المساعد الشخصي الرقمي

مشاهدة النسخة كاملة : موتري عزمه بدأ يضعف .


الوافي99
02/06/2007, 04:43 PM
السلام عليكم

معي باترول صالون اس جي ال ..عزمه لكم عليه بدأ يضعف واكتشفت هذا قبل شهر بطريق الشرقيه نزلت ابصلي الارض رمل على نفود صليت وجيت ابمشي غرزت شغلت الدبل الخفيف يطفى الموتر حطيت الثقيل بالعافيه طلع حفر لين قال بس الهواء 40.

هل الضعف بالدبل الخفيف او بعزم السياره ؟

او بالسواق؟

وهل فك المروحه يزيد من نشاطه واركب مراوح كهرب.
ولد الدواسر
02/06/2007, 08:35 PM
أنصحك أخوي بتنظيف البخاخات
تحياتي
سدا نجد
02/06/2007, 08:43 PM
حط في سيارتك علبه اسمها أوكتان موجودة في محلات الزينه في تانكي البنزين وتشوف الفرق
شبح الصحراء
02/06/2007, 09:51 PM
أنت توقفت في منطقة رملية وهذا خاطئ لأنه يعرضك للتغريز خصوصاً ان ضغط إطاراتك 40!! وحتى أصحاب السيارات القوية لا يجازفون في التوقف في مناطق رملة فهم في غنى عن تنسيم الإطارات وإخراج السيارة وكان المفترض أن تبحث عن مكان سهل للتوقف ، واتوقع ان عزم سيارتك ليس ضعيف .

على العموم ضعف العزم له اسباب عديدة ولا يعتمد على عمر السيارة ولكن على الطريقة التي استخدمت فيها السيارة فالإستخدام الخاطئ قد يسبب في إحتراق صحن الكلتش وهو المشكلة الأساسية في ضعف العزم للسيارات ذات الجير اليدوي فصحن الكلتش عادتاً يعيش إلى عشر سنوات وربما اكثر ولكن نجد ان كثير من السيارات الجديدة تم تغيير صحن الكلتش فيها وهي لم تكمل عامها الثالث أو الرابع ! .
وهناك اسباب أخرى لضعف العزم منها تراكم الغبار والأوساخ داخل البخاخات وفلتر الهواء وفلتر البنزين ومنها ضعف أداء البواجي وأسلاكها .
على العموم انصحك بعمل تنظيف للبخاخات وتصفية للمحرك مع تغيير البواجي وأسلاكها وتغيير فلتر الهواء والبنزين وإذا كانت المشكلة من صحن الكلتش فلاداعي لتغييره ولكن حاول التأقلم مع عزم السيارة وعدم الدخول في الرمال إلا عند تنسيم الإطارات .
ولا علاقة للدبل بعزم السيارة .

مرة أخرى اتوقع ان عزم سيارتك ليس ضعيف لأن إنطفاء المحرك عند تحريك السيارة على الدبل الخفيف مع ضغط اطارات 40 هو طبيعي جداً .
المميـز
02/06/2007, 10:39 PM
اخوي الوافي99

موترك مافيه الا العافيه ان شاء الله

ويمكن التغريزه كانت قويه ولا يطلعها الخفيف وكان المفروض انك شبكت الثقيل على طول

واكيد انك فنان بالسواقه ماشاء الله عليك ~_~

وبالنسبه للمروحه الكهرب
كثير من الشباب يمدحونها وبالذات مراوح السوبارو الكبيره وتخفف على السياره خاااااااااصه اذا ارتفعت الحراره وشبكت المروحه
عزم الموتر يضييييييييييع
الوافي99
02/06/2007, 11:26 PM
اخي ولد الدواسر
سررت بردك ونصيحتك

اخوي سدا نجد

هذي الاوكتان وش وضيفتها بالضبط تنضف البخاخات

اخوي شبح الصحراء

اشكرك على المشاركه وسأشيك على كل الامور اللتي ذكرت لاني من يوم شريته ما شيكت عليه.

اخي المميـز

شكرا لمرورك اما سواق انا اذا شفت النفود تجين ام الركب هههههههه اللي فهمته ان المراوح تضيع عزم الموتر ماتنصحني فيها
هاه..؟
03/06/2007, 07:04 AM
شيك على هالرابط........
http://www.mekshat.com/vb/showthread.php?t=89364
عاشق السيل
03/06/2007, 05:52 PM
أنا مع كلام أخوس شبح الصحراء 100% ،،

الكفرات 40 وتبي تطلع ؟؟؟؟!!!!!

موترك مافيه إلا العافية وأنصحك بعد تركب مراوح كهرب مو علشان التغريز اللي صار لك ،، علشان العزم والحرارة بس ...

تقبل مروري ....

عاشـقhttp://www.mekshat.com/pix/upload/sign/images/mk49539.gifالسيل
الوافي99
03/06/2007, 11:40 PM
اخي هاه..؟

شكرا لمرورك وعلى الرابط

اخي عاشق السيل

شكرا لأهتمامك
تعرف احد مركب المراوح هن مزعجات وكيف يشتغلن اوتوماتيك وهل يلعبن بالبطاريه
عقاب طويق
03/06/2007, 11:58 PM
لا توسوس يا خوى الرمل ايام الحر يغرز فيه حتى دركتر أبو جنزير ( المشكله بالرمل مو بسيارتك )
عاشق السيل
04/06/2007, 08:19 PM
أخوي الوافي المراوح مافيها أي إزعاج بالعكس أفضل من المروحة الكبيرة اللي مسوية إزعاج من جد ،،

وأكثر الشباب مايشتكون من أي أعطال أو مشاكل في الكهرب أو البطارية ،،

والمراوح تشتغل توماتيك مع الحرارة وأحيانا يكون عندك زر لزيادة سرعة المراوح ،،

ركب ولا تتردد ،، والله يوفقك ....



عاشـقhttp://www.mekshat.com/pix/upload/sign/images/mk49539.gifالسيل
المميـز
04/06/2007, 10:12 PM
اخي المميـز

شكرا لمرورك اما سواق انا اذا شفت النفود تجين ام الركب هههههههه اللي فهمته ان المراوح تضيع عزم الموتر ماتنصحني فيها

هلا اخوي الوافي 99

انا اقصد اذا اشبكت مروحة السياره الرئيسيه اللي راكبه عليها الحين هي اللي تضيع عزم الموتر

اما مراوح الكهرب طررررررب x طرررررررررب على قول اخونا راعي الهدد