سؤال عن (( الاستبنه ))

[ذيب البر]

السلام عليكم ورحمة الله وبركاته


هلااااااااااااااااااااااااااااااااااااااا بالنشامى

عندي سؤالين ابي عليهم اجابه من اهل الرياض خاصه

الاول / عندي جيب تويوتا والاستبنه تحت وابي ا رفعها فوق علشان احط تانكي

مويه مكانها وودي اعرف أفضل المحلات الي ترفعها لان فيه ناس كثير

سووها وما جت صح تطلع اصوات .

الثاني // ابي افضل من يقوم بتركيب الصدام الامامي مع العده غير المميز والمواهب

واذا ما فيه غيرهم ايهم افضل

[الهاوي]

مرحبا اخوي ذيب البر
اما سؤالك الاول ما عندي علم لاني ما جربت .
والثاني / مركب الدعامية عند المواهب ما امدحهم لكن مهوب شين ومن مدة والحمد لله ما خالفت معي هذا مع دف خلق الله احياناً لظرورة ( لا يروح تفكيرك بعيد .. يعني مساعدتهم ) المهم انه نوعا ما جيدة .
وخذ راي الشباب لانه ما خاب من استشار اكيد فيه احد افضل مني معلومات .
والله اعلم

[الصقار10]

السلام عليكم ورحمة الله وبركاته ،،،



يمكن تروح للسليماني وشارع الغرابي مليان .

واذا تبغي تبيع عدة الاستبنه كان انه موديل 98 الرجاء الاتصال على البريد الالكتروني :

falconry10@hotmail.com

[باترول 99]

السلام عليكم ورحمة الله وبركاته .....







الأخ ذيب البر ... إذا كنت تبي واحد يفصلك دعاميات على كيف كيفك ... ويمكن يرفعلك الإستبنه فوق .... مر محل [[ المقصورة لتطوير السيارات ]] شارع التخصصي وجهك جنوب المحل بوسط محطه قبل مدخل جامعة الملك سعود .. ترى شغله ازين من إلي بشارع المغربي أو السليماني . :) :) :) :cool:

[الهاوي]

اخوي ذيب
بدل ما ترهم في الاستبنة فصل تانكي موية فيبر قلاس وركبه ورى المرتبة الخلفية وفك المراتب الاخيرة اريحلك هاه وش رايك !!;)

[ذيب البر]

هلاااااااااااااااااااااااا والله بالنشامى

اخواني الهاوي الصقار 10 وباترول 99

شكراً لكم على تفضلكم بالرد

اخوي الهاوي بنسبه لفكرتك الثانية وهي وضع التانكي خلف المرتبه فانا شفتها عند

المواهب بس كأنها تضايف الي بالداخل

عموما شكرا للجميع

[البتار]

طيب وش رايك تحط التانكي داخل السيارة بشكل سطحي والصراحة أنا مجرب هالطريقة وحلو مرة

وللمعلومية أنا صلحت هالطريقة في الرس وأذكر إن فيه واحد بالرس يفصل توانك من السل ستيل .

[نجم سهيل]

انا ناوي هاليومين اركب تانكي سطحي داخل السيارة.

اسعفنا بخبرتك في هالمجال, التانكي مايصدر صوت بسبب حركة الماء ولا يقرقع من المطبات (كلش ولا القرقعة) وكيف ثبت التانكي داخل الموتر وكم ارتفاعة وش نوع موترك اللي ركبتة علية؟؟

العذر والسموحة على كثر الأسئلة وانشاء الله انك تقدر تفيدني وتفيد باقي الأخوان وسلامي للجميع.

[البتار]

اخوي العزيز نجم سهيل : أنت سألت عن :

س ـ هل التانكي مايصدر صوت بسبب حركة الماء ولا يقرقع من المطبات (كلش ولا القرقعة)؟
ج ـ ما لك لوا ؛ لأنه عند تلحيم التانكي يجب وضع شرائح حديد في بطن التانكي وتكون متخالفة حتى تمنع صدور الصوت

س ـ كيف ثبت التانكي داخل الموتر؟
يتم تركيب التانكي وتثبيته بمسامير كراسي الشنطة حيث أن كراسي الشنطة غالباً يتم فكها من السيارة الجيب

كم ارتفاعة ؟
على حسب رغبتك والصراحة نسيت كم كان الارتفاع لكن أتوقع أنه كان 15سم أو أقل

وش نوع موترك اللي ركبتة علية؟
جيب 97 GX عطي الله

وتقبل فائق تحياتي وتقديري

[الشقردي]

الصدام
انا مركب عند المواهب شغلهم كويس(معي vxr) بس قبل فترة شفت صدام مركب على باثفيندر وعليه استكر المميز
فيه لمسات حلوه بالنهاية بحيث تتطلع الصدام وكأنه جاي شد بلد و الشغله كلها شوية ربلات مركبها فى الواجهه
وبعدين انت اذا بغيت تفصل محلات للعدة فكر وشف انت وش تحتاج وحاول انك مثلا تقلل الاشياء اللى ما لها لزوم أو بالاصح تشوه شكل الصدام مثلا هل انت تحتاج المنشار
وكذلك قل له يحط قاعدة المطرقة وقاعدة معلاق الذبيحة من داخل الصدام
وكذلك المسامير اللي تمسك المسحاة أوالفاس خلها خلف العمود ولا تكون نا زله عن مستوى الصدام عشان اذا حك وجه الموتر ما تتكسر عليك

تغيير محل الاستبنه:
هل انت حاط في بالك انك بترفع الاستبنه فوق وبس؟؟؟؟؟يعني بدون ما تغيير الشنطة الخلفية لاني اعتقد ان الشغلة بتبين انها ملفقه لان اللوح في الوسط وشلون بتركبها على اليسار؟؟!!
اذا انت تبي الشغل الصح (وانا ما جربت لكن مجرد فكرة) رح للتشاليح واشتر لك خلفية مع قاعدة الاستبنه وبع اللى معك على خوينا اللى حاط بريده فوق أو تبادل انت وياه (وترى بيبان الشنطه ارغب عند البيع)

وتسلم لي

[sale22]

أخوي ذيب البر
حياك يالغالي وجميع الأخوة
اما بالنسبة لتركيب تانكي اسفل السيارة ورفع الإستبنة فقبل الشروع بهذا العمل عليك الإنتباه الى الآتي وذلك بعد التجربة:
1/عند فك عدة الإستبنة من اسفل السيارة عليك بوضعها في كيس وسوف تحتاجها في يوم من الأيام
2/ عند تركيب استبنه على الباب الرجاء الإنتباه الى من يركب لك قاعدة الإستبنة حتى لاينعدم عليك الباب بسبب سوء التركيب وسوء القاعدة لأن الإستبنة ثقيلة وسوف يجيها شيل وحط خاصة اذا كنت راعي مطامر بالبر
3/عليك تركيب تانكي ستيل فهو افضل واقوى من الألمنيوم وان كان غالي شوي عن الحديد العادي فهو لك
وللزمن ومضمون
4/اذا فك العامل العرى التي بجانب السيارة الخلفي لتركيب قواعد قاعدة الإستبن خذهن بعد وحطهن بالكيسة الأولة وغبهن حتى يجي يومهن الله العالم
اخيرا وليس آخرا نجي للمفيد:
التانكي ركبته عند ورشة الضويان بالرس ولي مركبه ست سنوات ماتغير لله الحمد
القاعدة ركبته عند ورشة بجنب الضويان نسيت اسمه بس بعد ماتعدى الورشة مخلي الضويان على يمينك بعد ميتين متر تجي على اليمين يرهمون قاعدات طبق الأصل للوكالة وتركيبهم مضمون مية بالمية وكذلك ركبته لي ست سنوات ماشفت منه خلاف لله الحمد وربما تجده عند الضويان
اخيرا
الأسعار التانكي ب 450 ريال
القاعدة ب 850 ريال
فوائد
اذا انت راعي بر ودايم تروح للبر خل التانكي به ماء فلن يضره شي
حاول تشحيم مفصلات قاعدة الإستبنةحتى يسهل فك الباب وقفلة وتدوم القاعة اكثر

ارجو اني افدتك والإخوة ولك شكري

[sale22]

تكملة للموضوع
اما بالنسبة للصدام الأمامي
فأنا من واقع التجربة فهو غير مجدي لا هو ولا عدته
وان احببت تركيب دعاميةة فركب مثل حق الدوريات فهو وذف وجميل وعملي
الدعوى يااخوي هي الفائدة من الشي الذي تركبه وليس للتشخيص مثل بعض الإخوة
هذا مجرد رأي فقط وليس الزام للإخوة الفضلاء
اشكرك