المساعد الشخصي الرقمي

مشاهدة النسخة كاملة : لا تنكبوني


saudi club
06/06/2007, 09:00 PM
السلام عليكم ورحمة الله وبركاته


شباب ممكن طريقة لشواء تيس توة مفطوم بيجلس علية 3 اشخاص (حق) !!
ياريت افضل الطرق مع العلم اني بشوية بستراحة وقد يتوفر بعض الادوات المساعدة لاكن اتمنى افضل طريقة غير براميل المندي والمناقل يعني طريقة مظمونة وتبيض الوجة .
ذيب الخوالد
06/06/2007, 09:09 PM
http://www.mekshat.com/vb/showthread.php?t=47695

عــاين هالموضوع أخــوي .. ان شاء الله يفيدك باللي تبــاه



أخوك ذعــار الخالدي
saudi club
06/06/2007, 10:41 PM
مشكور على الطريقة الرائعة مع انة يبيلها مقابل هالنار المنصلية لين استوي مع هالتيس ويمكن قبلة

شاكر لك اخوي ذعار
عليم الظمى
07/06/2007, 11:38 AM
شف وانا اخوك يمكن الرد تاخر لكن يمكن تحتاج الايام الجايه

اسلق التويس على نار الغاز ماء والتيس بسسسسسسسسسسسس لمدة ساعه قبل تطفي النار بخمس دقايق تحط البهاروالملح
بعدين جب الجمر والشوايه وخله لمده عشر دقايق( تقلب على جمر الغضى واتقلب )اغنيه محمد عبده القديمه امزح

وبالصحه والعافيه
saudi club
07/06/2007, 12:38 PM
هقوك يزبط والله الطريقة ميب شينة مع العلم انة اتوقع ما يبيلة صلي واجد لانة بيكون صغير يعني كنك ماخذ لك سمك مب تيس بس شلون تقلبة على الشبك من والكباسة ولا لفة بقصدير ودحشة بالجمر ايهم بيكون احسن؟

شاكر لك مرورك اخيي عليم الظمى .
عاشق السيل
07/06/2007, 09:25 PM
والله طريقة عليم الظمى ممتازة جدا وتراي مجربها ،،

بس أنصحك أخوي تقطع التيس أوصال وكباب وريش أفضلك بكثييييييييير وأطعم وأسهل بالشوي ،،

وإذا بغيت سوري على كيف كيفك يقطع ويتبل ويصف بالأسياخ ،،
أنا أعرف واحد أدلك عليه بس بشرط تعزمني مع الشباب !!! ههههههههه لايضيق صدرك أمزح معك ..

هذا جوال السوري أبوحسام وترى محله بحي الروابي بالرياض ،،
قله جايك من أبوتركي وهو يتوصى فيك : 0508899044
وبالهناء والعافية ...




عاشـقhttp://www.mekshat.com/pix/upload/sign/images/mk49539.gifالسيل
saudi club
08/06/2007, 08:35 PM
مشكور عاشق السيل على مرورك لاكن ياخيي انا بالخرج منب بالرياض والسواريا عندنا مليان يسوون هالامور بس انا ما اهظمهم ولا اشتهييهم ولا ودي الا بفرقاهم ترانا لو نروق المنقى طبخنا احسن منهم وشوينا افضل منهم هذا ان ما سرق نص ذبيحك ههههه ولا ودي اسيء الضن بالاخرين لاكن كثير يقولون عنهم كذا من محض تجاربهم .

اشكرك مرة اخرى لاهنت
ابوعبدالهادي
13/06/2007, 12:41 AM
اللحم بدون اي أضافات مع الملح فقط أفضل شي مشوي
دهن الورد
13/06/2007, 12:53 AM
والله انكم توسعون الصدر يا مكاشيت لجا الليل زانت العلوم والسواليف ..
وجوعتونا..
طيب ماينفع طبخ عادي علشان المرقة؟
ترى مافي اطيب من مرقة اللحم اللي توه مذبوح
مجرد رأي:D
وبالهناء والصحة والنعمة الدايمة