ياليتني شاعر!!!!!!!!

[جيتك يابعد حيي]

السلام عليكم ورحمة الله وبركاته
أرحب بكم أخواني جميع من في هذا المنتدى
بصراحه موضوع اثار قريحتي ولكن للأسف ليس لي القدره في التجاوب مع هذا الموقف الذي بصراحه هز مشاعري ولكن ليس لدى إلى أني اجعلكم تطلعون على هذا الموقف وهذه الصوره مع اني قد نقلتها من أحد لكم من أحد المنتديات .

وأليكم هذه الصوره أسال الله العلي العظيم أن يعين هذه اليتيمه ويصبرها عن مافقدته ويرحم ميتها وجميع أموات المسلمين






http://www.mekshat.com/pix/upload/images38/mk29564_111.jpg

[راع الابل]

فعلاً صورة تحزن وتدمع لها العين و تقشعر لها الابدان والله يرحم من مات لها ويغفر له وان يخذ برأفتها بهذا الميت وان يجعله مغفوراً له بسبب هذه الصغيره وان يرفع عنها محنتها وان يصبرهاااااااااا على هذا البلا

فعلا احزتنا اخي العزيز بهذه الصورة

هذا والله اسئل ان يحميها ويفرج همها وان يسعدها في الدنيا والاخرة وان يعوضها بمن يدخل البهجة والسرور في قلبها

[عين الحـــر]

فعلاً صورة تحزن وتدمع لها العين و تقشعر لها الابدان والله يرحم من مات لها ويغفر له وان يخذ برأفتها بهذا الميت وان يجعله مغفوراً له بسبب هذه الصغيره وان يرفع عنها محنتها وان يصبرهاااااااااا على هذا البلا

فعلا احزتنا اخي العزيز بهذه الصورة

هذا والله اسئل ان يحميها ويفرج همها وان يسعدها في الدنيا والاخرة وان يعوضها بمن يدخل البهجة والسرور في قلبها

موضوع معبر جداً ابو راكان

[جيتك يابعد حيي]

لك الشكر عين الحر بمرورك على الموظع

[ابوالجازي]

السلام عليكم

الله المستعان ابكتني صورة البنت تكسر القلب

وان شاء الله احاول ان اكتب عنها قصيده

[جيتك يابعد حيي]

تسلم يا أبو الجازي بصراحه الموقف هذا خلاني اتمنى أني اكون شاعر بس عسى الله يعوضني

وأتمنى نسمع أبيات على موقف مؤثر مثل هالموقف

[راع الابل]

في مشهدٍ يحزن كل االاقطار .... شفت اليتيمه على القبر دانيه
في موضعٍ تشخص به الانظار.... تشكي لربها هم الجبال العاليه
مات ابوها وخلفلها كل تذكار .... ويسريبها الهم من دنياً باليه
ادعي الله يبعد ابوها عن النار ... ونوف يعينها على ديناً خاليه

والله مادري هذا شعر والا صف كلام لكن هذا اللي طلع مني بعد ما شان الخاطر

[عبدالله العمرو]

مووووووووووجعة.... :(



يا صفوق حرّكت الوجع وامتحاني ...

................. وخليتني للهمّ يا صفوق ماعون







http://www.mekshat.com/pix/upload/images38/mk29564_111.jpg




حسبي الله .....

اليتني ما جيت ياصفوق عاني =

.......... ولا عيوني شافت اللي تشوفون

صورة وفيها من كبير المعاني=

.......... من ياترى اللي تحت الأطباق مدفون ؟؟؟؟

من شفتها كن المدامع سواني=

.......... والكبد فيها جرح .. والقلب مطحون

يا صفوق زود الهمّ والله طواني=

........... ما اطيق أشوف الطّفل ياصفوق محزون

الموقف المؤلم بروحي كواني=

.......... ونسيت همٍّ تحت الأضلاع مخزون

شنطة ومريولٍ وطفلة تعاني =

........... فرقى حبيبٍ حالها حال مشطون

يا شين حالتها وشيٍّ دهاني=

.......... أتخيّل الموقف وانا فيه مسكون

مع الصّباح ؟؟ أو موعد الظّهر داني ؟؟؟ !!! =

........... راحت تشوف القبر ياللي تعرفون !!

2000 (( س )) بقلبها والمحاني =

....... لكن !! هل الموتى عليها يردّون ؟؟؟؟

أكتب وانا دمعي بعيني عَمَاني =

........... أبكي بيوم العيد .. والسعد مضمون ؟؟؟

وش صار فيني ؟؟ ياعرب ويش جاني ؟؟=

........... وشلون ابنسى موقف الطفل وشلون ؟؟؟؟

يا صفوق يكويني بروحي ثمانِ .....=

جرحٍ 1- وترح2- و لوعة3 - و همّ 4 وطعون5

..............

واوجاع روح 6- وصدمتي7 - وامتحاني8-=

والموقف الملعون ياصفوق ملعون

وش عاد باقي ؟؟؟؟ غير طفلٍ يعاني ؟؟ =

............. ودموع عيني من سببها يهلّون

==================

[جبل راف]

يابوي وينك قلبي اليوم شفقان
وينك ترد الصوت يابوي وينك


جيتك بمريولي من الفصل ولهان
طين ورمل وحجار بيني وبينك

[راع الابل]

بيض الله وجهك يالعمرود (عبدالله العمرو) عزالله انك دخلتنا جو الصورة بهذه القصيده وفصلت تفصيل

الله يكتب اجرك ولاتنسى الدعاء للاموات في هذا اليوم الفضيل الجمعة

والدعاء لاخوانكم ايتام المسلمين

الشكر

[جيتك يابعد حيي]

راع الابل اشكر لك المشاركه بهذه الابيات الجميله والمرور على الموظوع

[جيتك يابعد حيي]

عبدالله العمرو
تكتني العبره مرتين مره أول ماشفت الصوره والمره الثانيه يوم قريت قصيدتك
قصيده بصراحه يعجز التعبير عنها والله العظيم
أبدعت ياعبدالله والمعذره كانها جددت فيك جروح
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااه ه
الله يعين على الدنيا

[جيتك يابعد حيي]

وفعلآ دخلتنا جو الصوره
ياعبدالله العمرو
وأعيد لاآراك الله مكروهآ انت ومن يقرآ هالكلمات

[جيتك يابعد حيي]

المعترض لك مني وافي احترامي
1000شكر لك وتجاوبك مع الموظوع

[عبدالله العمرو]

بيض الله وجهك يالعمرود (عبدالله العمرو) عزالله انك دخلتنا جو الصورة بهذه القصيده وفصلت تفصيل

الله يكتب اجرك ولاتنسى الدعاء للاموات في هذا اليوم الفضيل الجمعة

والدعاء لاخوانكم ايتام المسلمين

الشكر


ووجهك أبيض يا بعدي .... وصح لسانك أنت في الأول ....

لا هنت ولا شنت ....

تحياتي لنقائك ...

محبك /

[جرير]

لا اله الا الله
صوره معبره واعتقد انها تحرك كل المشاعر من كان شاعرا او غير شاعر
حتي وان كانت مركبه للعبره فهي بليغه بارك الله فيك.

[سلطان العوني]

بالله ياللي تسجد الخلق للرضاه = يا واحد(ن) كل تفرج هموم اليتيمه
يا صفوق موضوعك ترا القلب خلاه =يرجف ودمه ناشب(ن) في صميمه
من بعد صرفتها من الدرس تبغاه = وقامت تهل دموع فرقى الليمه
في جنب قبره تبكي البنت فرقاه = منظر اليم يا اهل القلوب الرحيمه
يا صفوق شفت البنت وعيني ذرف ماه = دمعة سجين(ن) انسجن بالظليمه
حكم عليه الموت يا كبر بلواه = واصبح طريح فراش عيشه الليمه



واعذروني ترا جت القصيده عفويه وبسرعه لان المنظر صراحه محزن

[سلطان العوني]

بالله ياللي تسجد الخلق للرضاه = يا واحد(ن) تفرج هموم اليتيمه
يا صفوق موضوعك ترا القلب خلاه =يرجف ودمه ناشب(ن) في صميمه
من بعد صرفتها من الدرس تبغاه = وقامت تهل دموع فرقى الليمه
في جنب قبره تبكي البنت فرقاه = منظر اليم يا اهل القلوب الرحيمه
يا صفوق شفت البنت وعيني ذرف ماه = دمعة سجين(ن) انسجن بالظليمه
حكم عليه الموت يا كبر بلواه = واصبح طريح فراش عيشه الليمه



واعذروني ترا جت القصيده عفويه وبسرعه لان المنظر صراحه محزن


فقط للتصحيح البيت الاول

[جيتك يابعد حيي]

أخوي جرير أشكر لك مرورك
سلطان العوني صح لسانك وتسلم على هالابيات
ومايجي منك قصور

[عبدالله العمرو]

[QUOTE=سلطان العوني]
بالله ياللي تسجد الخلق للرضاه = يا واحد(ن) كل تفرج هموم اليتيمه
يا صفوق موضوعك ترا القلب خلاه =يرجف ودمه ناشب(ن) في صميمه
من بعد صرفتها من الدرس تبغاه = وقامت تهل دموع فرقى الليمه
في جنب قبره تبكي البنت فرقاه = منظر اليم يا اهل القلوب الرحيمه
يا صفوق شفت البنت وعيني ذرف ماه = دمعة سجين(ن) انسجن بالظليمه
حكم عليه الموت يا كبر بلواه = واصبح طريح فراش عيشه الليمه



الله الله ... صح لسانك وجاد بيانك ولا فضّ فوك .....

جبتني من أقصاي يا بعد راسي ....


[QUOTE=سلطان العوني]
صح اللسان وصح من قال معناه = من شاعرٍ له في الحنايا حشيمة
(سلطان) يا علّ المنايا تعدّاه = جعل السعادة في حياته مقيمة
رجلٍ معاني الطيب تكبر بشرواه = يبني لها قصرٍ وبيتٍ وخيمة
الشاعر اللي يسكن الروح مغناه = بين المشاعر والمعاني السليمة
ويا صفوق (راعي البل) تسبق عطاياه = صاغ المعاني من سحابه وديمه
لا هان راسه جعل راسي فداياه = ولا هانت قلوب الرجال الرحيمة



تحياتي

[سلطان العوني]

صح اللسان وصح مـن قـال معنـاهمن شاعرٍ له فـي الحنايـا حشيمـة







(سلطـان) يـا عـلّ المنايـا تعـدّاهجعـل السعـادة فـي حياتـه مقيمـة









رجلٍ معاني الطيـب تكبـر بشـرواهيبنـي لهـا قصـرٍ وبيـتٍ وخيمـة









الشاعر اللي يسكـن الـروح مغنـاهبيـن المشاعـر والمعانـي السليمـة









ويا صفوق (راعي البل) تسبق عطاياهصاغ المعاني مـن سحابـه وديمـه









لا هان راسـه جعـل راسـي فدايـاهولا هانت قلـوب الرجـال الرحيمـة


</I></B></FONT></FONT>










لا هنت ياللي خطي اليوم تقراه = عز الله انك شاعر(ن) له عزيمه
فالك قعود ابركه لك تعشاه = اشريه من راع الابل يا زعيمه
لك منزل(ن) وسط الظماير تبناه =فوق الملا قدرك يمال الغنيمه
يا صفوق سامحنا ترا الشعر نهواه = بعد الصور ما عاد نبغا الهزيمه
دموعنا فاضت في موقف رأيناه= وذكرت موقف صار قصه قديمه
وعداد ما قلنا من الون وال آه =صلاة ربي لمن هو راضع حليمه

[جيتك يابعد حيي]

حمستونا نكتب الشعر يالعوني انت وعبدالله العمرو

[سلطان العوني]

صفوق
تمنيت انك شاعر وترد علينا

[جيتك يابعد حيي]

سلام يالعوني على كل حالي
أحلى من المي المبرد على الريق
الشعر ياسلطان ماهو مجالي
والمرجله لي به قوافي وطواريق

[عروق الدهنا]

وهذي مشاركه من عندي
لكن عالسريع
واشكر الاخ صفوق على الموضوع الموثر
=====================
واشكر الشاعر الكبير عبدالله العمرو
واسمح لي اني اقولك شاعر كبير لان القصيده اللي راحت ماتجي الا من شاعر كبير
وصح لسانك قصيده جزله من واحد جزل
======================
الخوي سلطان العوني
شهادتي فيك مجروحه يابدوي ههههههههه
<<<<<<<يمزح لاتزعل علينا
قصيده جزله من واحدن جزل
======================
راعي الابل
لك معزه بقلبي مايعلم به الا الله
صح لسانك

[عروق الدهنا]

صح اللسان وصح من قال معناه@@@ من شاعرن له في الحنايا حشيمه

سلطان ابن عايش يا طيب مجناه@@@ شاعر وله عندي مكانه وقيمه
عز الرفيق اللي على الطيب مسراه@@@ تفداه اهل الحق واهل الظليمه

وراعي الابل مانساه ياكيف ابنساه@@@ الغالي اللي بصمته في كل خيمه

وعبدالله العمرو تل قلبي من اقصاه@@@ يقصيدتن فيها المعاني سليمه

وللاوله راعي كريمه عطاياه@@@ صفوق اللي جاب صورت يتيمه

[عبدالله العمرو]

صح اللسان وصح من قال معناه@@@ من شاعرن له في الحنايا حشيمه

سلطان ابن عايش يا طيب مجناه@@@ شاعر وله عندي مكانه وقيمه
عز الرفيق اللي على الطيب مسراه@@@ تفداه اهل الحق واهل الظليمه

وراعي الابل مانساه ياكيف ابنساه@@@ الغالي اللي بصمته في كل خيمه

وعبدالله العمرو تل قلبي من اقصاه@@@ يقصيدتن فيها المعاني سليمه

وللاوله راعي كريمه عطاياه@@@ صفوق اللي جاب صورت يتيمه



صح قلبك ولا هنت ولا شنت يا عروق الدهنا ....

=====================================



لا هنت يا ذيب تعلاّ بمرقاه @@@ له عادةٍ يقطع فجاج الخريمة

يرقى على رجمٍ صعيب ٍ بعلياه @@@ حول النجوم وله عليها عزيمة


من طيب ساسه طاب عرقه ومرباه @@@ والطيب منطوق الرجال الحكيمة

يعرف بها الرّجّال من مختبر ماه @@@ إما قراحٍ عذب والاّ هليمة

وإلا أنت عرقٍ يِتعِب الدرب مرقاه @@@ كم واحدِ دونك قعد مع حريمه

ذيبٍ يخجّ القلب وإن طوّح عواه @@@ ورجلٍ عسى الله بين ربعه يديمه

[عروق الدهنا]

عبدالله العمرو صاغ المعاني@@@والموقف الملعون ياصفوق ملعون
بنت تسوق الحزن وحزني دعاني@@@اكتب لكم ابيات والبيت موزون
شوف اليتيم اللي على القبر عاني@@@هيض خفايا القلب والقلب محزون
========================================
ياكيف ابدرس دام غالي جفاني@@@ماطيق نفسي كني اليوم مسجون
بازور قبره دوم لوهو نساني@@@ماظني اسلى لين ماصير مدفون
همن على همن وهمي طواني@@@واشق جيبي كني اليوم مجنون
=======================================
وانا بعد مثلك صغت المعاني@@@والموقف الملعون ياصفوق ملعون

[<عاشق الصمان>]

الله يرحم حالها وحال أمة محمد أجمعين.

صح اللسانك بو سلامه ويستاهل الطيب أخوي سلطان.

وياليتني شاعر...............

[ذيب المسآري]

الدعوى عمرانه

كنها قزرت يالربع هههههههههههههههه


بيض الله وجيهكم يا شعار مكشات


وياليتني شاعر وأجاريكم :(

وبيض الله وجهك ياصفوق على الموضوع المحزن

والله يعطيك العافيه

[سلطان العوني]

سلام يالعوني على كل حالي
أحلى من المي المبرد على الريق
الشعر ياسلطان ماهو مجالي
والمرجله لي به قوافي وطواريق



حي الجواب اللي لفا ثم عن عنالي =حييت يا من رد لي في دقايق
عاذرك يا من تستغيث الرجالي = والمرجله ديره وفيها عوايق

[مغلي الوضح]

السلام عليكم ورحمة الله وبركاته

صبحك الله بالخير والسرور

اخوي العزيز / صفوق بيض الله وجهك صورة معبرة الله يجبر خاطرها ويرحم موتانا وموتا المسلمين ... اللهم أمين

ياليتني شاعر!!!!!!!!


http://www.openiu.com/upload//69635368846774cc1efdb6.jpg




تقبل تحياتي

اخوكم

مغلي الوضح

[عروق الدهنا]

صح لسانك مغلي الوضح
وبيض الله وجهك

[أبا مجاهد]

لاحول ولاقوة الا بالله..

صور والله معبره..

أبيات على السريع:


ياصفوق حركت فيني معاني جزايل
في رثا طفل يتيـــم(ن) وانا افداه
طفل صغير(ن) على خده دمع سايل
نصيب(ن) من جور الزمن قد أعطاه
صهيون ياعالم قد سوت هوايل
هم الطفل بقلبي دايم(ن) حرام ماانساه :mad:



جزاك الله خير ياصفوق عالمواضيع الهادفه..

[ابو صعب]

رحمة الله عليه تحزن

[جيتك يابعد حيي]

المعذره لكم جميع الأخوان عن الغيبه والتأخر في الردود لأني الفتره اللي فاته كانت بالضلع غايب وراح أوريكم أنشاء الله في خيمة الصيد البري سبب الغيبه .

[جيتك يابعد حيي]

أخوي عروق الدهناء تسلم على هالقصيده الجزله وصح الله لسانك وماقصرت رايتك بيضاء

[جيتك يابعد حيي]

أخوي عبدالله العمرو بصراحه يعجز التعبير عن شاعريتك (مافيك حيله)

لك مني جزيل الشكر والاحترام

[جيتك يابعد حيي]

عاشق الصمان
ذيب المساري
أشكر لكم مروركم
ويعطيكم العافيه

[جيتك يابعد حيي]

مغلي الوضح صح لسانك بصراحه قصيدة رائعه الله يعطيك العافيه

[جيتك يابعد حيي]

أبا مجاهد ماشاء الله وهذي على السريع
صح لسانك

[جيتك يابعد حيي]

أشكر لك مرورك أخوي أبو مصعب