ســـــــنافي
06/06/2007, 12:15 AM
السلام عليكم
وش رايكم كل واحد يحط اعلى قيمه لقرناس بيتي سمع فيها وش كان نوع الطير
لي خوي من هل قطر شرى طير جير قرناس تفريخ ب60 الف ريال
:confused:
شهاب بن عساف
06/06/2007, 03:01 AM
مشكور على الموضوع اخوي سنافي
فعلا الطير البيتي الطيب ماله ثمن انا سمعت الموسم اللي راح ان صقار من اهل شقراء باع طيره 90الف
الوافي عزام
06/06/2007, 08:29 AM
اخوي الغالي موضوعك جميل
وعلى فكره بعض الطيور البيتيه افضل من الوحوش
واسعارها تبدا من العشره الاف والى عشرات الالوف على حسب طيبها
ومن المعروف ان اللي مايبيع الطير من اول سومه ويكون رافض بيع طيره هنا يصير سبب بارتفاع سعره من قبل الاخريين رغبه بالشراء
وانا يعلمني خوي لي سالفه لهم دليل على موضوعك
كانو بمقناص العام اللي راح وكانوا مجموعه ومن ضمن مجموعتهم صديق له وكان شاري له طير بيتي سنه رابع ولا احد قد شاف هدده
ويم جا ذاك اليوم والا ذاك الخرب اللي تقل صاروخ بالسما وهد طيره عليه ويروح وراه بالسما لين اخفوه من بعده
اللي يروي لي السالفه يحلف بالله ان معهم درابيل وانهم يالله يشوفون الطير نقطه ولايميزون زين
لحقه الطير قرابة كيلوين ويوم اخذو شوي الا وواحد من اخوياهم يقول الطير يالربع حل وترك الحبارى !!!
ويوم نزل الطير وبدا يقرب ويشوفون والاه ينتف من الخرب بالسما ( ماشاء الله )
طبعا نزل الطير وعلفه راعيه ويسام منه الطير بخمسين وهو توه ما خلص من علفه ولاباعه ووصل السوم الا سبعين وايضا ماباع
والطير ما زال معه الى الان
هذي سالفه على طاري موضوعك
وشكرا لك
شبراق
06/06/2007, 08:37 AM
مشاءالله على الطير يالوافي عزام
موضوع جميل ياخوي الحين فيه طيرين بالمقيض واحد لو يجيب خمسين انا اعي على راعيه يبيعه ويسام الحين 45 الف ومعيي .
وطير الثاني بالمقيض يسام خمسين الف ومعيي يبيعه راعيه .
تحياتي ،،،
أبو شعلان
06/06/2007, 09:19 AM
بسم الله الرحمن الرحيم
مشكور أخوي سنافي على هالموضوع الشيق ...
طبعاً أغلى طير سمعت عنه طير سليمان اليحيى اللي صاد الظبي قبل يمكن عشر سنوات ... ساموه أهل البحرين بــ 110 الاف ...
ولكن باعه على واحد من ربعة بــــ 100 ألف ... الله يجزاه خير ...
وهو قرناس بيتي ... و الله العالم إنه ثنوه هاك الوقت ... ولونه أحمر مجهم ...
,,,,,,,,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,,,,,,,,,,,,,,,
نافخ نفيخه
06/06/2007, 09:38 AM
مشكور على الموضوع اخوي سنافي
سماء نجد
06/06/2007, 12:47 PM
فيه قرناس بيتي من الحفر باعه راعيه ب 75000 الف واسم الطير ( نوماس ).فارسي
وفيه طير الان مربوط بالحفر يسومونه من راعيه ب 120000 الف والطير اسمه ( سنجار ).سنجاري نادر
وخوش موضوع هالموضوع
وطيري انا يسام ب 150000 الف والله يرزقنا بواحدن مطفي يعطيني ميه .
نايف قطر
06/06/2007, 04:05 PM
مشكور على الموضع اخوي (سنافي)الطير القرناس الطيب يروح بقيمه كبيره واذا كان فعله طيب وشكرأأ
طير الشريهي بحايل شراه الدرع قبل ثلاث اعوام بـــ 40000 الف وسمعت ان ابن قنيبط شراه هالسنه بحوالي 80000 الف ريال والله يبارك لهم
ابوالجازي
06/06/2007, 05:28 PM
السلام عليكم
انا والعياذ بالله من كلمة انا
عندي طير الان عمره 18 سنه يوم كان عمره 13 سنه سيم على هدد حمام خيالي بل فوق الخيال ب 100000 مئة الف ريال سعودي علماً ان الطير عمره 13 سنه وارقط وعلى هدد حمام واللي سامه الصقر المعروف خالد بن عمر بن عقيّل العتيبي لكن رفضت بيع الطير لغلاه عندي
أبو رداد
07/06/2007, 02:54 PM
الله يحيك يسنافي
اعلى قيمه لقرناس بيت سيم عندي 100 الف
وكان قرناس رابع جير شاهين
ابو عايد
07/06/2007, 04:11 PM
السلام عليكم ورحمة الله وبركاته
يعطيكم العافية على هذه الموضوع
أغلا طير قرناص على ماأعتقد ب 800000الف طير سليمان اليحيى وشراه أمراء البحرين وفية موضوع الموجود في مكشات عن هذه الطير
قرناس البيت تغليه علومه الطيبه
تسلم ولايسلم ردي الفعايل
راعي عقاب
09/06/2007, 03:38 PM
قرناس البيت الطيب ماعطي حقه في السوق خاصه اذاكان يطلع ويلحك
كامل الدسم
09/06/2007, 03:46 PM
السلام عليكم ورحمة الله وبركاته
يعطيكم العافية على هذه الموضوع
أغلا طير قرناص على ماأعتقد ب 800000الف طير سليمان اليحيى وشراه أمراء البحرين وفية موضوع الموجود في مكشات عن هذه الطير
ثمانمية الف يابو عايد مره وحده
وش ذا ومتى بيع ومن شراه ؟؟
تكفى رد العلم ليا كنت متوكد
ولد وايل
09/06/2007, 03:47 PM
اخواني الاعزاء
سليمان اليحيى من اهالي اشيقر وطيره بيع بــ 100.000 الف ريال وكان شاريه من خالد الصانع
وسليمان لي معرفه فيه قويه وين طلعت الاشاعات ب800الف
كامل الدسم
09/06/2007, 04:05 PM
تحيه من كامل الدسم الى ولد وايل
ايه 100 الف معقوله
ســـــــنافي
22/06/2007, 03:23 PM
يعطيكم العافيه
وبيض الله وجيهكم جميعا
خيال الصبحا
22/06/2007, 04:10 PM
اخواني الاعزاء
سليمان اليحيى من اهالي اشيقر وطيره بيع بــ 100.000 الف ريال وكان شاريه من خالد الصانع
وسليمان لي معرفه فيه قويه وين طلعت الاشاعات ب800الف
هلا بك يالبناخي
يمكن الرجال يقصد
ثمانين الف ماهو ثمانمية
أو يمكن أنه سمع أنه مبيوع
بثمانمية ، او يمكن صحيح مبيوع
بثمانمية ، أصبر ولا تستعجل ، وكلش
ولا الإدارة ، وشكرًا
قرناس خلوي
22/06/2007, 08:15 PM
انا أعرف أحد الصقارة إشترى طير بقيمة 180.000 ريال
صمود1
23/06/2007, 01:25 AM
بصراحه عندي جير شاهين قرناس اربع وماخذه من يوم كان فرخ وانسام مني قبل مده بمبلغ وقدره ولاكني عيت في بيعته وراح انزل لكم فيديو عن الطير واحكمو على صيده
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir