كبسة بخمس دقايق ( غريببببببببببببببببببة جدا )

[googl11]

مره كنت راجع لجده من المقناص شمال ومريت على رابغ ومونت نفسي من ماء وبنزين وسئلة عن افضل مطعم سمك فدلوني على واحد ( مطعم ) ورحت ولقيته زحمة كان وقت خروج موظفين ارامكو وزادو عدد الزبائن من الصيادين وخلص الرز وانا مختار السمك طبعا وقلت خذ سمكك انت وجهك وفاتح مطعم على حبه رز قال ابو هنود كمسه دقيقه صديق وهو يتكلم معي كان يتحرك بسرعه رهيبه مما استوقفني والعجيبه ان حنفيه الماء او البزبوز حاكينه فوق الغاز مثبت بالجدار حط القدر وكب الرز والنار من قوه قلت تبي تشق القدر وفك البزبوز وشوي بهارات ولاكن ما انتبهت للمقادير لاني كنت احتريه يخلص من هالمهرجان ويصك القدر وامشي بس ماصكه اخذ يقلب الرز والما ولا وقف عن التقليب لين طفى النار والله ياجماعة اني فغرت افمي ( فتحته ) وش هالمطاريس بس ذق والله بالراس حاولت اعرف الطريقه بس تحاشاني وتظايق

[الغزال الشارد]

الله يعطيك العافية
شى عجيب يسويها بو هناد
اخوكم :
الغزال الشارد

[سلطان العوني]

الله يعطيك العافيه
اعتقد ان السر في القدر المستخدم

[الغريري]

أوافق... على أن لا تقل عن 15 دقيقة . :good:


علشان حبة الرز تاخذ أدنى حد من "التشرّب" ، لابد أن تقصر النار وتتركها على الأقل 10 دقائق (حسب رأيي) . :cool:

أنا شخصيا سبق وأن طبخت الرز (دون لحم) في 15 دقيقة تقريبا ، :rolleyes:


وأذكر ، وحدة مرّة :) ، منذ 12 سنة تقريبا ، وكان معنا شيبان ، داخلين للصمّان مسيّان (يسمع بشاعر المليون :) ) ،

المهم بعد مشوار طويل ، ووصولنا واختيار المكان (حوالي حسنا وام الهشيم ) ، والربع تعبانين ، وجوعانين، و ودّهم ينامون ، تشجعت ، وبتوفيق من الله ، شبيت النار، وضبطت القهوة ، وجدعت القدر على الحطب، وقطعت البصل واللي معهن، والحقتهن اللحيمات المقطعة ، وكملت القهوة ، وغطيت القدر، وصبوا الشباب القهوة ، وغسلت الرز ، وصفيته ، وجدعته (كبيته) على اللحم بالقدر ، والشيبان يتقهوون ، وحطيت بريق الشاهي ... وخلصوا الشباب من القهوة ، ، وفاحت ريحة العنبر ، واسفهلوا الله يحفظهم ويعطيهم الصحة والعافية ، ويرحم رفيق دربي ابو سلمان (خالد المحمد القاسم) - لا تنسوه بكثرة الدعاء فهو والله يستاهل كل خير ،
وخذوا لهم كاستين شاهي ، وبعدها قلت تفضلوا !. :p

الحمد لله ، والله ان الشيبان طارت عيونهم !، وقالوا وشلون ؟ ، ماهو صحيح !. ، توّه !، وإلى ماهنالك من تعليقات إستنكارية ، وإستهجانيّة ، و إستفراحية (فرحانين بالأكل من شدة الجوع ) ، ;)

المهم .. وهم غير مصدقين ، حيث لم نكمل 45 دقيقة من وصولنا للمكان :confused: ... أعجبهم الأكل تماما .... (طبعا أعتقد أن الجوع له دور ، وأيضا ، فعلا ، الكبسة كانت مميّزة):looney:


ومع ذلك ... لا أعتقد أنني أستطيع فعلها مرّة أخرى . :j