نقل الطير

[الاشعل 316]

السلام عليكم

ما ابغى اطول عليكم

ادري ان في طيور خلصت مقيضها

وادر ان هو على حسب الطير ومتى يخلص مقيضه
بس ابغيت اعرف من من الناس اللي طيورهم تطلع مبكر
بس ابغى اعرف بتاريخ الهجري متى الناس تنقل طيورها ؟

وتقبلوا تحيات

اخوكم ابو سطام

[قشاع الرمث]

السلام عليكم و رحمة الله وبركاته

ادري ان في طيور خلصت مقيضها


الطير الي خلص مقيظه هالايام اعتبره
مبكر بالحيل وبالنسبه لي مخالف فيه مشكله .




بس ابغيت اعرف من من الناس اللي طيورهم تطلع مبكر



زي ماقلت كل طير له توقيت لحاله لاكن اتكلم عننا بالسعوديه
اهل الشرقيه يرغبون الطير الي يصف بدري ويحرصون عليه
واول سؤال يسالونه لابغو يشرون الطير متى يطلع الطير من
مقيظه حتى بعظهم صارو يعطون حبوب وبودره الي تعجل
القرناس حتى للحرار .


بس ابغى اعرف بتاريخ الهجري متى الناس تنقل طيورها



بالنسبه للهجر يختلف عن الميلادي 13 يوم كل سنه فافضل
التوقيت بالميلادي واتوقع النقله الجايه من 15 رمضان وورى .
بالنسبه للنقله بالميلادي هي 20-30\سبتمبر تزود او تنقص عشره ايام .

واغلب الناس تستعجل .



اتمنى اكون فدتك.

[صوعان]

ما اتوقع ان فيه طير مخلص مقيضه ها الأيام صعبه جدا

[الاشعل 316]

قشاع الرمث

بيض الله وجهك وكثر الله من امثالك

صوعان وانا خوك فيه طيور الحين الموسيه تسوق عني الطير

خلص المقيض

وتقبل تحيات

اخوك ابو سطام

[صوعان]

الاشعل اعتبر الطير هذا مبكر مره

لكن الموس لحالها يبغى لها من شهر الى شهر ونص عشان تتم

ابكر طير عندنا باقي فيه ثنتين الموس والنايفه

[جيتك يابعد حيي]

فعلآمثل ماقال أخوي قشاع الرمث نقلة الطير بنص رمضان

[ابو رجاء]

بالنسبه للطير الي مصفي هالوقت اكيد انه مربوط مبكر جدا ائي بعد مقناص الحبارا (الجيه)

واماء بالنسبه لنقل الطير فهو معروف بعد طلوع سهيل الى هب البراد وهو يختلف من كل عام

والتارخ الميلادي اصح مثل ماقل الاخوان من 30سبتمبر وطالع

[الوافي عزام]

على كل حال لو الطير كان خالص هالحين من المعروف انه بدري على نقلته ودعوه بالحر اللي نشوفه عندنا بنجد

لاكن ماله الا انه يوزن له العلف مضبوط وينتبه له من انه يحذف مره ثانيه وهذا يعتمد على امريين مهميين


لا يقصر العلف على الطير لين يهزل ويرفعه وهو مايدري فجاه والاه حاذف وخصوصا اننا في ايام حاره جدا
لا يمرض الطير ومن المعروف ان الطير لو مرض وجلس له ايام مريض وعولج وزان حاله ومع الصنعه اللي سبقها مرض يحذف

وبالتوفيق

[الاشعل 316]

صوعان صفوق ابو رجا الوافي عزام

يعطيكم الف عافيه كفيتم وفيتم

وبيض الله وجيهكم

وتقبلوا تحيات

اخوكم ابو سطام