خذ بي أجر الله يجزاك خير وإنصحني عن 95

[M o b d a]

بسم الله الرحمن الرحيم


السلام عليكم ورحمة الله وبركاته

أخوي رأيت سلبيات وإيجابيات جوال

نوكيا إن 95


وأنا محتار علماً إن لي شفاً بالجهاز ..


وأنا اللى أحتاجه

رسم مسار للموقع ..


والأحداثيات ..

علماً بأني إستخدام الأحداثايت بـ واير إل أس


لكن مادري

والجهاز القارمن 276 غالي الصراحه


تكفون إنصحوني قبل أشتر وأتوهق

واللى شد إنتباهي أكثر الكاميرا 5 ميقا بيكسل

وودي إن لقيت حل

يركب لي أحد هالبرامج لان ما لي علمن فيهن وله أجره

وش يبي وأنا حاظر ..

[مشعل_1001]

هلا يالغالي اول شي خذها قاعده اي شي في نفسك لا تتردد لاتحرم نفسك الدنيا فانيه وعلي ماقال راعي المثل ابو قرص مات ما اكل قرصه
بالنسبة لتليفون اn95 انا شاريه قبل يومين صراحة روعة مع اني ماعرفت اشياء كثيره فيه بس اول ماشغلت ال جي بي اس طلع موقعي بس علي فكرة في البيت مايشتغل لازم تكون خارج البيت اول ماتشغله خله 3او 5 دقايق وراح يشبك تلقائياً
مع تحيات اخوك مشعل العتيبي

[راع الحبارى]

بدون تردد وانت مغمض اشتر n95

[M o b d a]

تقولونها صادقين


هههههههههههههههههه

أنتظر باقي الشبيبه والأعضاء اللى يبون الأجر

[نمر بن حثلين]

اول ماهنا اخوي حدد احتياجك للجهاز وش هو

انت تبيه للبر ما عنك وعن الجارمن يتحمل الظروف الصعبه من حر وغبار
واكبر شاشه وفيه خرايط الصحرا وتعامله سهله ولاهنا زود حباريش


اما الـn95 زين للي يبي ملاحه داخل المدن او الطرق وله معرفه بالبرامج وتركيبهن لانه دابم يطلع جديد وصعبه تبي تعتمد على غيرك بكل شي وترا الشاشه صغيره شوي
واما الكاميرا فعلا هي 5 ميجا ولكن مهما كان هي كاميرة جوال ولا تقارن ابدا بالكاميرا العاديه

وكنك تقول الجارمن غالي ترا 95 مامن رخص الحين ب2500 ريال

[عرقوب]

لابد من الأثنين كل واحد مايغني عن الثاني

[ابوريناد1979]

تبي النصيحه اصبر شوي
مثل الكاميرا اول ماطلعت في الجوال , كانت بايخه ويالله تعرف راعي الصورة وكان غالي والحين تحصل كاميرا بجوال ابو 400 ريال
ال 95 بيطلع عقبه موديلااات بس اصبر, وتخبر النوكيا مايصبرون مايمديك تطلع جوال الا ونازل موديل عقبه
واخاف تتحسف انك ماخذه ب2500
وكل واحد وميزانيته
وبالله التوفيق

[المتامل]

اذا كانك بالخبر او الدمام ارسلي بالخاص ببيعك n95 ماله الا يومين بس
بس حط سومه سنعه تراني شاريه 2500ريال ومحدثه ضمان i2

وبالنسبة للنصيحة والله وش اقولك ياخوي بس اذا انت ناوي تسافر السنه هذي مارح تقدر تاخذه معك لانه احتمال كبير يكون سبب رئيسي للاصابة بطلقه او طعنه لا قدر الله لانه يعتبر مطمع :)

[M o b d a]

هههههههههههههههههههههههههههههههههه

الصراحه أنا أبيه للبر

[M o b d a]

يا أخواني أنا هونت الصراحه

شفت بمنتديات ثانيه

شكوى واجد

لاكن هل ألقى قارمن 276 عربي بـ 1500-1700 مع الخرائط ؟

[ونااااسه]

ترا الصبر زين
انا مكلم واحد خبير بالجوالات يقول هو زين
بس المشاكل تكون باول كم نسخه من الجهاز
يا انت رجال تصبر وبعدين تشريه او انك تشريه الان
بس اذا لاحظت فيه مشاكل توديه عند الوكيل يحدثه لك
وانا ناوي عليه ان شا الله ..

ارجو اني ماكون طولت بالهرج :)

[راعي الهـــدد]

اول ماهنا اخوي حدد احتياجك للجهاز وش هو

انت تبيه للبر ما عنك وعن الجارمن يتحمل الظروف الصعبه من حر وغبار
واكبر شاشه وفيه خرايط الصحرا وتعامله سهله ولاهنا زود حباريش


اما الـn95 زين للي يبي ملاحه داخل المدن او الطرق وله معرفه بالبرامج وتركيبهن لانه دابم يطلع جديد وصعبه تبي تعتمد على غيرك بكل شي وترا الشاشه صغيره شوي
واما الكاميرا فعلا هي 5 ميجا ولكن مهما كان هي كاميرة جوال ولا تقارن ابدا بالكاميرا العاديه

وكنك تقول الجارمن غالي ترا 95 مامن رخص الحين ب2500 ريال





أجمل رد قرأته في موضوعك

رد اخونا الغالي نمر بن حثلين

ولا يهونون بقية الأخوة

ونصيحة اشتر قارمن ودع عنك أن 95

حتى لو سلمنا جدلاً انه يكفيك عن القارمن

فسؤالي ياغالي

هل ستظمن سلامتك من ضرب بل ومن دهس او تعدي ... ؟؟

وهل ستظمن أن يعيش معك يومين ... ؟؟

لا والله

أصحاب الدبابات مستعدين لك

من أول ماتشريه من المحل وانت مراقب الين يسطون عليك ويآخذونه ... !!!

ولا حسيب ولا رقيب ....

والله ثم والله ثم والله

لو يعلق في طريق الملك فهد كم يد مقطوعه في صباح كل يوم

أن يتعدلون هالمجرمين والسرّاق

نبي بس مع الصباح وحوالي الساعة سبع ونصف كم يد معلقة مقطوعة ومصوفره شوي (( ميته ))

والله ان تزين الأمور واقول لك اشتر مابدى لك بل واترك سيارتك مفتوحه بعد


يابوي أمور كثيرة والله تركناها ولاشريناها وحنا نبكي عليها بكى

ولاهو قصر ذات يد لا والله

خوف هالمجرمين يسطون على حلالك

عفواً اشوف اني اطلت الكلام

دمت بود ياغالي

[airwork]

المستقبل ل N95