قصيدة للمقناص طاري

[سعودي]

حبيت اشارك بهذه القصيده كأول مشاركه واهديها للاعضاء الاعزاء

للمقانيص طاري

قصيد للشاعر سمير بن صليهم ( يرحمه الله )

ياما بقلبي من هواجيس وافكار...وافز ليجا للمقناص طاري
اذكر زمن فراع وايام مختار...ايام يوم إنا نصيد الحباري
في خايعٍ كله زبيدي ونوار...والسيل توه في مطاويه جاري
ناطى الروابي مع عذيات الاقفار...نمشي النهار ولا نهاب المساري
من خشم عنزا ليعكاشات وايسار...مهاويٍ للصيد فيه محاري
دارٍ سقاها السيل من سحب الامطار...مدهال ريمي الخلا والعفاري
يا زين فيها هدة الطير ليطار...تالي نهار وفي حلول الصفاري
طلع على جول به كبار وصغار...وسقنا وراه وساق معنا المباري
ودور ووقع بينهن تقل محتار...لكن اهو متزهبٍ لأي طاري
جينا وشفناهن تحت قوع الاشجار...صاقرهن اللي لأبرق الريش فاري
ثار الدخن قدامنا والسعد ثار...وتوفقت بين بايع وشاري
وعند المعشا ما حلا شبة النار...في ساقية جوٍ لقشعه مذاري
ومعنا مشاكيل عزيزين واخيار...الكل منهم للمطاريش ضاري
ربعٍ سوالفهم لذيذات واقصار...وكل على حشمة خويه يداري
وشوف الطيور مركزات بالاوكار...عقب الهداد مطملتها الحباري
في ساعةٍ تسوى ملايين دينار...عندي تجيب فلوس بنك التجاري
يوم الطرب والكيف لأهل الولع دار...محدن عن هموم الليالي مداري
نمسي بنور وتطلع الشمس بأسرار...في وسط ريضانٍ وعشب وخباري
واليوم شمسٍ حامية والهوا حار...والطير مربوطٍ سوات الجباري
مثل السجين اللي على الغبن صبار...يرجي الفرج ما بين صبح وعصاري
وتمت وصلى الله على سيد الابرار...عد الجراد وعد رمل الذواري

وسلامتكم

[ابو عمر اللاحم]

اللهم صلي على نبينا محمد .

وانت سالم وغانم صح لسانك .

والله يعطيك العافيه على هالمشاركة الجميلة . او ياهلا ويا مرحبا فيك اسفرت وانورت مكشات .

تحياتي ،،،

[...الطوقي...]

ياما بقلبي من هواجيس وافكار=وافز ليجا للمقناص طاري

اذكر زمن فراع وايام مختار=ايام يوم إنا نصيد الحباري

في خايعٍ كله زبيدي ونوار=والسيل توه في مطاويه جاري

ناطى الروابي مع عذيات الاقفار=نمشي النهار ولا نهاب المساري

من خشم عنزا ليعكاشات وايسار=مهاويٍ للصيد فيه محاري

دارٍ سقاها السيل من سحب الامطار=مدهال ريمي الخلا والعفاري

يا زين فيها هدة الطير ليطار=تالي نهار وفي حلول الصفاري

طلع على جول به كبار وصغار=وسقنا وراه وساق معنا المباري

ودور ووقع بينهن تقل محتار=لكن اهو متزهبٍ لأي طاري

جينا وشفناهن تحت قوع الاشجار=صاقرهن اللي لأبرق الريش فاري

ثار الدخن قدامنا والسعد ثار=وتوفقت بين بايع وشاري

وعند المعشا ما حلا شبة النار=في ساقية جوٍ لقشعه مذاري

ومعنا مشاكيل عزيزين واخيار=الكل منهم للمطاريش ضاري

ربعٍ سوالفهم لذيذات واقصار=وكل على حشمة خويه يداري

وشوف الطيور مركزات بالاوكار=عقب الهداد مطملتها الحباري

في ساعةٍ تسوى ملايين دينار=عندي تجيب فلوس بنك التجاري

يوم الطرب والكيف لأهل الولع دار=محدن عن هموم الليالي مداري

نمسي بنور وتطلع الشمس بأسرار=في وسط ريضانٍ وعشب وخباري

واليوم شمسٍ حامية والهوا حار=والطير مربوطٍ سوات الجباري

مثل السجين اللي على الغبن صبار=يرجي الفرج ما بين صبح وعصاري

وتمت وصلى الله على سيد الابرار=عد الجراد وعد رمل الذواري


الف شكر لك اخوي ....

عشانك جديد نسقت القصيده وهذي اول مره انسق لاحد قصيده:p ما انسق لنفسي حتى :D....

انواع العجز ياكافي:D .....

اتمنى يعجبك التنسق ....














تحياتي لك
...الطوقي...

[المولع]

صح لسان الشا عر وصح الاختيار الموفق ومشكور

[سعودي]

اشكركم على هذه الردود الجميل

واسأل الله ان يقدرني واكون عند حسن الظن

وشكر خاص للاخ الطوقي على التنسيق الجميل ويعطيك العافيه


تحياتي مره اخرى للجميع


سعودي

[سعدون]

السلام عليكم

تسلم ياسعودي على اضافة القصيده

حياك الله بين اخوانك
بس بغيت اوضح ان فيه عدم وزن للبيت الأول بحيث يكون:



ياما بقلبي من هواجيس وأفكار=وأفز ليجا للمقانيص طاري


وكذلك للبيت الخامس بحيث يكون:


من خشم عنزا ليعكاشات وايسار=مهاويٍ للصيد فيهن محاري



أتمنى انها تكون غلطه مطبعيه فقط



تحياتي لكم

[سعودي]

الاخ العزيز سعدون

اشكرك من كل قلبي علىالملاحظة القيمة وكما تعلم ان القصيده منقوله ولا اقدر اغير فيها شيء

واتوقع كما تفضلت غلطه مطبعيه

تحياتي

[المكحل/ابو]

الله يعطيك العافية

أو مشكور يالغالى