المساعد الشخصي الرقمي

مشاهدة النسخة كاملة : سالفه ... جانا القيظ وزان وقت السوالف ...


أبو رداد
31/05/2007, 08:04 PM
السلام عليكم ورحمة الله وبركاته

ماتذكر السنه الي صارت بيها السالفه
لكن اتوقع 1999 او 2000 ميلادي
كنت انا واخوياي قانصين غرب العراق
وكنا ثلاث سيارات في اول الموسم معانا طيورنا ... تونا ناقليها
نامن (ندهل )طيورنا ونعطيها لياقه قبل لانروح الى مقانيص شرق العراق
لان الحباري تصل شرق العراق قبل الغرب بفترة شهر تقريبا
وفي نفس الوقت قانصين على الطيور
وكانت الصحبه طيبه وسوالف طيبه ومستانسين
اول منطقه جيناها اسمها الشيحيه او الشيحيات وهذ المنطقه
تعتبر مطار للحوم (يجمع اغلب انواع الجوارح)
ابتدا من بداية شهر 9 ميلادي تقريبا
هضبه واسعه جدا وفيها خباري كثيره والحوم ينزل فيها
ونظام الصيد في الشحيه كل ثلاث اربعه معزبين في خيمه وعندهم سيارتين ثلاث
ويقنصون الفجر والساعه 10 صباحا تقريبا تصعد معظم الجوارح للحوم
ويرجعون القوانيص لخيامهم يقيلون لين العصر ونزول الحوم
وخلال فترة القيلوله تصير العزايم وتحلى السوالف
بقينا حول اسبوعين في الشيحيه
وكان فيها طيرين عاصيات معظم القوانيص لاقوهم ولاقدروا يصيدوهم
واحنا من ضمن هالقنوص ما قدرنا عليهم بعد ماعجزنا بكل الوسائل
واحد من هذه الطيور كان لما ينزل في الارض يدخل في
جحر الحصيني (الثعلب) ومايطلع غير راسه !!!
ههههههههههه
بصراحه ملينا المقناص وقلنا لو الله قاسم لنا رزق كان صدنا
ها يالربع شوركم قالوا ... الجزيره
سمعنا فيها امطار وقطا
قلت توكلنا على الله
لملنا خيامنا وتوجهنا باتجاه الضايع والنيه الجزيره وكانت تبعد حول 450 كم
اول مادخلنا مقناص الضايع يبعد (حول 200) لقينا سياره مولعه اللايت
وهذه علامه متفق عليها في غرب العراق يعني عنده طير ولاتجوه
الا اذا احتاجنا ونشاركه
الطير كان من الطيور الدهم او السود .. كنا بعيدين والشوف بالدربيل
ولما عرفنا الرجال شاركنا .. لكن ادارة الموضوع عنده لانه راعيه الاول
المهم عطيناه قطا وحمام وبصراحه ادارته كانت غير جيد
لكن ماباليد حيله ...
والطير درج الحوم والعوض على الله
الرجال مسك فينا على الغدا وكان حاله ضعيف .. الله يرزقه ويرزق المسلمين
وحلف علينا ماننزل شي من سياراتنا وقال يالربع والله اني فرحت فيكم
وطالبكم تبقون يمنا مستوحشين وحدنا هنا وهذا ثالث طير نشوفه
وترانا ماصايدين من 9 سنين
لكن مانقدر نفارق هذه الارض احياء لذكرى والدنا الله يرحمه والمسلمين اجمعين
(ابوهم اله يرحمه من اشهر صقاقير المنطقه والخباري مسميها على اسمه)
واشاور ربعي ها .. وش قلتوا نظل هنا
القطا موجود وطراطيش مطروملقى طيب
واحد قال استخرت وقلبي مال للجزيره وواحد قال شفت بالرؤيا سمك في الجزيره
قلت على الجزيره بعد الغدا ويد الله مع الجماعه
وماني مخالفكم لكن قلبي مايل هنا في الضايع
ودعنا خوينا وتوجهنا صوب الجزيره
وقلت يارب ان كانك كاتب لي رزق حوله على هذا الرجال
وللسالفه بقيه ...
نكملها في وقت لاحق ان شاء الله
peregrine
31/05/2007, 08:48 PM
الله يعطيك العافية لكن شوقتني اعرف شنو باقي السالفة انشاءالله ما تطول علينا
((الخالدي))
31/05/2007, 08:57 PM
مشكور
وما قصرت
على
هالسالفة
ســـــــنافي
31/05/2007, 09:38 PM
سالفه حلوه
ونتحرى باقيهااااااااااا
حيدرة
31/05/2007, 10:14 PM
السلام عليكم

مشكور ابو رداد
ننتظر الباقى

بدون تعليق
جحر الحصيني (الثعلب) ومايطلع غير راسه !!!
ههههههههههه
لا يكون عازمه علي الغداء
*الـزيـن*
31/05/2007, 10:46 PM
الله يعطيك العافيه يا ابو رداد

لا تبطي علينا بالسالفه





اخوك الزين
القصيلي911
31/05/2007, 10:53 PM
يعطيك العافية
وننتظر الباقي
شوقتنا
القناص الملثم
31/05/2007, 11:24 PM
الله يعطيك العافية
ابوفزاع
01/06/2007, 12:00 AM
يعطيك العافيه
ترى ننتظرك بفارع الصبر
حطاااااب
01/06/2007, 01:06 AM
السلام عليكم ورحمة الله وبركاته
الله لا يهينك على السالفه
بس لا تعلقنا كملها ننتظرك ان شاءلله
تحياتي لك
ابرق العزاف
01/06/2007, 01:13 AM
والله سا لفة ها الطير ليش ماطلع عليه الحصني واكله
يمكن مقسوم للحصني
صقر عليه
01/06/2007, 01:46 AM
والله سالفة حلوه وخشينا معها جو

في إنتظار باقي السالفة
الاشعل 316
01/06/2007, 04:21 AM
مشكور وما قصرت

تقبل تحيات

اخوك ابو سطام
طارق الحربي
01/06/2007, 04:18 PM
شوقتنا يابو رداد

ننتظر التكملة
نايف قطر
02/06/2007, 01:21 AM
مشكور على السالفه وحبنا نسمع التكمله
أبو رداد
02/06/2007, 01:56 AM
بقية السالفه...
توكلنا على الله وقطعنا نهر الفرات ووصلنا للجزيره
ولما وصلنا الجزيره ضفنا عند خوي في منطقه اسمها القعايد
لكن حصلنا الجو حر والحوم قليل جدا
بقينا يومين وجاني اتصال قالوا انطرح طير في مقناص الي كنا فيه
وقلت يالربع ارخصوني اروح للطير ان جاز لي شريته
قالوا محنا باقين لان الجو حار والحوم قليل
وافترقنا
رحت على الطير وجازلي وشريته
وفي طرق الرجعه كان عندنا خوي قانص في منتصف الطرق تقريبا
في منطقة ال160
تغدينا عنده واخذنا علومه وعطيناه علومنا
واحنه عنده ويجيه رجال قال عندي من الخبر منطقة الضايع جتها امطار قويه والقطا تضاعفت اعداده والوديان سالت وكثرت الغدران
واناظر على خويي الي معي هاااااااا
قال على الضايع ههههههههه
خوينا الي ضفناه ماوده نروح عنه
قال يمكن الجسور تقطعت وجايكم ليل ابقوا يالقين خير
قلنا لالالا ان كان لك هوى تجي معنا يحياك
وبعد ماعجز منا قال الله يحفظكم
وصلنا المقناص ليل
قبل يومين تركنا المقناص مافيه غير خيمة خويانا لكن نشوف لايتات كثيره
وسيارات كثيره
؟؟؟؟؟
واحد يسال الثاني وش هاذ ؟؟؟
مانعرف قنوص ولا رعيان ولا مهربين ولاحكومه ولاامريكان
بصراحه تندمنا مابتنا عند خوينا وطلعنا الفجر
لان كانت الاوضاع في وقتها مشحونه واحنا نعرف
وبعد تردد
قلنا خل نزهب سلاحنا ونتوكل على الله
ولما نقرب
(هنا ردت اقلكم للسالفه بقيه وهونت ههههههههه)
لنها (تلكترات) حراثات زراعيه
مستغلين الارض انوسمت ويطشون حنطه وشعير(زراعه ديميه)
ههههههههههههههههههههه
اشوا
والله رحنا على خيمة خوينا ولقيناهم نايمين
قعدناهم ونمنا هههههههه
والفجر طلعنا للمقناص ولاشيء يذكر
والضحى وقبل رجعتنا للخيمه اهتويت ارمي الحمام الي في الخسفه
الخسفه / يعني الارض مخسوف على شكل دائري تقريبا
تقريبا قطرها 200 متر او اكر وعمقها نفس المسافه او اكثر
ويعيش في اطرافها حمام زرقي (دحول)
فكان خويي يرمي حجر ويطير الحمام ولما يظهر خارج الخسفه
ارميه في البندقيه
وبهذه الاثناء وتخر علينا شيهانه من السما
والله ينزولها يرعب
وتلحق بالزراقي ونلحقها ... ونلحقها
طبعا هي صادت زرقيه لكن الله سلطت عليها اعقاب واخذها
ونعطيها اول حمامه ويجيها اعقاب وياخذها منها بعد
وانا اقول لصاحبي شبك زاجل كبيروالقطا اعطي للعقبان القريبه
حتى لايجون على الشيهانه
لان اعرف الشيهانه ملعونه تاخذ صيدتها وتشرد
وبهذه الاثناء يجي شريكنا بالدتسن القديم ويرميلها قطا
وتعلق هوى
طبعا احنا صحنا عليه لكن مافي فايده قد رماها
طير شبك او كمش او طراد ماعندنا
ماعندنا غير الوحش الي تونا شاريه
ياورطة الورطه
رمينا قربها مافكت اخذت القطا وصعدت فوق
واحنا نلاحقها
خوي قال راحت العوض على الله
قتله كيف قال قدامنا شعيب والشعيب سايل وماينعبر
والله زدت السرعه وصرت قدامها وقدرت اخليها تغير اتجاهها
ناظرت في الطير الي عندي وطلبها لكنه وحش وكان قرناس بكر
قلت اخاف ابتلي بلوتين
المهم
تبعناها وبعد عذاب صدناها
ولله الحمد
طبعنا انا اشتريت حصص الربع
والشاهين صقرته وصدت به حباري وكان سبقه عجيب
وبعتها بعد فتره
وسلامتكم
الحكمه من السالفه هي
الرزق يريد صبر ورزقك يصيبك لو بعد حين
الليل شين بالسفر وخصوصا في البر
الشيهانه لاترميلها شي خفيف
قد ماتقدر ثقل لانها تشرد في صيدتها
والسلام
حيدرة
02/06/2007, 03:46 AM
السلام عليكم

مشكور وماقصرت

الحكمه من السالفه هي
الرزق يريد صبر ورزقك يصيبك لو بعد حين
الليل شين بالسفر وخصوصا في البر
الشيهانه لاترميلها شي خفيف
قد ماتقدر ثقل لانها تشرد في صيدتها
والسلام
سنجااار
02/06/2007, 08:29 AM
السلام عليكم
الله يعطيك العافيه بس شوقتنى للسالفه
طيرحوران
02/06/2007, 08:40 AM
بارك الله فيك اخي ابو رداد على السالفه
والمكتوب لك مايرده احد
وجزاك الله خير
وفيها حكمة اكبر من ذلك وهي
بأن العبد يؤمن بقضاء الله وقدره خيره وشره
قلب شاهين
02/06/2007, 01:13 PM
ياحيك يابورداد شوقتنا للمقناص والسواف الطيبه ،،

بس أن كنت تبي الصدق ودي اقنص العراق لكن الحين تغير الوضع والي بيقنص برا بيواجه مخاطر وتعب لكن انا عن نفسي ولا مره قنصت برا السعودية لكن مقناص السعودية من احلى المقانيص عندي وحباري السعودية ترتفع فوووق وتعرف الطير السبوق والحماس يكثر ،،

أبقولكم سالفه صارت لنا السنه هذي بشهر 3 كنا قانصين بالغرب أملج وحول ينبع والحقيقه مقناص ولا احلى صدنا كراوين وارنب وطيور ثانيه . كنا طالعين ندور كراوين الصبح على الساعه 10 تقريبا وحنا ندور كنا سيارتين واحد يقنص غرب المنطقه والثاني شرق حنا كنا بالغرب وهم كانو بالشرق على الساحل وفي واحد معنا يموووت على شي اسمه كرك يعني الكرك لو صاده خلاص ماوده بالمقناص ههه وكان جمب السواق وانا كنت خلف وجمبي الطيور وشوي الا سمعنا اخويانا يراسلونا على الكنود ترا عندنا كرك وفزززز الي جمبه ويقوله اسسسسسرع رووووح والسواق ماصدق ويدووووس وانا جالس ورا وتصدقع والطيور فوق راسي والفرشه الي يجلسون عليها الطيور كلها مروش على راسي وانتم بكرامه ههههه المهم اني تبهذلت ويوم قربنا منهم وحنا معشقين الشوزن ومجهزين شغلنا ويوم وصلنا عندهم طلع غرنوق ماهوب كرك !!! وعصصصب الي جمب السواق والسواق وانا كلنا عصبنا هو مسكين يحسبه كرك لأن يشوفه فووق مرتفع ومايبين والمسكين ابتلش هههه وبعدين مشينا ولقينا كراوين وهدينا وانبسطنا وهذي هي السالفه وياليت كل واحد يعطينا سالفه حتى لو قصيره ،،

أسفين على القصور وتقبل مروري ،،[b]
ابو عايد
02/06/2007, 07:45 PM
السلام عليكم ورحمة الله وبركاته

تسلم على السوالف الطيبه يابو رداد ، والمكتوب لك مايرده احد ، وجزاك الله خير
اعقاب
02/06/2007, 09:10 PM
زانت علومك ياذيبان
طريت 160 واحزنتني
أبو رداد
02/06/2007, 11:35 PM
peregrine (http://www.mekshat.com/vb/member.php?u=52425)

الخالدي

سنافي

حيدره

الزين

القصيلي

القناص الملثم

ابو فزاع

حطااااب

ابرق العزاف

صقر عليه

الاشعل

طارق الحربي

نايف قطر

حيدره

مشروك

طير حوران

صقار القصيم

ابو عايد

اعقاب

الله يحيكم ويرحب بكم على فضله

,,,

الرحله هذه كان فيها الكثير من المغامرات الممتعه

لما عدنا انا وخويي من منطقة الاعوج الى الرطبه

كان طريق بري

وكنا في احد الشعبان وكان فينا جوع

وصدفه لن اربع غزلان تنطق قدامنا تيس وثلاث عنوز

وبدينا بطردها وكنت اجهز البندقيه وخويي كان يسوق

وانا اقول يحي المشوي هههههههه

وانا اقله اعطيني مجال رمي للتيس

قلي تريد نمسك الام ...... بصراحه طمعت قتله اي

قال لاترمي هالحين اطلعهن على الفقاره وعقب مانفرد العنز ونمسكها

نرد على الباقيات واضرب التيس

قلت له والله انك بلوه

وزان مرماهم يمكن مابينا وبينهن الا عشرين متر

وشوي شوي

وشوي شوي الارض تتوعر

والمسافه تزيد

قتله يمعود قدامنا وعر راح يروحن

قال والله يمكن انا توهمت

الفقاره قدامنا

هههههههههههههههههههه

وصلنا وعر بحيث السياره وقفت والغزلان قد وصلن ديره

قلت لاحول ولاقوة الا بالله

وش نطقك ايبن الحلال

كيف طعتك ماعرف ؟؟؟

هههههههههههههه
peregrine
03/06/2007, 12:51 AM
الله يعطيك العافية ياابو رداد "الارزاق بايد الرحمن والرزق قسمة ونصيب"

والعام الماضي طرحنا شاهين بحري فرخ مقاس16ب15.5 بالفعلللللللللللللللللللللللللللللللللللللللللل

سبحان الخالق رمنا الحمامة والشاهين كانت معلية بالجو اقسم بالله في ظرف 3 ثواني ضاربة الحمامة سبحان الله بالفعل مشهد ماينسي تنزل مثل سهم النار
نايف الخالدي
03/06/2007, 01:25 AM
السلام عليكم
الله يعطيك العافية ياابو رداد ومشكور وماقصرت
طارق الحربي
03/06/2007, 02:43 AM
ِشكرا لك اخوي ابورداد

يعطيك العافيه
أبو رداد
03/06/2007, 06:13 PM
peregrine (http://www.mekshat.com/vb/member.php?u=52425)
نايف الخالدي
طارق الحربي

الله يحيكم واشكر لكم مروركم الكريم
جلال الشمري
03/06/2007, 10:39 PM
لا والله ابو رداد حياك الله اما بالتسبة للاخوان الذين استغربو من دخول الطير لجحر الثعلب اخوان لا تستغربو لان الطير كان وعلى ما اعتقد جرناس وحبن يرى الموتر مقبل عليه يخفي نفسه في اي مكان تحت شجهرة مثلا او في جحر وهذه مسالة جدا طبيعيه ولاغرابة فيها وحيا الله جميع الاخوان \ ابو مسيره
مستغرب
03/06/2007, 10:52 PM
بارك الله فيك كلام طيب
أبو رداد
04/06/2007, 02:49 PM
ابو مسيره
الله يحيك
وانت كنت من الجماعه الي يريدون الجزيره في وقتها
ههههههههههه
سلم لي على الشباب في العزيزيه
,,,
مستغرب
الله يحيك وانت الاطيب
قلب شاهين
27/06/2007, 12:11 AM
لــــلـــــرفــــــع ,,

والله يارجال ودنا بالسوالف ومو معقوله صقار ماصارله موقف او سالفه بالمقناص !!

ننتضر منكم ،،
خيال الصبحا
27/06/2007, 12:29 AM
السلام عليكم ورحمة الله وبركاته

تسلم على السوالف الطيبه يابو رداد ، والمكتوب لك مايرده احد ، وجزاك الله خير