المساعد الشخصي الرقمي

مشاهدة النسخة كاملة : النهته


الاشعل 316
02/06/2007, 02:36 AM
السلام عليكم

كيف حالك يا صقارين مكشات

بس حبيت اسألكم

* من اين يأتي مرض النهته ؟

*كيف اعرف الطير اذا فيه نهته او لا ؟

*وسمعت في نهته تبين في الطير يعني والطير واقف وفي نهته داخليه كيف اعرف النهته الداخليه ؟

وتقبلوا تحيات


اخوكم / ابو سطام
مداوي
02/06/2007, 02:55 AM
والله ودي افيدك بس ماعرف له ولا عندي طير
العذر والسموحه
الاشعل 316
02/06/2007, 03:08 AM
مشكور اخوي مداوي
طيرحوران
02/06/2007, 08:46 AM
حياك الله يالأشعل
والله اني اكره الطير المنهوت
ولكن عموما النهته مرض خطير جدا
وله اسباب كثيره منها اجهاد الطير فوق طاقته والجو حار
وضع الطير في مكان دائما به رطوبه
بخ الطير بالماء كثيرا مع فمه وهو فاتح بوزه من التعب
عموما الطير المنهوت والمتمكن من مرض النهته واضح جدا
وماعليك الا تاخذ الطير وتكفخه على يدك له كم كفخه وبعد ذلك سوف تشاهد بأنه الطير بدا ينفس بسرعه شديده مع التدقيق على عين الطير وخاصه محاجرها وسوف تلاحظ بأن العين يوجد به حركه بسيطه على شكل كأن العين تنتفخ وتنفش او تتحرك من مكانها دخولا وخروجا
وكذلك تلاحظ اسفل بطن الطير من الشدة التنفس تلاحظ تلك الحركه الغريبه بالتنفس دخولا وخروجا
فإذا رأيت ذلك فعض شليلك وانحش عن الطير
الوافي عزام
02/06/2007, 09:58 AM
ما قصر اخوي طير حوران

كفى ووفى

وعلى فكره الطير المصاب بالنهته تقريبا مستحيل انه يطيب منها الا ما شاء الله

وشكرا
عـــرادي
02/06/2007, 08:16 PM
وعليكم السلام ورحمة الله وبركاته
ما شاء الله
طيرحوران
الوافي عزام
كفو و وفو
بس حبيت أضيف بأنه فيه طير شيخ
مصاب بالنهيته قبل كم سنه وجيت طبيب
بيطري وجاب لي أبره وقال عطه في الثنداه
لمده أسبوع مره يمين ومره شمال
والطير شفي تماماً وجيت للبيطري وقالو سافر
وما راح يجي ، وأي شخص يعرف شي عن العلاج يفيدنا
وتقبلوا خالص تحياتي
عرادي
الوافي عزام
02/06/2007, 09:26 PM
انا والله ماقد سمعت عنها
لاكن عسى ان يفيدنا احد الاعضاء عن هذه الابره واسمها
لكي لو قدر الله على احد طيورنا والا طيور اخويانا والى عندنا عنها فكره
وشكرا لك يا عرادي على هذه المعلومه
محمد الفهيد
02/06/2007, 10:15 PM
السلام عليكم
تحياتي للجميع
حبيت احط رايي
فيه شي اسمه النهته .. وهم يوم ايتنسم الطير بسرعه كأن مستضيق .. وفيه ردااد... وكلها لها علاج
ومثل ما افاد اخوي طير حوران يوم تلاحظ عين الطير تشوفها تحترك تنفخ وتفش ... هذا اسمه رداد راس .. يعني ان الطير تمكن فيه ويعتبر الطير منهي
اما النهته اتكون لها انواع .. ومن اكثرها اذا الطير عديد ( صنيع ) اذا كفخته يتعب بسرعه بس اذا طار ماعليه .. وعادتة ايكون يوم ان الطير له وقت ما طار او توه طالع من المقيظ

وهو شي عادي .. ولازم تنتبه مايكون الطير في مكان حار وخاصة الجير .. يتعب بسرعه
اما الرداد .. فيكون من نفس الاسباب .. بس اكثرها اذا الطير في مكان ايمر عليه دخان او شي .. خاصة دخان الضو ( الشمع ) ايضر الطير ويسبب له رداد
عالعموم الرداد له علاج .. كبسولات .. بس اذا اكتشف بدري في الطير وعندي كم طير مر علي فيه رداد وتشافى منها ونسبتها تقريبا 70% الرداد فيه

تحياتي لكم .. اتمنى اني قدمت مايفيد
ابرق العزاف
02/06/2007, 10:24 PM
يعنى على كلامكم وكلام الاطباء ان النهته هي السل الرئوي
شديد العدوي ((( لابدمن الحذر)))
عناز
02/06/2007, 11:11 PM
الجهاز التنفسي لدى الطيور يصاب بأمراض كثيره بعضها لها علاج والطب البيطري مازال يبحث عن علاج البعض الاخر والنهته احد الامراض الخطيره بالطيور وليست معديه (من واقع خبره)والنهته بأختصار فشل الجهاز التنفسي بالعمل 100\100 واسبابه كثيره منها الحر والعطش الشديد الاتربه والغبار اثناء الربطه او بعض المواد الكيماويه والله أعلم
نايف قطر
03/06/2007, 01:37 AM
النهته من قل اللياقه والهدد القوي بعد راحه فتره كثير تقريبااا ويجه هذا التعب ويبغيله صبر وعلاج مده طويله
السموحه على القصور
الاشعل 316
03/06/2007, 01:46 AM
الطير حوران
بيض الله وجهك وما قصرت

-----------------
الوافي عزام
يعطيك الف عافيه

------------------
محمد الفهيد
كفيت ووفيت وجلعك سالم

------------------
ابرق العزاف
كلام اخوانك الصقارين صحيح ويعطيك العافيه على تجاوبك معنا

------------------
عناز
بيض الله وجهك

------------------
نايف قطر
معلومه طيبه من وجه طيب

------------------
بيض الله وجيهكم وكثر الله من امثالكم

تقبلوا تحيات


اخوكم ابو سطام