطوط الطويلة فاالإستهلاك أقل بحيث لاتتعدى 140



وتشغيل المكيف مع الحرارة والوقوف الطويل يزيد الإستهلاك



وياليت أحد يثبت هذا الكلام من واقع تجربة :



يقولون فيه شي اسمه منظم هوا جنب البخاخ لازم يغير وسعر تقريبن 230 ترا يزود عزم اكثر ويقلل الصرفيه 00

شوري عليك لاتلعب بالبخاخات00

لأن الوكالة بنفسه تحوسه عليك00

فية سائل تنظيف يباع بالوكالة للبخاخات وعليه تعليمات سهلة00

أخلطه مع البنزين وإن شاء الله تشوف الفرق



لكن ؟ إنتبه !!

من سائل التنظيف حق المحطات00 حيث حذرني فني سعودي منها





.

[السهل 494]

انا سيارتي جي اكس ار 2005 خليجي قير عادي واستخدم له بنزين 91 التانكيين تمشيني من 650 الى 700 اذا طلعت من المدينه الى جده ممشاي 140 اوصل جده والتانكي الثاني فيه النصف تقريبا

[البيـرق]

اخوي.......

امتلك اول جكس ار توماتيك 2006 يمشيني حول 700كم

والحين عندي قير عادي 2005 يمشي من 650 الى 700كم...........

وانصحك تفحص موترك كمبيوتر........لان صرفيته مهب معقوله تقول ينثر البنزين....400.....2...؟؟؟؟؟؟

[alkongrs]

امش ميه وعشرين وشف كيف الصرفيه لحد يعبي بنزين 91أعرف شخص خبط عليه المكينه وعذرون طلعت عن الموضوع

[ولد وايل]

اخواني فحصته كومبيوتر والى الان ما لقيت من يكون كفو ويصلحها

كل واحد يدلو بدلوه

[ابوحماد]

اخواني فحصته كومبيوتر والى الان ما لقيت من يكون كفو ويصلحها كل واحد يدلو بدلوه

طيب وش نسوي فيك دام محد كفو على قولك

[ولد وايل]

اقصد مو كفو اللي رحت لهم وعطوني شوركم وراك معصب يابوحماد

[كاشخ 24 ساعه]

انا من رايي تبيعه

[ولد وايل]

ما ودي ابيعه لين اصلحه ابي ورشه ممتازه

[ابوحماد]

اقصد مو كفو اللي رحت لهم وعطوني شوركم وراك معصب يابوحماد

ايووووووووووووووه قول كذا يا أخي وضحها والله الشباب متحمسين يبون يخدمونك

وهذا حبت خشم

[ولد وايل]

اشكرك اخووووووووووووووووووووووووووووووووي

[ابو عاذر]

اخواني فحصته كومبيوتر والى الان ما لقيت من يكون كفو ويصلحها

كل واحد يدلو بدلوه

شف اخوي عندك ورشة العضيب لاندكروزر(( وكيل ضمان سيارات وارد البريمي )) بالرياض الصناعية القديمة الوصف :-
الدائري الشرقي مخرج 17 تتجه معه مغرب لين تجيك الاشارة ألي بعد نفق سكة الحديد تأخذ من عندها يسار متجه جنوب بتل لين يجيك ورشة شالنجر على يدك اليسار بعدها شارع يتجه شرق خذ معه بتل الورشة بتكون نهاية الشارع على اليسار .

مع تحيات اخوك ابوعاذر

[سندباد الخليج]

اخوي ولد وايل

مساك الله بالخير

الموتر مثل ماوضحت لنا حالته صرفيته غير طبيعيه

ولكن انصح بالوكاله لاتبيع ولا تشتري امسك موترك ترى هالايام تبيع برخيص وتشتري بغالي

على مااضن ولست متأكد ان صرفيت الموتر هي من مشكله الديلكو او البخاخات

ولكن انصحك بالوكاله يصلحونه ويعطونك ضمان والله يعديك شره

[ولد وايل]

الوكاله يبيلهم دراهم(ن) واجد


والعضيب باذن الله بمرهم


تحياتي لكم اخواني

[علم199]

السلام عليكم ورحمة الله
جرب وغير اسلاك البواجي لإنها مهمة وليست مجرد اسلاك ولكن يوجد بها مقاومات ومنظمات للكهرب قد يكون تغييرها هو حل لمشكلتك .

[ولد وايل]

شكلي من كثر التغيير بغيرها شوي شوي وبغير راعيها اللي هو انا.............

[التسعه شفر]

تأكد من أن الشكمان صافي .. فإن كان أسود جدا من الداخل فهذا ربما يدل على صرفية بنزين

والحل انك تسوي هاللاشياء بورشه محترمة لها سمعه


تصفيه مكينه وغير فلاتر السيارة والصفايات وغير زيتها وبدل البواجي وواسلاك البواجي وافحص وزن الديلكو


وتاكد من عوامه البنزيين ليكون تعطيك قياس غلط



في شغله تكون غريبه بس تأكد من الدبل الكهربائي ليكون شغال عليك وانت ماتدري

[ولد وايل]

الدبل ماهوى شغال فلتر جديد والصفاي جديد والبواجي هم جديده


ابي ح ـــــــــــــــــــــــــــــــــــــــــــــــــ ل

[أبو أسامة]

السلام عليكم ورحمة الله وبركاته

أخي الكريم ولد وايل ............... أعانك الله على مشكلتك ..........

أشور عليك أنك تودي الجيب للوكالة للفحص فقط يعني يفحصونه ويعلمونك وش المشكلة لأن الوكاله يوجد لديها كمبيوترات خاصه بالشركه الصانعه للسياره ............ تشبك على كمبيوتر السيارة وبعدها يتم تحديد المشكله وبعدها أذا بغيت تصلحه عندهم أو عند غيرهم اللي يجيزلك ......

والسلام عليكم ورحمة الله وبركاته

[ولد وايل]

بيض الله وجهك يابو اسامه
الجيب وارد الفطيمي

خليجي

[فهد 1426]

اذا ما ودك تروح للوكاله ــ
اخبر فيه كهربائي في الصناعيه القديمه ــ متخصص فحص كمبيوتر وتحديد الاعطال خصوصا المعقده التي تختص بالكمبيوتر ــ بصراحة الولد فنان مره وحاذق في تخصصه ـ اذا ودك برقم جواله ارسله لك ــ وإن شاء الله ينفعك ــ لاني بصراحه دائما اتفائل بهذا الكهربائي صحيح محله صغير وفي مكان صاد لكن تعال شف الزبائن ما شاء الله عليه ما تلقى مكان لموترك ــ
اسأل الله لك ان يفرج لك من هذه المشكله ـ

[ولد وايل]

اخي الكريم فيه واحد هندي كان عند الجميح لايكون هو قريب من العضيب والمجد

اذا كان هو رحت له واذا غيره


اتمنى ان ترسل لي رقمه

[فهد 1426]

مالك لوا طال عمرك هذا واحد يا هو لبناني يا هو سوري ــ اسمه رياض ــ
ـــــــــــــــــــــــــــــــــــــ
وان شاء الله ارسل لك رقمه غدا

[رحال7]

اخى صرفية البنزيز قد تزيد كلما قدمت السياره ولكنها فى حالتك غير طبيعيه واحمد الله ان لديك شىء واضح لان عندى تقريبا نفس المشكله من ناحية العزم تغيّر فجأه وكذلك الصرفيه زادت ولكن ليس مثل الحاله التى لديك والوكاله يقولون ما به اى مشكله!!! ....وانا اعلم يقينا ان هناك مشكله!!

هذا رد الوكاله اذا لم يكون لديهم علم بالمشكله وعندما تكون الاحتمالات كثيره فقد يقومون بأشياء كثيره ويخسرونك الاف ولا تطلع بنتيجه..اخى لدى معرفه بالوكاله ونصحنى ان اتوقف عن الاصلاحات حتى يظهر شىء واضح!

اخى هذه المشكله تكرهك فى السياره وقد تبيعها وتخسر الكثير لان الشراء غاااالى كما نصح احد الاخوه ولكن اعجبنى فيك الاصرار والصبر وهذا 70% من حل المشكله..........


من خبره..تم تغيير التالى وسوف نأخذها وحده وحده حتى نصل نحن وياكم الى الحل باذن الله:

البواجى ( مرتين)
وفلتر البنزين (مرتين)
وتنضيف التوانك (((مكلف وليس مهم اليوم..)
وتنظيف االُثروتل بدى... وهو الجهاز الذى يشبك فيه مدخل الهواء وهو سهل الفك والتنظيف وهو فى مقدمة المكينه وينظم كمية الهواء الداخل الى السلندر.. ....وقد يكون مشكله كبيره اذا اتسخ
وتغيير فلتر الهواء
كذلك استخدمت سأئل تنظيف البخاخات من والوكاله وهو ما تنصح به الوكاله! وقد يكون هو الحل
كذلك قمت بتنظيف حساس الهواء وهو يقع بعد فلتر الهواء من الاعلى! لا اعلم اذا كان موجود بال GXR وهو مهم ويجب التعامل معه بحذر شديد جدا وتنظيفه سهل جدا..قم بفكه ولا تلمسه بيدك او بأى ماده الا ببخاخ تنظيف الموصلات الكهربائيه وهو موجود بساكو!
كلما ذكرت اعلاه ليس مكلف وعمله سهله..

امور افكر بها فى المستقبل:


اسلاك البواجى
ألبخاخات: هناك محلات مشهوره بتنظيف البخاخات سوف ازورهم مره اخرى ..وللمعلوميه اكثر المحلات تقوم بفك البخاخات فقط اى ليس لها اى دور اخر وترسلها الى ورشه تقوم بالتنظيف بجهاز خاص! وهنا تجنب هذه المحلات وتعامل مباشره مع المتخصصين...هذا الامر حساس لكون الوكاله نفسها لا تريد ان تتدخل فى البخاخات لانها مكلفه ومعقده وقد يخربونها..الله اعلم!ّ...ولكن احد الشباب اخبرنى انه كان لديه لكزس وقام بتنظيف البخاخات لدى ورشه فى الخضريه بالدمام واصبح عزم السياره 100%...ومعلومه اضافيه قد لا يعلمها الا ما ندر ومنها ورش البخاخات فقد اخبلانى احدهم ان البخاخات تختلف حسب موقعها !! وهذا خطير اذا صح..وقد يكون هذا مربط الفرس وسر الاسرار
قد تكون المشكله كهربائيه لان الجو الحار لا يرحم ويخرب الاجهزه الكهربائيه والموصلات..وخصوصا اذا كان هناك اصلا عيب فى الجوده وهذا يحدث! ولكن بشكل عام سيارات تويوتا تتحمل واستغرب حدوث مثل هذه المشاكل..
اتمنى ان اكون افدتكم ولا تنسونا من دعائكم والله اعلى واعلم

[فهد 1426]

ارسلت لك على الخاص
تحياتي ,,

[ولد وايل]

الف شكر لكم شباااااااااااااااااااااااب
فهد1426 الف تحيه لك وتقدير

اخي الكريم رحال7 ((وتنظيف االُثروتل بدى... )) ما فهمتها

[Cruiser2]

موترك مافيه شي هذا السته سلندر يشرب شرب وكل ماقدم زاد شربه ولاتتعب حالك

[ولد وايل]

وش الحل مع السسته ابي حــــــــــــــــــــل

[طارق الحربي]

خلهم يشيكون على نظام الاحتراق كاملا

تحياتي

[ولد وايل]

بيض الله وجهك اخي العزيز طارق

[الزعيم222]

اخوي تاكد من وزنية الديلكو وانتبة لايفحصة اي واحد 0000 شفلك واحد خبير 100%

[خوي الشاص]

السلام عليكم هلا اخوي والله انا كان معي جي اكس 96كنت امشي فيه سرعة 140 الى 160كان يقطع مسافة 750كيلو ويمكن تزود والحين شريت جي اكس 2007امشي من 140الى 150 مايكمل 450 كيلو تانكيين يعني المساله الجديد فيه صرفيه واضحه مره وفرق واضح لاتعبث بالبخاخ وانا اخوك اهم شي خلك مثلي اضرب حساب المحطه لازم تكون قريب منها تحياتي

[ولد وايل]

تم بيع السياره قبل ثلاث سنين

[وليد الجريدي]

هلا اخووووي حياااااااااااااااااااااااااك

ياخي موترك مااابه شي لاحد يلعب عليك وتضيع دراهمك على الفااضي
وليت بس تضيع دراهمك ويسلم موترك .... بس بتلعب بالحساسات والديلكو ومن الخرابيط ذي
انا موتري جكس 2007 ومافكرت ولا راح افكر اسوي الاشياء ذي لا وبعد اعبيه 91
عااادي الصرفيه ذي انا امشيه 300 كم بتانكي واحد اللي هو التانكي الكبير
ودايما يووم الاربعاء اطلع للديره وارجع يوم الجمعه بالليل
وقت النهار البنزين يرووح بسررعه وبالليل لا يكون الجو بارد وزين
اذا شديت للموتر ومشيت اكثر من 140 البنزين راح يزيد استهلاكه
واذا هديت راح يقل الاستهلاك
وثاني شي شف سواقتك اذا انت رجلك حاااره على الموتر بعد البنزين ماراح يجلس
مثل اللي مواترهم تماتيك قل شوي يشبك الدعسه الثانيه
وبعد اذا انت ماتثبت موترك بالخط يعني تشد على الموتر وترجع تهدي
كل ذي الشغلات تخلي البنزين يخلص بسررررعه

الزبده: انتبه لموترك لايلعبون عليك الورش وترجع تندم انك رحت لهم
والله ماورى الورش الا وجع الراس .. اسال مجررررب

[ناصر]

نصيحه ياخوان اصاحب الجيوب gxr
لاحد يعبي 91 بتاتا
راح يعدم الموتر مع الوقت

[volcano]

الرجال باع الموتر من سنين والموضوع منتهي