شيروا علي يالصقاقير مشكورين

[ربيع الكشته]

السلام عليكم ورحمة الله وبركاته

ودي بصقر لاولادي يعني في سن 10 - 12 سنه , أبغاهم يتعلمون بعض المهارات , ليس الصيد
بالصقور , لكن الجرأه والاعتزاز بانهم يتعاملون مع صقر , ولاشك انها بتكون تجربه حلوه لهم
لاتنسى ,
شوركم يالربع هل اشري من سوق الطيور اللي جنب سوق الغنم
وهل الوقت مناسب الان
وكم مره اعلفه في اليوم ,, وهل اعطيه لحم مثلج ومره دجاج تنويع يعني
وهل بالامكان يدعونه بينهم وهو يطير من واحد للثاني ؟؟

وهل تنصحوني بهذا الامر والا هناك محاذير لا اعلمها

شوركم وهداية الله .

ومشكورين مقدماً

[peregrine]

السلام عليكم خوي

الله يعطيك العافية زين انك تزرع في اولادك حب الطيور والمقانيص هواية اكثر من رائعة:good:

والله ياغالي انصح تاخذلك وكري مدرب او قرموشة او مثلوث .................

يعني اصحاب الاحجام الصغيرة والي تقدر تقول راكدة نوعا ما "يعني مو شاهين" وتكون مدربة لان اطفالك صغار

وبالنسبة لاطعام الطير اعطيه لحمة طرية يفضل لحم غنم ولاتعطيها باردة ترى تسوي مشاكل بالجهاز الهضمي

عداك عن رائحة كريهة من فاه الطير ومرة مثلا تهده عحمام ولا ارنب صغير يعني حاجات من هذا القبيل يتونسوا

العيال:D

تقبل مروري

[عـــرادي]

ربيع الكشته
أولا الله يخليلك عيالك ويصلحهم
ونصيحه لا تقرب عيالك لم الطير في السن
هذا لان الطير في حاله عدم تدريبه والمعرفه
التامه به يكون خطر ، وحب الطير مصيبه لو تعلقو أولادك بطير
وخصوصاً في الوقت الحالي لا صيد ولاشي بس تعب وخساره
والعمر قدامهم انشاء الله
مع خالص تحياتي
عرادي

[سنجااار]

رببيع الكشته ليتك تصبر العيال الله يصلحهم توهم على تعلم الامور هذي وعلى ماقال اخونا عرادي العمر قدام انشاء الله ومتلاحقين والسلام
اخوك
مشروك

[المري]

الله يخليهم لك ويبارك فيهم ويصلحهم..

اللي مقدي في شورك , اشتر لهم وكري فرخ ولا قرناس وخلهم يتولعون فيه ويحبونه .. علشان يطلعون صقاقير منذ الصغر..!!!!

وسلامتك

اخوكم - بومعيض

[راعي عقاب]

توكل على الله وشترلهم وخلهم يتعلمون من الصغر

[الروقي..2]

خلهم ينشغلون بالطيور ازين ماينشغلون بسوالف الشباب بهالوقت
الشباب الصالح قليل والطالح عدوغلط

[a7a7]

السلام عليكم ورحمة الله وبركاته
الله يباركلك في عيالك ويصلحهم وانصحك
شرلهم طير وخلهم يصيرون صقاره من الصغر
تقبل مروري اخوك
a7A7

[الوهـ قحطان ـاج]

اخوي ربيع الكشته

اشوف من سؤالك انك انت منت صقار

اجل مدام كذا انا ابي انصحك نصيحه قبل ماتشتري اي طير

اول شي تعلم الصقاره وكيفية التعامل معى الطير ومن ثم علم عيالك كيف يتعاملون معاها

اما انك تقول تبي تتعلم عليهم فهذا والله الغلط بعينه اخوي العزيز لانك راح تعذب نفسك وتعذب الطير

وراح تكسب ذنب الطير هذا المسكين الي طب في ايدك انت وعيالك فهذا والله حرام

وانا تحت امرك اذا حبيت اني اعلمك بس اهم شي الصبر

ومن ناحيت انك تشتري طير الحين ولا بعدين اشتر الطير قبل شهر رمضان علشان تعلمه وتقنصبه

وانا اسف على الاطاله تحياتي لك يالغالي

[حر الشمال]

اشترلهم وكري وخليهم يتعلمون على الصقاره من الصغر ويطلعون صقاقير لان الولع من الصغر وتحياتي

[ربيع الكشته]

مشكورين يااخوان على تفاعلكم مع موضوعي ونصائحكم الغاليه
معرفتكم كنز لايقدر بثمن لاعدمناكم
ولضيق الوقت سوف ارد على الجميع في وقت لاحق ان شاء الله
تحيه وتقدير لكم جميعاً , بارك الله فيكم .

[قرناس خلوي]

السلام عليكم أخوي ربيع المكشات ،،،

أولاً الله يصلحلك عيالك ويرزقك ووالدتهم ببرهم إنشاء الله ،،، وبالنسبه لموضوع تعليم أولادك الصقاره من الصغر فأنا أأيد أخوي قحطان الوهاج على كلامه أنه لازم تتعلم الصقاره قبل وبعدين تعلمهم لأجل يكون تدريب أولادك الصقاره صحيح ولا يكون فيه خطر على أولادك أو على الطير لانه لو حصل لأولادك أي شي من الطير يمكن ياخذون موقف للأبد وتكون كذا تسببت بإنهم يكرهون الطيور والصقاره بد مايتعلمون ويتولعون ..
هذا رأيي الشخصي والله يوفقنا جميعاً للي فيه خير ،،،،،