رااعي الصفراا
18/06/2003, 10:35 AM
السلام عليكم :::
مرحبا بكم جميع كلن بسمه ويا مرحبا والله بالرجال تراحيب المطر هذي قصيده قلتها في وقت الربيع وانصا واحدن من الربع على المغباش للربيع ومشاهد اللي مثلكم وشرواكم والرجال ذا عنده GX-R وازهمه للربيع وانشاء الله تعجبكم ...
بسم الله
يفز قلبي اليا هبت جنوبيه= فزه نداوي عليه الخرب منصاعه
اليا انتهض تنهزم والوقت عصريه= يقبل عليها بوسط الروض مرتاعه
كنه شبح بالوغي غارات جويه= والجمس فوقه نشاما فكوا اشراعه
ربع (ن) لهم بالكرم فزعات جديه= اليا زهمهم فداوي جووك فزاعه
ولهم مواقف جزيل الطيب رديه= عاداتهم بالوفا والطيب تباعه
اليا اقبلت عجه المقرود عكسيه=تظهر مقاديم فعل الطيب واطباعه
من فوق رجم (ن) حيات(ن) غير عاديه= والديم يفهق طلوع النور واشعاعه
ما حدره الا رجال(ن) جووك عانيه= والبيت يجمع رجال العز والطاعه
لباسه المجد في محزم وجنبيه= ركابه الخيل في لازم تجماعه
والحيل مرباع القروم النداويه= والبن الاشقر جناب الضيق نزاعه
والنفس يا سحيم مأموره ومنهيه= والحر لا ضاق قطع مربط اقلاعه
انصاك يا اللي تدك العسر بالهيه= حلحيل وقت الصعب والطيب منباعه
ابغي مخاواك للـــدار الجنوبيه= مغباش يوم العرب بالنوم هجاعه
من فوق جيب (ن) يشق الطرق ليليه= والجيب غنى وزان اللعب روباعه
متمزهل (ن) للصعب من طيب راعيه= لا هاض شفت النجم في عز مطلاعه
متميز(ن) بالفخر في قو شاصيه= لقبل على الخط كنه دقه الساعه
صنديد للضيق ما تكثر بلاويه= النادر النايف اللي شاق مشلاعه
حر(ن) على العز ما شانت هقاويه= الكايد اللي يرف الطيب بذراعه
البارق اللي نشا من عز واليه= الوافي الصامل اللي جاد صناعه
يفهق طلوع الخطر دون النعيريه= نظره شجاع(ن) و لا هي بخداعه
اليا أعتلا للصعب ما خاب شاريه= الفين واثنين يا اللي تعرف انواعه
اي والله احبه واحب بزود طاريه= مع ذره الشمس لا شعشع تشعشاعه
يشع لاشاع شعشاع الشماليه= شعال يطرب حزين النفس ذعذاعه
يدك الأرض الفقيره من عواليه=ويسقي ظما مهجه المظيوم واظلاعه
يشكي زمان(ن) ويشكي قل ماديه= النفس صلفا ولا هي بطماعه
المبتلي في الحياه الأقتصاديه= الحظ عكسي ونفسه دوم ملتاعه
الحال منحال والحاله شقاويه= لا حل نصف الشهر ما غير اوضاعه
لاشك مال الزمن يا كود جاهيه= اما حياه الشرف ولا لمرجاعه
والعز والله لا قلت مواريه= دونه رجال (ن) تعرف العز واسناعه
والنفس يا سحيم مأموره ومنهيه= والحر لا ضاق قطع مربط اقلاعه
فمان الله
راااعي الصفرااا
مرحبا بكم جميع كلن بسمه ويا مرحبا والله بالرجال تراحيب المطر هذي قصيده قلتها في وقت الربيع وانصا واحدن من الربع على المغباش للربيع ومشاهد اللي مثلكم وشرواكم والرجال ذا عنده GX-R وازهمه للربيع وانشاء الله تعجبكم ...
بسم الله
يفز قلبي اليا هبت جنوبيه= فزه نداوي عليه الخرب منصاعه
اليا انتهض تنهزم والوقت عصريه= يقبل عليها بوسط الروض مرتاعه
كنه شبح بالوغي غارات جويه= والجمس فوقه نشاما فكوا اشراعه
ربع (ن) لهم بالكرم فزعات جديه= اليا زهمهم فداوي جووك فزاعه
ولهم مواقف جزيل الطيب رديه= عاداتهم بالوفا والطيب تباعه
اليا اقبلت عجه المقرود عكسيه=تظهر مقاديم فعل الطيب واطباعه
من فوق رجم (ن) حيات(ن) غير عاديه= والديم يفهق طلوع النور واشعاعه
ما حدره الا رجال(ن) جووك عانيه= والبيت يجمع رجال العز والطاعه
لباسه المجد في محزم وجنبيه= ركابه الخيل في لازم تجماعه
والحيل مرباع القروم النداويه= والبن الاشقر جناب الضيق نزاعه
والنفس يا سحيم مأموره ومنهيه= والحر لا ضاق قطع مربط اقلاعه
انصاك يا اللي تدك العسر بالهيه= حلحيل وقت الصعب والطيب منباعه
ابغي مخاواك للـــدار الجنوبيه= مغباش يوم العرب بالنوم هجاعه
من فوق جيب (ن) يشق الطرق ليليه= والجيب غنى وزان اللعب روباعه
متمزهل (ن) للصعب من طيب راعيه= لا هاض شفت النجم في عز مطلاعه
متميز(ن) بالفخر في قو شاصيه= لقبل على الخط كنه دقه الساعه
صنديد للضيق ما تكثر بلاويه= النادر النايف اللي شاق مشلاعه
حر(ن) على العز ما شانت هقاويه= الكايد اللي يرف الطيب بذراعه
البارق اللي نشا من عز واليه= الوافي الصامل اللي جاد صناعه
يفهق طلوع الخطر دون النعيريه= نظره شجاع(ن) و لا هي بخداعه
اليا أعتلا للصعب ما خاب شاريه= الفين واثنين يا اللي تعرف انواعه
اي والله احبه واحب بزود طاريه= مع ذره الشمس لا شعشع تشعشاعه
يشع لاشاع شعشاع الشماليه= شعال يطرب حزين النفس ذعذاعه
يدك الأرض الفقيره من عواليه=ويسقي ظما مهجه المظيوم واظلاعه
يشكي زمان(ن) ويشكي قل ماديه= النفس صلفا ولا هي بطماعه
المبتلي في الحياه الأقتصاديه= الحظ عكسي ونفسه دوم ملتاعه
الحال منحال والحاله شقاويه= لا حل نصف الشهر ما غير اوضاعه
لاشك مال الزمن يا كود جاهيه= اما حياه الشرف ولا لمرجاعه
والعز والله لا قلت مواريه= دونه رجال (ن) تعرف العز واسناعه
والنفس يا سحيم مأموره ومنهيه= والحر لا ضاق قطع مربط اقلاعه
فمان الله
راااعي الصفرااا