عطوني الحل يالربع

[جرب حظك]

عندي طير ريشته لك عليه بس عليه جناح يهول كنت أهده على الزاجل يقول حق الزاجل وين رايح ماكل من ثناديك ماكل وكن ياشباب أردف على فروخ الشياهين فيه كان يبيض الوجه بالمهد وسميته رداد وكلمن شاف مهد الطير سامه مني بسعر طيب بس أرفض البيع لأني مستانس على الطير ماطول عليكم وأنا رايح المخيم وكان الجو غيم إلا بالزاجل إلي مار علي ونخاني صاحبي هد رداد خله يرده علينا وقمت هديه على الزاجل أخفينه الزاجل والطير معاه بعد يومين أتصل فيني شخص بالعراق قال أبشر بالطير موجود عندي ولحد الحين ماني عارف شلون أدخل الطير الكويت

[الوافي عزام]

الله يرده لك ان شاء الله

وغريبه والله يومين ووصل للعراق
عالعموم بتلقى ان شاء الله من يسنع امورك بالحدود عندكم

وبالتوفيق

[الاشعل 316]

ان شاء الله الاخوان بيفدونك

تقبل تحيات اخوك ابو سطام

[قشاع الرمث]

السلام عليكم ورحمة الله وبركاته

اسمع وانا اخوك
الاوله الحمد لله الي طيحه بيد مسلم.
والحلال يجيبه الله .

لا كن مع هالظروف الظاهر انها صعبة
لا كن فيه خوينا ابورداد ( المشرف )
هو من العراق يمكن يفيدك بهالامور .

وان بغيت الراي الثاني :
اكيد الي قظب الطير صقار
لاطلع الطير من مربطه خله يدعيه
خمس طعش يوم ولاجهز الطير
تواعدو بيوم هواه شمالي وللمعلوميه
الهوا بالشتا يا شمالي ياغربي (غالبا )
واكيد يوم تهد طيرك فيه ريشه خله يركبه
بالطير وقربو لبعظكم يعني على الحد
بينكم الايكم وخله يحوم الطير عقب الساعه
وحدة الظهر وشغل الجهاز وتراك تستقبل الطير
لا صار حايم اكثر من 25 كيلو ان قظبته زين على زين
وان ماقظبته دخل للكويت باذن الله .
وشيد به بالكويت ,.



ولاتنسى الرجال تراه يستاهل الي كلمك على طيرك .

والله يرد عليك طيرك .

[سنجااار]

الله يعينك اسأل احد من ربعطك اكيد فيهم الي يقنص العراق وله معارف والله يسر امورك ويرجعه لك سالم

[طيرحوران]

جرب حظك
ياهلا ويامسهلا
والطير بإذن الله يرجع لكن ماعلمتنا وش دار بينك وبينه من الحديث
اللي قضب الطير وش يقول مثلا هل طلب منك شيء
هل استفسر وشلون يوصل الطير للكويت
عموما من كلام الرجال تعرف هل طيرك بيوصل لك ولا لا
وجزاه الله خير هالرجال اللي اتصل بين انه نشمي ولا لو غيره كان قص حجله وباعه ولا صقره
كماهي منتشره عندنا في هذا الوقت الله يخلف
الله يوفق الجميع

[جرب حظك]

الطير يالربع الحين موجود عند صاحبي بالعراق أستلمه من الرجال إلي صاده بس المشكله صاحبي موصقار وموعارف شسوي بالطير متوهق فيه والطير موقريب عند الحدود موجود الطير في منطقة الناصرية

[ولـد الدوادمي]

اخوي جرب حظك الله يرجع لك الطير سالمن غانم يارب

سؤال / الطير يستاهل التعب وعلومه زينه بالحيل وغالن عليك ولا ؟
كان جوابك / نعم
مالك الا تسوي الي قالك أخوي قشاع الرمث ولا خله يدور له اخويا صقاقير ويعرفون هالامور
يارب اكون قد افدتك ولو شين بسيط
تحياتي لك
ولد الدوادمي

[طارق الحربي]

مع الظروف ومنع عبور الطيور انصحك بطريقة قشاع الرمث اسهل شي

[الاشعل 316]

طريقة قشاع الرمث مافي الا هي الحل الوحيد

[شبراق]

الله يعقل عليك

فيه طريقه ثانيه اذا كان فيه زاجل اصلها من الكويت او من السعوديه وعلى قول اخوي يطلق جناحه بعد الربطه 15 يوم ويقصر عليه ويهده عند الحد على الزاجل بحيث يكون الزاجل نشيط ومشاءالله على قولك الطير صامل ون حل يبي يكون مرتفع ويبي يحوم ويمكن يكون قريب بس خلك انت ورفيقك على اقرب نقطه بالحد والله يعقله عليك

[إجذب]

الأخوان ماقصرو وأفادو
واخينا قشاع الرمث مجتهد بطريقته
ولكن اشوف انها غير جيدة والسبب أرض العراق مليانه بالطيور ماهو مثل ديرتنا ولا الكويت ماتشوف الريشه ومن المحتمل والأكيد أنه يهد على اي شيء وينطحه للهواء وبعدها الطير لاهو بيد العراقي ولا هوب بيد الكويتي اللي هو راعي الطير
عموما اخي مالك الا هالطريقتين
دخوله مع حدود الكويت تهريب مثل مايدخلون الحباري
أو خروجه عن طريق سوريا ومن سوريا إلى السعودية ومن السعودية إلى الكويت
والله يعقله عليك

[جرب حظك]

الله يعطيكم العافية يالأخوان عن الطرق وإنشالله بنحاول إن أمكن وأنصحكم يالشباب ترى الطير من طيور تركيا تراها في سبق

[غريم الحباره]

انشاءالله يرجع الطير سالم انت خلية على الله تحياتى

[نافخ نفيخه]

ان شاء الله الاخوان بيفدونك

تقبل تحيات اخوك ابو سطام

[جلال الشمري]

اخوي جرب حظك حياك الله في البدايه ياخوي ان كان طيرك سالم للحين خير عاى خير وانشاء الله يكون سالم \ اخي العزيز انا من العراق وقريب من الناصريه ومستعد ابذل كل ما بوسعي وعليك بابو رداد تراه شهم وما ايقصر علما اني سوف اعملها لله لانه حلالك واسال الله يرد الحلال لصاحبه \ خلي ابو رداد يختار الاسلوب الصحيح في توصيل طيرك

[جرب حظك]

مشكور وماقصرت شلون أوصل حق أبو رداد عطوني أميله وشكرا