من جرب دعو الليل ؟؟؟؟

[راعي الشلفاء]

السلام عليكم ورحمة الله وبركاتة





اخواني صقاقير و اعضاء منتدى مكشات

اليوم ابطرح لكم موضوع جديد وأنا مادري هل سبقني احد من الاخوان ولا لا انا من الناس الي بديت ادعي بعد صلاة العشاء بيت اعلم اي طير جديد لي بعد الصلاة الحقيقة صارلي اكثر من ثمان سنوات وأنا على ها الحال اكتشفت انة وفرلي اشيا ايجابية ابذكرلكم وشي ها الأشياء

1-وفرلي الوقت الي منول اخذة دعو النهار

2-لياقة الطير افضل من السابق لأني مستمر بدعو بشكل ليلي وكما قيل(قليل متصل اخير من كثير منقطع)

3-الوقت ابرد

4-الطير الي يلعب بالنهار عشرين بالليل مدبول لانة مايشوف الا انت

5-اكثر امان من النهار مافية احد يدعي ولا حمام يخطم

6-اذا كنت قانص ماتزمل من الوقت

الاشيا ء السلبية

1-ضيق الوقت

2-المسافة

3-شيل هم الدعو

ارجو ان اكون قد قدمت شي ينفع للأخوان خاصة ألي ما تسمح ضروفه العملية بالخروج كل يوم طبعاً المقصودين

بالدرجة الاولى سكان مدينة (الريا ض) كان الله بعوننا

الرجاء لايطلع لي احد يقول ماينفع من دون تجريب

الرجاء من الاخوان التفاعل مع الموضوع للفائدة

[فرخ الشياهين]

تسلم اخوي راعي الشلفاء

انا فد شفت بس ما جربت وشكلها ها السنه بليل.

مشكور ومقصرت

[عـــرادي]

راعي الشلفاء
الف شكر على الموضوع المميز
أنا بصراحه شفت ناس تهد بالليل على الكراوين
بستخدام كشافات وطيور مدربه على الهدد بالليل
وتقبل خالص تحياتي
عرادي

[بو غازي]

السلام عليكم ورحمه الله وبركاته
مرحبا اخوي الكريم راعي الشلفا اشكر سيعك الكريم لطرحك هالموظوع.

اما بالنسبة لدعو الليل انا ماأيده قال الله تعالى(وهو الذي جعل لكم الليل لباسا والنوم سباتا وجعل النهار نشوراً) وتفسير الآية لإبن كثير :وَقَوْله : " وَهُوَ الَّذِي جَعَلَ لَكُمْ اللَّيْل لِبَاسًا " أَيْ يَلْبَس الْوُجُود وَيَغْشَاهُ كَمَا قَالَ تَعَالَى : " وَاللَّيْل إِذَا يَغْشَى " " وَالنَّوْم سُبَاتًا " أَيْ قَاطِعًا لِلْحَرَكَةِ لِرَاحَةِ الْأَبْدَان فَإِنَّ الْأَعْضَاء وَالْجَوَارِح تَكِلّ مِنْ كَثْرَة الْحَرَكَة فِي الِانْتِشَار بِالنَّهَارِ فِي الْمَعَاش فَإِذَا جَاءَ اللَّيْل وَسَكَنَ سَكَنَتْ الْحَرَكَات فَاسْتَرَاحَتْ فَحَصَلَ النَّوْم الَّذِي فِيهِ رَاحَة الْبَدَن وَالرُّوح مَعًا " وَجَعَلَ النَّهَار نُشُورًا " أَيْ يَنْتَشِر النَّاس فِيهِ لِمَعَايِشِهِمْ وَمَكَاسِبهمْ وَأَسْبَابهمْ كَمَا قَالَ تَعَالَى : " وَمِنْ رَحْمَته جَعَلَ لَكُمْ اللَّيْل وَالنَّهَار لِتَسْكُنُوا فِيهِ وَلِتَبْتَغُوا مِنْ فَضْله "
ومن هذا الموضوع راح اتكلم عن الناس الي تقنص الليل هدانا الله واياهم سواء طير ولا سلق ولا بدنق وين المتعة ياخوان بس مجرد انه فلان صاد اكثر من فلان والله غلط غلط غلط والحين طايحين بحركة جدييدة لمبات تحت الموتر تكشف الموقع الي حول الموتر ويقصووون لليييل نهار اعوذ بالله
القنص بالركادة والتسرع جهالة
ومشكور اخوي راعي الشلفا واسمح لي بس حبيت اطرح وجهة نظري من خلال موظوعك وبالنسبة للي عنده ظروووف ماتسمحله والله مادري وش اقوول بس المتعة انك اتشقلب طيرك وتشوفه وهو يلعب لانش الملاواح وارتفع فوق هذي تسوى الشي الكثير عند راعي الطير طيب اخي الكريم عند الصباح بدري بعد صلاة الفجر مباشرة ولا احسن من هالجو واسمحلي على الاطالة واتمنى يكون كلامي مايزعل ولايضيق صدر احد واسمحلي على المروور.
وفقك الله ووفق الجميع لما يحبه ويرضاه.:)

[مدرب الطير]

الله يعطيك العافيه على الموضوع


وتقبل مروري

[ابوالجازي]

السلام عليكم

ازبن شي دعو الطير بالليل وانت يا راعي الشلفا ماخايت شي من ايجابيات الدعو بالليل واحسن شي تدور من هالملاعب حقات كورة القدم المزوده بأضاءه وتتفق مع اهلها على انهم يسمحون لك بنصف ساعه باليوم تدعي الطير على اضائة الملعب واذا يبون تعطيهم شي مثلا ربع قيمة الفاتوره عليك انا لي كم سنه وانا ادعي بملاعب السلي وحي الزلفي
والاحسن تجتمع انت وكم واحد وتحطون لكم كشافات في مكان متواسي ولا حوله انور وتاخذون معكم ماطور كهرب او اذا حولكم استراحم او مستودع استأذنوا من راعيه ومدوا لكم كيبل تيون ترتاحون خاصه برمضان
اسف على الاطاله

[*الـزيـن*]

الله يعطيك العافيه

مريت في تجربه واحده فقط بنور السياره لان الوقت راح علينا وحنى هادين طير وبصراحه قلت بدعي الطير ماراح اخليه يمر اليوم بدون دعو واقترح على الشباب كل واحد يصف موتره ويكبس العالي وفعلآ نجحت الطريقه بس الطير ماتدري من وين يجيك!!!!!!!!!!!!

يعني انواع الضحك بصراحه الا اذا كنت في مزرعه وكبوس ومساحه ينفع اكثر...





اخوك الزين

[أبو فيصل]

بيض الله وجهك على الموضوع الرائع هذا اللي أنا أدوره من زمان بس متهيب وذال على طيري و ذال منه يدعمني بس الأيجابيات ممتازه

[راعي الشلفاء]

اشكر جميع الاعضاء في تفاعلهم مع الموضوع مندون تحديد اسماء

[راعي الشلفاء]

بيض الله وجهك على الموضوع الرائع هذا اللي أنا أدوره من زمان بس متهيب وذال على طيري و ذال منه يدعمني بس الأيجابيات ممتازه



الاخ ابو فيصل

ابد فية اول مرة بعد غيوب الشمس بحوالي عشرين دقيقة وخلك بالبر علشان لو تنكر يصير معك فرصه
من يوم الي يومين ثم يتعلم الطير بعدين لا تنزل الشلو بالارض وازيدك من الشعر بيت يا انت تبي تستانس متى ماخلصت اشغالك رح ادع ولا هو شرط شلو لو تدعيه بفنيله جاك

[الاشعل 316]

مشكور على الموضوع بس

انا ما ايد هذا الشي

وتقبل تحيات

اخوك ابو سطام

[نايف قطر]

مشكور على الموضع ويعطــــــــيك العافيه اخوك(نايف قطر)

[راعي مسكت]

مشكور على الموضوع (وحلوه فنيله )

[سامي العنزي]

مشكور وتسلم على الموضـــــــــوع .

[الوافي عزام]

اخوي راعي الشلفا

تشكر على موضوعك وانا لم يسبق لي ان جربت هذه الطريقه

ولاكن لو ضاع الطير يوم من الايام بالنهار اخاف تصير هناك مشكله وهي ان الطير تعود على الانوار بالليل ولاهوب جالس بمكان واحد بيروح كل شوي في مكان يتابع النور وبيصعب علي تحديد مكانه

ولك جزيل الشكر

[طارق الحربي]

شكرا لك

مدري ليش ما ارتحت للطريقه

يعني مايبيلك تعلم الطير على الدعو بالليل ؟

[ابو عايد]

السلام عليكم ورحمة الله وبركاته

تسلم على هذه الموضوع الرائع وأنا شخصياً لي طير خاص أدعية في الليل على حمامه بيضاء عشان أهد على الكراوين من سنين وأنا مجربينها وناجحه معنا

وسلامتك

[مبسوط]

حبيت اشارك معك في موضوع اتوقع او مرة يكتب عنه في مكشات وهو

(الملواح لطير في الليل)

انا ابي اشارك بالي عندي واتمنى الجميع يشاركون بخبراتهم

طريقته:

هو نفس طريقه الملواح العاديه لكن تكون في الليل وغالبا بالنسبة لي اخر الليل على لمبات الكبوت 2 كفاية واذا كانت قمرا يكون افضل وتحس ان الطير يلعب صح.

الفايدة منه:

بحكم العمل والمشاغل في النهار ما اطلع من العمل الا الساعه 5 ولا قدرت اترك الطيور الحين صرت الوح لطير يوميا متى ما فضيت معي اليوم كله.
بعد اماكن الدعو والهدد في الرياض اقرب مكان النقا حول 90 كيلو من البيت بس في الليل تقدر تلوح في اي محل قريب مو لازم يكون مفتوح او منبسط مثل المدعى
الليل ابرد من النهار بكثير ويلعب الطير معي اكثر بدون ما يتعب من الشمس او احر
اخر شي بعض الطيور الي توقع كل شوي او يروج مع الملواح يكون الليل افضل له
طريقة تعليم الطير عليه:

اولا تبدا تدريجيا مسيان بعدغيبت الشمس وقبل ما يظلم الوقت تلوح لطير وكل يوم تتاخر اكثر وفي الاخير تولع لمبات الكبوت انا مركب 2 مقاس 50 شمعه كفايه اولعها وابدا الوح له بس من قريب لا تخلي احد يفكه لك من بعيد ويضيع


عيوبها:

مافيها الا عيب صغييييير احتمال ضياع الطير اكبر
قولوا لا ياشيخ اجل العيب الكبير وش هو عندك

هذا الي عندي واتمنى الجميع يضيف الي عنده للفائدة وحتى يخلص الصيف ولمعلومية درجة الحرارة اليوم عندي و السيارة في الظل 47


اخوكم الصغير /مبسوط

[قلب شاهين]

أخوي مبسوط الله يبسط ايامك ،،

وبالنسبة للطريقة حلوه لكن مامن منتعة مثل قبل المغرب بشوي تحس انك تشوف طيرك بكل حريته ونفسيتة الحبوه لكن الميزة في التلواح بالصباح ان الطير يعرف الامنطقة الي تلوح له فيها واذا ضاع منك أحتمال كبير انك تلقاه بالمنطقة الي تلوح فيها لطيرك لكن الليل اصلا انت ماتدري وينك فيه وشلون تبي الطير يعرف ؟؟

مشكور على الموضوع وبارك الله فيك ،،

[خيال الصبحا]

السلام عليكم

الاخ مبسوط
الله لا يهينك
وننتظر مداخلات
اصحاب الخبرة ، وشكرًا

[قرناس خلوي]

والله انا سبق وجربت الملواح على نور السياره من عيوبها إنك ماتدري من وين بيجيك الطير ولا تتحكم بالملواح مثل النهار ... فيكون إحتمال إن الطير يشبط الملواح كبير جداً وإنه مايطول مثل ماتبي .....

هذا من واقع تجربتي وأتمنى يكون في هالمعلومة فايدة للجميع ،،،،،

[مبسوط]

اخوي صقار القصيم
وايامك يا بعدهم ,الشكوى لله ما فيه وقت والنهار قصير في الشتاء وكلامك صحيح

خيال الصبا
تسلم والله وفي انتظار مشاركت اهل الخبرة

قرناس خلوي


كلامك صحيح بس لو تجرب انوار الكبوت افضل من النور العادي ومع هذا يبي شوي خبره في طريقه الملواح

[الوافي عزام]

هلا بك وشكرا لموضوعك يالغالي

( الليل ممسى وهدى ) :D

لاكن والله الخوف من ضياع الطير لانها مشكله خصوصا بالليل لان الطير من يوم يضيع بالليل تجيه وحشه ويبلشك بالتنقل يمين ويسار لين تدوخ

والطير البيتي العاقل والهادي يبلشك لاضاع بالليل وبتدوخ وانت تدوره لين تمل
الليل ماتقدر تشوف الطير مثل النهار وخصوصا لاضاع والا استجفل
وان ضاع امسى خلا وصار معرض للحصانيه والا التفه
واخاف يصبح الصبح وانا ادوره واضيع يوم كامل وخصوصا لاصار عندي دوام

والملاعب صعب شوي بالليل
الطيور بالنهار يالله نتحكم في ملاعبها ومخالفها على الشلوا وشلون تبينا نتحكم فيها بالليل
مره يمين ومره يسار ويجيك من فوق وشغلته شغله

لاكن على ضروفك ( والضروف لها احكام )
اخاف يتعود الطير على السهر واذا لقيت حبارى قالي هين هدها لي بالليل وابشر :D

[طيرحوران]

أنها ماجربتها
ولكن لنبات السياره في نظري لا تكفي لأن الطير اذا جاء من فوق فلا يمكن انك تشوفه وبعدها تحصل الكارثه
ولكن ملعب كرة قدم موجود به كشافات يكون أفضل
أذكر مرة من المرات كنت معزوم عند واحد على عشاء بمزرعته وحاط له ملعب ومزروع من الثيل وحاط كشافات وراح تفكيري على طول للتلويح ليلا بالطير
وبالعكس الطير مايغدي بالليل إلا اذا كان حوله انوار
ولا يقضب ارضه على طول وبالريشه يمكنك تحديد موقعه بالراحه
والسلام

[أبو رداد]

http://www.mekshat.com/vb/showthread.php?t=89191&page=1&pp=15

[مبسوط]

اخوي الوافي عزام
يكمن كلامك صحيح لاني ما جربت الطريق الا على تهجين يكمن الوحوش تنكر وتسلم على المداخله

احوي طير حوران
اكيد الصلاه خير من النوم (مثل)بس من يحصل ملعب بكشافات في الليل

مشرفنى الغالي ابو رداد
احرجتني بردك لكن العذر والسموحه من اخوي راعي الشلفه
ما دريت ان فيه احد سابقني على الموضوع يمكن للمشرفين حذف الموضوع

[فنجون]

حرام اللعب بالطيور اللللللي ما عنده وقت افضل له ترك الطير

[أبو رداد]

تم دمج الموضوعين
حتى يزداد الموضوع معلومات
ولاحد يزعل علينا
والسلام

[النجم السماوي]

حسبي على اللي عزروا فيك تعزير


يقول الصقار والشاعر الكبير / عبدالله بن نايف بن عون


اعطو حقوق الطير ولا اتركوا الطير ------ لا تظلمونه يا اجداد الصقاره
خلوووه لــ محمد زبوووون المخاسير -------اللي يعرف اهانته من وقاره