إعرف هذا المكان .... ولك هدية

[saudian55]

والهديه جاهزه بشرط تحديد المكان بدقه

http://www.ksa4up.net/upload/wh_53254626.jpg

[ali742]

اسفل شعيب ملهم والله اعلم

[مارشال]

في البر ....

[السعساع]

شعيب اشوكي

[alkongrs]

الله اعلم يمكن البرحه الي عند بيتكم
هههههههههههههههههههههههههههههههههههههه
شعب الطوقي

[روق]

والله ياخوك عندي توقعين

واحد حول حفر العتش

والثاني طريق مزعلة من الدوادمي

الشكر موصول

[عقـــــــــاب]

أبصم بالعشره وأتحداك تقول لا ..
المكان في المملكه العربيه السعوديه وتحديدا المنطقه الوسطى .

ههههههههههههههههه

[ساهر]

صوره حلوه وروعه

اتوقع والله اعلم بالقرب من مثلث تبوك القليبه الجوف

وادي فجر

[HAMAD999_888]

هذي خلفها كثبان رمليه يعني عروق يعني يا انها خريم او التنهات او العتش

[ابوحماد]

هذي الصورة في العرمه بس وين مدري

يمكن تكون في مصده او شعيب الثمامه او شعيب جريذي

[ملاعب الريح]

طراف العصل...........وش رايك



ملاعبـــ

[هولوكس2005]

اخوي حدد بأي منطقه
علشان نعطيك العلم الاكيد على شغلك هذا ماودك تعطي الهديه احد حتى بعد تقول تحديد المكان بدقه

حتى شكله مو شعيب كبير علشان هذي ماريتنا

[saudian55]

الحقيقة الجائزة شكلها راح تبقى عندي لأنه ماأحد قدر يحدد المكان الصحيح حتى الآن

[zaaml]

البسيتينات حول لوقه

[w5070]

بين الشوكي والطوقي!!!!!!
أخوك A.k.h

[كهلان]

مكان رائع طعس وشجر وماء وش خليت ياغالى وزود عليهن براد شاهى على جمر
اقول : أنت علمنا وين هو ونعطيك جائزتين مو وحده

[فاقد النديم]

السلام عليكم


انا اقول والله العالم ان المطكان ذا في الشمال


ماهو في ديار نجد ابد

يعني من الحفر وانت طالع شمال


تحياتي

[نواف 100]

شعيب جريذي

[مشرق الشمس]

شرق المزاحميه بلقرب من الخراره عن الخراره جنوب شرق

[أبو_خالد]

مجرى سيل .. وشجر .. وفي الخلف حزوم

يمكن يتكرر هالمنظر في أكثر من مكان

....

يعني ما راح أحد يعرفه إلا إذا سبق إنه جاه

تحيا ا ا ا تي

[كروكي]

المكان يا اخوي
هو
اللحيسية جهة ضرما
ولا تقول لا

اخوك / كروكي

[ابونوااااف]

هل هو شعيب الدريعي بس ما اتوقع لكن نشوف هاه وش رايك ؟؟؟؟

[][ســهم][]

المحل اتوقع شعيب مخمر لاكن الي وجع راسي
زاوية الفرشه وش الي رافعها والمشكله ان الهوا عكس :)

[ابوحماد]

فيه مليووووووووووووووووووووووووووون أماكن في نجد و غرب نجد مثل هذي الصورة

مستحيل أحد يعرفه حتى الجني الازرق ماراح يعرفه

[وافي العوني]

والله مدري عنها الضاهر انها بنبان

[عاشق البر 898]

اتوقع والعلم عند الله
طريق الزلفي الارطاويه
او الارطاويه ام الجماجم
اوالارطاويه المجمعه

[يالله الفرج]

يا اخوي زهب الهديه لأنها من حقي على الوصف الى بقلك ....

المكان قريب من طريق القصيم وانت رايح روضة نوره قبل قبل ظلم 50 كلم تروح يمين تبتل الى الخرج قبل المجمعه على اكسر يمين تجيك محطة كهرباء قبل المزاحميه ...

[راس الرعيلة]

هذا والله أعلى وأعلم حول العيينه
إذا ما خاب ظني
لأني جيت مكان قبل كم سنه حول هالشكل إذا ما خانتني الذاكرة
والله أعلم

[saudian55]

يا اخوي زهب الهديه لأنها من حقي على الوصف الى بقلك ....

المكان قريب من طريق القصيم وانت رايح روضة نوره قبل قبل ظلم 50 كلم تروح يمين تبتل الى الخرج قبل المجمعه على اكسر يمين تجيك محطة كهرباء قبل المزاحميه ...

هههههههههههه
الصحيح انك قربت حوله
حاول تلف يمين ولا يسار شوي

[راع الابل]

هذ سلمك الله وان ما خاب ضني على طريق الزلفي المجمعة السريع حول شعيب مرخ

الشكر

[ابو حزم]

الضاهر هذا غدير سرور بالغاط

[سندهم]

أتوقع هالمكان من قبة (البسيتينات )++وام عشر وانت موجه للحفر


والجائزة لك >>>>>>>>>>>>>>>>>>>>>>>>>>>>>>>>>>

<<<<<<<<<<<<<<<<<<<مبروك عليك

[مدالنظر]

والله اعلم ؟؟؟؟؟؟؟؟؟؟؟
:rolleyes:
الأرطاوي الجنوبي
الشمالي
الحثاقي
مجزّل
أو
الحسكي((الزلفي))

[عاشق السيل]

أتحداك تقول (( لا )) ،،

أنا متأكد 1000% إنه

((( شعيب العيينة )))

لأني كاشت بنفس المكان !! يالله وشي الجائزة ؟؟



عاشـقhttp://www.mekshat.com/pix/upload/sign/images/mk49539.gifالسيل

[شقن بقا]

وش رأيك الموقع ( شعيب سـاقان ) أستاهل الهدية ولا لالالالا

[عاشق السيل]

وينك أخوي مارديت علينا ؟؟!!

شكلك توهقت بالجائزة !!!

أكيد كان جوابي هو الصح ،،،،


عاشـقhttp://www.mekshat.com/pix/upload/sign/images/mk49539.gifالسيل