المساعد الشخصي الرقمي

مشاهدة النسخة كاملة : اشلون أطبخ الكبدة ؟


أعالي المزن
13/06/2007, 07:14 PM
كم مرة أجرب أن أطبخ الكبدة بالقلي ، ولكن غالباً ما أنجح فأجد رائحة موحلوة ، من يخبرني فيكم اشلوووووووووووووووون أطبخ الكبدة ؟
شغل عدل
13/06/2007, 07:39 PM
افضل الطرق لتصليح الكبدة
صاج حديد حامي جدا تضع قليل من الزيت تحمر البصل شرائح حتى يذبل تضع فلفل اخضر شرائح تضع الكبدة فيه قليل من الفلفل الاسود
اذا ترغب في قليل من الثوم او الحب حر ( الفلفل الحامي ) توضع مع تقليب البصل فلا بأس وبالهناء وقول هذه طريقة شغل عدل اسم على مسمى !!
الهلالي
13/06/2007, 08:06 PM
بالنسبة للريحة والطعم الغير مستساغ فيرجع لنوع الكبدة , حيث أن جميع الكبدة المستوردة فيها زنخة ومرارة , عليك بكبدة النعيمي الطازجة أوكبدة الحاشي وتراها ما تحتاج طبخ كثير, مجرد شلوطة على نار قوبة .
أعالي المزن
13/06/2007, 09:53 PM
أشكر ( شغل عدل ) على معلوماتك ، عاد إذا ما صار الطباخ المرة الياية عدل لا زم اتغير اسمك من شغل عدل إلى ( شغل غلط ) خخخخخخخخ - أمزح معاك
أعالي المزن
13/06/2007, 09:55 PM
أشكرك ( هلالي ) على ردك وفعلاً الكبدة الأسترالية لا تصلح و القليل اللي يعرف يضبطها
عبدالله العمرو
13/06/2007, 10:03 PM
أخي أعالي المزن /

الزيت القديم والمستخدم من قبل سبب رئيسي بتغير الطعم والنكهة ...

على فكرة :
كبدة الغنم أضف طماطم _ أما كبدة الحاشي يفضّل بدون ... وعلى فكرة ثانية الكبدة لا تحتاج لتقليب كثير على النار .. يعني ما بين نصف إستواء إلى استواء مبكر ...

كذلك إن كنت تستخدم الصاج : ملعقة أكل عادية فقط من الزيت .... أما البقية فأخي شغل عدل ما قصّر لمسات شيف :)

وبالهنا والعافية على قلبك
فايروخ
13/06/2007, 11:24 PM
السلام عليكم ورحمة الله وبركاته

والله اخوي أعالي المزن مدري وش اقول غير الشباب كفوى والله يعطيهم العافية وودي اني اضيف شي بس كفوى ووفوى .

اخوك فايروخ .
النو
17/06/2007, 01:48 PM
الطريقة عندي مختلفة شوي

قطع الكبدة إلى قِطع صغيرة مثل اللي على الصاج ثم قطع بصل شرائح وبعدين جب العصب اللي يكون موجود على الكرشه وأفرده على صحن وحط الكبدة والبصل والملح والفلفل البارد والبهارات ثم لف العصب الباقي بحيث تكون لفيت العصب على الكبدة من جميع الجهات وتكون مثل الخبزة بعدين حطها في شبك وعلى الجمر لين يطلع لون العصب أحمر والهناء والعافيه
عرقوب
17/06/2007, 05:00 PM
اسئل مجرب خبير بطبخ الكبده:cool: .. جربت كل الطرق .. ماش ولا طريقه ملت راسي :mad:

لين ذيك اليوم كنت في زيارة لشاب عزاب ( ساكن وحده في شقة ) يموت في شي اسمه بطاطس مع كتشب

شاري قلاية زيت مظغوط .. بروست .. طبعا هي بحجم طباخة الكك رايز ( حقت الفلبينيين ):D بس ذي فيها زيت مظغوط

وطلبت قلي كبده .. وافق على الفور ورحنا خضار بساتين القصيم .. كبده حاشي طازجة .. شرينا نصف كيلو

وبس تقطيع بدون بهار بدون ملح بدون اي شي حطه قلاية الزيت المظغوط .. وبعد خمس دقايق .. طلعت قطع الكبده

شكله نحاسي .. يقولون العين تتذوق قبل اللسان .. بس شكله روعة .. ومعها خل والليمون وخبز بر .. تاكل اصابع اصابعك
يقولون الكبدة ماتنغسل
سلطان العوني
17/06/2007, 06:03 PM
عليك بأن تضع شرائح من البصل والثوم والفلفل
وتحميها على صاج من حديد
وخمس دقايق قلبها وعليك بالعافيه
كشته 111
17/06/2007, 06:24 PM
اعالي المزن اذا بغيت تتفنن با الكبده وعندك وقت كافي خذ ذا الوصفه :


المقادير:
نصف كيلو كبده حاشي او غنم
1 بصلة متوسطة مفرومة ناعم با الخلاط.
4 فصوص ثوم مفروم.
3 ملاعق كبيرة زيت.
2 ملعقة كبيرة عصير ليمون (اختياري).
2 فلفل رومي تقطع شرائح أو مكعبات صغيرة.
1 ثمرة فلفل حار تقطع مكعبات صغيرة.
1 ملعقة كبيرة خل.
كمون، ملح، فلفل، بهارات.
* الطريقة:
يغسل الكبد وتنزع منه القشرة الخارجية الرقيقة ثم يقطع شرائح بطول الإصبع.
يتبل الكبد بعصير البصل والملح والفلفل والبهارات.
يوضع الثوم في الزيت ويقلب حتى يصير لونه ذهبياً. تضاف مكعبات الفلفل ويقلب المقدار حتى يذبل الفلفل.
يضاف الخل وملعقة كبيرة عصير ليمون ( اختياري ) والكمون والكبد.
يقلب المقدار ويغطى ويترك على نار هادئة حتى يتم نضج الكبد.
تضاف ملعقة كبيرة عصير ليمون ( اختياري )وتقدم الكبدة ساخنة.
و بالنسبه للي مستعجل الطريقه سهله
تقطع الكبده وتحطها على الصاج وقلبتين نص استواء وبالهناء والشفا ولامين شاف ولا مين دري وبس ,,,


http://www.7mml.com/uploads/74f5f40863.jpg (http://www.7mml.com/)

تسأل وين الكبده شفها تحت ,,,,,





http://www.7mml.com/uploads/6509b4674c.jpg (http://www.7mml.com/)


واذا بغيت سفري فيه :


http://www.7mml.com/uploads/0ee0b63516.jpg (http://www.7mml.com/)
جلمود الجبيرى
17/06/2007, 10:59 PM
السلام غليكم--- تبي الصدق ما مثل بس تحمس الكبده وتكثر البصل ونص استوا ولا تشرب الشاهى على طول خله بعد ساعه للفأ ده (اما الصور الأ خير ه شى)والله يعطيكم العافيه
خالد777
17/06/2007, 11:43 PM
سوف أدلي بدلوي<<هههه فصيح
للكبدة نوعان من الطبخ
1))للرايق
يقطع البصل شرائح طويلة
يحمسه شوي ثمن يحط الكبدة والبهارات والفلفل واذا بغا طماط يحطهإذا استوت ويقلبه تقريبا 5 دقايق

2))لغير الرايق والعجل مثلي (وأنا اشجع هذه الطريقة أحط (الكبدة والبصل و(الفلفل البارد غير ضروري) سوا وأشب على الصاج وأحيانا أحط ملعقة زيت ))
ثمن أقلب بسرعة
وإذا قربت تستوي حطينا البهارات والملح والحبحر حسب الرغبة
أما الطماط للحاشي يخليه قاسية
للغنم مايمنع

خالد
دايم عجل
مدار العاصفة
18/06/2007, 01:08 AM
قد جربته .. على الجمر .. شي شي .. بس خفف الملح http://www.7mml.com/uploads/0ee0b63516.jpg
ساق الجواء
11/07/2007, 01:47 PM
لا أحب كبدة الغنم لأن قوامها بعد الحمس متفتت وأحب كبدة الحاشي لأنها أقسى أما الغنم فجرب حمس قطع صغيرة من اللحم وستنسى كبدة الغنم ولم أجرب كبدة البقر فقد ورد في حديث أنها أول طعام أهل الجنة.
ابو صعب
12/07/2007, 06:07 PM
سوف أدلي بدلوي<<هههه فصيح
للكبدة نوعان من الطبخ
1))للرايق
يقطع البصل شرائح طويلة
يحمسه شوي ثمن يحط الكبدة والبهارات والفلفل واذا بغا طماط يحطهإذا استوت ويقلبه تقريبا 5 دقايق

2))لغير الرايق والعجل مثلي (وأنا اشجع هذه الطريقة أحط (الكبدة والبصل و(الفلفل البارد غير ضروري) سوا وأشب على الصاج وأحيانا أحط ملعقة زيت ))
ثمن أقلب بسرعة
وإذا قربت تستوي حطينا البهارات والملح والحبحر حسب الرغبة
أما الطماط للحاشي يخليه قاسية
للغنم مايمنع
ماطور
15/07/2007, 03:45 AM
ياشباب فيه حاجة مهمة لازم تنتبهون لها

تأكد إن الكبدة بعد التقطيع ما يكون فيها دم وتغسلها بالموية بشكل جيد حتى ينزل الدم كله

لأن الدم مع الحرارة يصير لونه أسود ويأثر على طعم وشكل الكبدة
alhaidary
16/07/2007, 03:08 AM
لا أحب كبدة الغنم لأن قوامها بعد الحمس متفتت وأحب كبدة الحاشي لأنها أقسى أما الغنم فجرب حمس قطع صغيرة من اللحم وستنسى كبدة الغنم ولم أجرب كبدة البقر فقد ورد في حديث أنها أول طعام أهل الجنة.



كلا أخي الكريم لم يرد ذلك في الحديث الشريف
إنما ورد زيادة كبد الحوت هو أول طعام أهل الجنَّة
ثمَّ بعد ذلك لحم عجل في مأدبة ربانيَّة

رزقنا الله جنَّته
جنون الليل
16/07/2007, 05:12 AM
طريقتي أنا
http://ww1ww1.jeeran.com/15.gif


أقطع الكبدة شرايح طولية مقاس 3سم تقريباً
وأقطع ما يعدل كمية الكبدة بصل
وفلفل أخضر حار حسب رغبتك
بهارات مشكلة وأهم شي يكون فيها كركم طبيعي من الأصلي
وزيت زيتون


http://ww1ww1.jeeran.com/16.gif


http://smileys.smileycentral.com/cat/3/3_13_8.gif أو شي أغسل الكبدة بعد ما أقطعها وأرشها بشوية ملح ناعم ثم أقطع البصل
وإذا خلصت من البصل خذت الكبدة وغسلتها مرة ثانية لأنه تكون نزلت الموية الزايدة منها بمفعول الملح
وبعدين أحط قلايتين على الفرن زي الصورة فوق وحدة أقلقل فيها الكبدة مع الزيت وترى كل ما تكثرون الزيت يكون أحلىعلى نار عالية عشان تجي مثل المقلية ماتجي كلها موية كنها مسلوقة لأن النار الهادية تخلي الكبدة تنزل موية
والبصل في القلاية الثانية أشوحه بعد مع الزيت اللي يكفي كمية البصل مو لازم تكثرونه على نار عالية حسب نوع البصل فيه بصل يحتوي على ماء كثير وبصل لا كويس مثل البصل الأحمر المهم لا تخلون البصل يستوي ويذبل مررررررررة ويختفي ماعاد تشوفه
وأضيف عليه الفلفل إذا حبيت حار أو بارد أو من دونه حسب رغبتكم وفي نفس الوقت أنتبه للكبدة مجرد إني أشوفها تغير لونها الخارجي أضيف عليها شوية بهارات عشان تنشف الموية شوي ويطلع لون البهارات في الزيت
ثم علة أطول أضيفها على البصل وأقلبهم مع بعضهم ثم أضيف عليها الملح وخذوا في بالكم ترى المسألة كلها ماتاخذ أكثر من خمس دقايق تشويح للبصل وخمس للكبدة ثم إذا خلطناهم يدوبك دقيقتين بالكثيرحسب حجم التقطيع بعد له دور

ثم أغرفوها في الأطباق المفضلة عندكم


http://vp.rghh.com//upload/userimages/18224/41917_2-4-2007_130107.gif


http://vp.rghh.com//upload/userimages/18224/41917_2-4-2007_132818.gif

وتم بحمد الله
ولدعلى
17/07/2007, 04:20 AM
كما قااااااااااالت استاذت الطبخ جنووون اليل



وبالنسبه لي فضرررروري الفلفل جداً مع الكبده



وكذالك ان لا يزززاد في قليها على الصاااج كثيرا


حتى لا يتغير الطعم كثيرا


وانما ريحة قلقله




تحيااااااااااااااتي