اول موضوع لي بالمنتدى ياليت الكل يدخل ويعطينا رأيه()))(((())@ [الأرشيف]

كش كش

10/06/2007, 12:00 PM

السلام عليكم ورحمه الله وبركاته

كيف الحال عساكم بخير انشالله طيبين

بما انه اول موضوع لي بالمنتدى كله مو بس بالخيمه هذي
وقبل كم يوم جتني سلقه منا حليلها هديه عمرها تقريبا 6 شهور
هي من الأنواع الزينه

بس المشكله بجسمعها ضعيف ويبيلها قعده وتدريب طويل

المهم بالله ياشباب .. اللي عنده غذاء وحده بوحده للسلقه هذي يقولنا اياه
يعطيني برنامج غذائي امشي عليه

ننتظر ردودكم;)

آهات الزمن

10/06/2007, 12:03 PM

حياك الله اخوي كش كش بس للاسف كنت اتمنى اني اجيب على سؤالك بس للاسف مالي خبره في السلوقي لاكن راح نسأل لك والشباب مو مقصرين راح يردون عليك .

تقبل تحياتي ,,,
اخوك آهات الزمن ,,,

كش كش

10/06/2007, 12:06 PM

الله يحيك اخوي آهات الزمن

يكفي مرورك يالغالي

صياد الوعل

10/06/2007, 12:15 PM

تحيه طيبه
اعطيك نصيحه تسوى ذهب ,,,
هناك اكل مكعبات (فرنسي ) يحتوي على جميع الفيتامينات ( لحم , رز , زيت , خضار , الخ ...) و قد يكون في شركات اخرى لكن انا استعمل لسلقاني هالنوعيه ,:good: ,, وافضل لك من بقايا المطاعم و خمة السفر :no2: ,, لما تحتويه من امراض ,,, ترى ما لي نسبه مع الشركه ,,,!!!

ديركشن

10/06/2007, 12:17 PM

عليك يخوي برجول الدجاج من فقيه
اسلقه حتى تستوي
فهيا تقوي اعظام السلوقي بذات في فترت النمو والله اعلم
وشوف راي الشباب

كش كش

10/06/2007, 12:19 PM

مشكووووور اخوي صياد الوعل

بس منين تشترى المكعبات هذي؟؟؟؟

كش كش

10/06/2007, 12:20 PM

تسلم اخوي ديركشن

بجرب فقيه والأخوين بعد خخخخخخخخخخخخخخخخخخخخخخخخ

طرزان

10/06/2007, 12:25 PM

عليك بالرز كثرله من الرز والحم خله تضربه لين تموت

كش كش

10/06/2007, 12:26 PM

تسلم اخوي طرزان ماقصرت

مشكوووووووووووور على المرور.................

طرزان

10/06/2007, 12:30 PM

وعقبه صبله لبن ترى يمدحون اللبن عقب الغدى

قناص سوريا 1

10/06/2007, 12:40 PM

كش كش مر علي مثل هالموقف قبل شهر ونص تقريباً حين جتني هدية سلقة عمرها 7 شهور وكانت بالحيل ضعيفة
ونزلت صورتها وأخذت عدة إقتراحات لكن أقول لك شسويت
1- تروح على العيادة البيطرية وتاخذ حبة دود تقسمها على نصفين تطعميها إيها بطريقة إما تحطها بقطعة لحم صغيرة وعلى طول على الفم أو بالتمر
2- الحليب والتمر هوا الأساس
3- تروح على لحام عجول وتاخذ منو كل شي ماينباع عنده خاصة الشحم اللي ممزوج مع اللحم وتسلقه بالماء نص إستواء وتطعميها إياه .... وفيه فيتامين ثمنه 20 ريال تحطوا مع الحليب خمس قطرات .
وبإذن الله تتحسن حالتها .... وتقبل مروري

بو هاشم

10/06/2007, 12:47 PM

ها الله ها الله بل الحليب الطازج من الصبح مع كم حبه تمر
لاتكثر من التمر حار في الصيف

ذيب عتيبه

10/06/2007, 12:59 PM

ماشاء الله حتى هنا بعد الاخوان بارك الله فيهم
ماقصــروا
بارك الله فيك
:::::::::::::::::::
تقبل مروري

طح طوح

10/06/2007, 01:47 PM

ما بقو شي لنا لأخوان
وإتبع نصايحهم فهي عن تجربه

تقبل مروري

عبادي 91

10/06/2007, 01:58 PM

لاتنسى الحلبه مع الحليب بس لاتكثر لها

سلطان العوني

10/06/2007, 02:13 PM

وعليكم السلام ورحمة الله وبركاته
اخوي كش كش
فيه خلطه مجربها انا
اول شي
1- جيب لك خبز يابس طبعا لازم يكون مطحون وناعم جدا
2-تمر مجفف يعني يابس طبعا لازم يكون مطحون وناعم جدا بدون العجم الموجودداخله
3-وجيب لك سحلة حليب (طاسه ) اي حليب ويفضل حق الورعان >>>>> سيميلاك
4- اخلط التمر والخبز مع الحليب
5- فوح الخلطه على النار لمدة خمس دقايق
6- قدمه لها اذا برد
وخلك اسبوعين على هالحال
ولا زم يكون فطور وعشا من هالخلطه
وان شاء الله راح تدعي لي دعوه صادقه من قلب
وقلي وش يصير معك

سلطان العوني

10/06/2007, 02:16 PM

لاتنسى الحلبه مع الحليب بس لاتكثر لها
الحلبه كثرتها تسبب تسمم
لذا انصحك اخوي تعطيها ثلاث مرات حلبه متوسطه غيرثقيله كل اسبوعين لا تنسا كل اسبوعين
وهذا كلام بيطري مبدع

راعي طواش

10/06/2007, 02:23 PM

هي صناعت صاروخ
(رز وحليب وحلبه وكل شي............)
هههههههههههههههههههههههههههههههههه
وتقبل مرور

القحطاني505

10/06/2007, 05:27 PM

الحليب مع البييض مع العسل +++ فضلة البيت على شكل يومي وصدقني ترجع جعريه من العااافيه :)
والله لايهينك

كش كش

10/06/2007, 07:26 PM

مشكورين اخواني قناص سورياوبوهاشموذيب عتيبه عبادي91 وطح طوح وسلطان العوني وراعي طواش والقحطاني505

والله ماقصرتو اخوني جزاكم الله الف خير

انشالله ابي امشي على كلامكم ......

تحياتي لكم

راعي طواش

10/06/2007, 07:32 PM

لا تعليق كفووووووووووووو

ووفوووووووووووووووووووو

الشباب

sasasasas

10/06/2007, 07:39 PM

اخوي عليك

برز ولا تكثر عظام

نفيعي

10/06/2007, 08:19 PM

عطها معلبات ثلاث مرات في اليوم لمدة اسبوع
وتصير طلي

كش كش

10/06/2007, 08:37 PM

مشكورين الأخوان راعي طواش وsassaasونفيعي

بس اخوي نفيعي اي نوع من المعلبات هذي ووين تباع ؟؟!!

هيسوكا

10/06/2007, 09:18 PM

الصبح تعطيها الاتي
1كوب حليب سعوديه
2مربى حلواني
3طحينيه
4جبن
5قشطه
6زيتون
الظهر وقت الغدا
نفرين مندي (تيس)
لبن المراعي
بعد الغدا بنص ساعه تظبط له مهيله (ع شان الدسم)
وقت العشاء
عندك خيارين
1 بيتزا هت 2 كنتاكي بيبسي مكينه
ههههههههههههههههههههههههههههههه
تقبل مروري بصدر رحب

كش كش

11/06/2007, 05:43 AM

هههههههههههههههههههههههههههههه

هيوسكا انا ماحصلي هالأكل ههههههههههههههههههههههههههههههههه

مشكوور على المرور

محب الخلاوي

11/06/2007, 07:43 AM

ودي والله افيدك اخوي كش كش بس والالله ماعندي خبره في نفس الموضوع هذا اللي طرحته...... http://www.mekshat.com/pix/upload/images38/mk49981_ca852rsh3fy.gif
اسف....
تقبل مروري ........
شكرا........
اخوك الجويعي

<عاشق الصمان>

11/06/2007, 10:35 AM

ونا أخوك مالك ألا خلطة سلطان العوني هذي تسمن حتى الميت (واحد يبالغ )

من جد طيبة تقبل مروري.

القناص.com

11/06/2007, 03:17 PM

عليك بالحليب والتمر ((وترا مو كل السلق ترغبه)) شي اساسي

ووجبه رز بقايا الطعام اذا كانت كثيره ((اجر لك من ان اهلك يرمونه وينفع السلقه))

كش كش

12/06/2007, 05:36 AM

مشكورين الإخوان محب الخلاوي <<<< يكفي مرورك يالغالي
وعاشق الصمان<<<< والله خلطه سلطان هي اللي دخلت مزاجي صراحه
والقناص <<< تسلم اخوي القناص بمشي على كلامكم وابي اجرب ,..........................

فهاد بن محمد

12/06/2007, 06:17 AM

هلا بك اخوي كش كش عليك تعطيها حليب مع البيض والعسل اخلطهم مع بعض وقدمه لها وبعدين عطها دجاج او رجول الدجاج من المفرخه

سنجااار

12/06/2007, 09:18 AM

رجول الدجاج مامثله يخليها تطق من الشحم

الغزال الشارد

12/06/2007, 09:52 AM

ما بقو شي لنا لأخوان
الله يعطيكم العافية
تحياتي لك

جريح الليل

17/06/2010, 05:31 PM

عطها بيض مع حليب وياليت لو حليب نياق اقوا لعضامها واذا كان فيه شي ببطنها يطلع بس استمر بالحليب مع البيض