قوم تعاونوا ما ذلوا

[مطحن]

السلام عليكم ورحمة الله وبركاته

يا شباب عندي لكم اقتراح ... وش رايكم لو نخصص هالموضوع لمواقع ووصف للمستوصفات والمستشفيات ومراكز الاسعاف خارج المدن الرئيسية، يمكن يقول واحد هذولي سهلات ومعروف مكانهن، لكن ابقول لكم قصتي وهي السبب بالاقتراح...

قبل سنتين كنت راجع انا والوالد (الله يرحمة) من مكه للرياض وصار معه نزيف بسبب دوالي المريء، مالكم بالطويله المشكلة صارت عن اللوحة 505 باقي على الرياض . ومنه وانا منهبل صرت امشي فوق 200 واتصالات على امن الطرق والاسعاف ولا احد فادن.... المهم يوم وصلت مفرق الرويضة واذا بالامر من الله سبحانه قد تم والرجال سلم الامانة. انا متاكد انه كان فيه اماكن قريبة لي يوم انا عند اللوحة 505 لكن قدر الله وما شاء فعل.

ولهذا جت الفكره بفتح هالموضوع حتى كل اهل ديره يعرفون اللي حولهم من مستشفيات ومراكز صحية ومراكز اسعاف يذكرونه لنا مع الاحداثيات ووصف مبسط عنه، ويكون الموضوع مرجع للجميع لو احتاج احد لا قدر الله شي واذا بالمعلومه معه ما يصير له مثل اللي صار معي ما هنا واحد ما اتصلت عليه ولا احد كان يعرف بهذيك المناطق.

من رأيي ان اللي يكتب الرد يكتبه بالشكل هذا

الاسم:
النوع: (مركز اسعاف، مركز صحي، مستشفى... الخ)
الامكانيات: (مثلا، يوجد تنويم، يوجد ضماد، يوجد نقل دم ومغذي، يوجد غرفة اسعاف ) كلن حسب قدرته على الحصول على المعلومة
الاحدثيات:
اقرب مدينة او قرية مشهورة:
الوصف:

اخوكم عبدالرحمن