الوشايه

[الديعجان]

اهدي هذه الابيات للقارئ الكريم وارجو ان تحوز على رضاء الجميع :



الله لا يجزا من حكا اليوم بالخير=اللي تعنـّا بالوشايه ودبـّر
حاك القضيه وابرمه برمة السير=والجو من حكيه تعكر وغبــّر
جيد جوده بس جر المناشير=ليا مد مابين الشفايا وعبــّر
من جور سيفه تستذل المناعير=وفرّق جموع ٍ بالمجالس تزبـّر
يزعم بروحه هو صلاح الجماهير=ومن خوفه الله دوم تشوفه تعبـّر
عند الله اهبا من وزن ريشة الطير=لو صام لو صلاّ وسبّح وكبـّر


وتقبلوا تحيات اخوكم الديعجان

[جرير]

صح لسانك علي الابيات المعبره





حاك القضيه وابرمه برمة السيـر...والجو من حكيـه تعكـر وغبّـر






في انتظار القادم منك

[سلطان العوني]

صح اللسانك وفكرك
وعز الله انها تستاهل
وفالك المليون

[ابوهديل 8]

صح لسان قائلها وعز الله مافيك حيله وتستاهل المليون واكثر وتقبل تحياتي .

[مستغرب]

بارك الله فيك وصح لسان الشاعر

وهذا والعياذ با الله "النمام" الذي قال عنه المصطفى صلى الله عليه وسلم " لا يدخل الجنة قتات " او كما قال عليه السلام يعني "نمام" وهو

"ذو الوجهين" أخزاه الله وبئس العمل ويا لهول "العقوبة" ولكن اين من بعتبر الى الله المشتكى سبحانه . والله اعلم واحكم

[طير رمان]

صح لسانك يالديعجان

[الديعجان]

اشكر الجميع على المرور الطيب وفالكم الاجر والمثوبه

[عبدالله العمرو]

اهدي هذه الابيات للقارئ الكريم وارجو ان تحوز على رضاء الجميع :



الله لا يجزا من حكا اليوم بالخير=اللي تعنـّا بالوشايه ودبـّر
حاك القضيه وابرمه برمة السير=والجو من حكيه تعكر وغبــّر
جيد جوده بس جر المناشير=ليا مد مابين الشفايا وعبــّر
من جور سيفه تستذل المناعير=وفرّق جموع ٍ بالمجالس تزبـّر
يزعم بروحه هو صلاح الجماهير=ومن خوفه الله دوم تشوفه تعبـّر
عند الله اهبا من وزن ريشة الطير=لو صام لو صلاّ وسبّح وكبـّر


وتقبلوا تحيات اخوكم الديعجان


صح لسانك وجاد بيانك ولا فضّ فوك وانا أخوك /

لله درك يالديعجان .. جبتها في الصميبم ... الله يكفينا حبايل الوشاية وأهلها ...

تفضّل طال عمرك واعذرني على القصور تراها كيبوردية :




قافٍ سمعته كل ما فيه تنوير = لأهل القلوب الواعية لو تدبّر

ما في الوشاية للرجل ذرّة الخير = إلا الردى والكسر ما ينتجبّر

مذموم راعيها كما نافخ الكير = ويطيح مهما قام والاّ تجبّر

ولا يسبقه في مقبلاته تباشير = واليا هرج تلقاه هرجه مثبّر

الله يدلّك يالسنافي على الخير = إصبر وتاليها عزا من تصبّر




أخوك /

[الغزال الشارد]

صح لسانك يالديعجان
تحياتي

[الديعجان]

بيض الله وجهك على الرد الجميل والله يكتب لنا ولكم الاجر والمثوبه ويكفينا شر الوشايه واهلها ويخرجنا من هالدار سالمين من كلام خلق الله

[الراسي 2003]

لاهنت ياالديعجان وصح لسانك على القصيدة الرائعة

[الديعجان]

اخوي الراسي2003 الف شكر على المرور الطيب والله لا يهينك ياطير شلوى