ايش الحل ....... ( يوكن )

[مفتاح الفرج]

اخوك مفتاح الفرج ... راعي رادو .... ( هنا لندن ) وانت جاي
بس اليوكن ... الرادو حقه ما يروي الغليل ... ولا يشبع نهيم ... يعني ... لازم اطلع على راس جبل والهو شمال والناس نيام .... ويالله وعسى وكود القط الموجه ....

ايش الحل ؟؟؟؟؟؟؟

[S_A_F_R_I]

يمدحون الرادو الروسي او خشب ... يجيب لك لندن ولو كنت على سطح المريخ

[بنزرت]

اذا كنت في الرياض فمر على الحوشاني في الغرابي وخلهم يركبون لك مقوي موجات الكتروني,,,,, وبعدها بتمل من كثر ووضوح الموجات
والله يعين اذانك بس

[مفتاح الفرج]

يمدحون الرادو الروسي او خشب ... يجيب لك لندن ولو كنت على سطح المريخ


حل واقعي ......!!!

بس خله آخر الحلول



شكر(ن)

[المميـز]

غريبه المشكله هذي باليوكن !!!

كم موديل اللي معك ؟؟؟


اخاف الاريل مفصول شيك عليه

[دهن الورد]

هذي قناة الشايب المفضلة يالله ان تطيب ذكرى ابوي وتطول في عمره
وانا ماعرف غير شرطاني واذاعة القرآن ولا هيب تطلع الا في الرياض بعد
واحيانا أتمدد جنب الشايب استمع معه بعض اخبار السياسة
بس ازين شي وقت الصبح لما يجيبون اخبار الصحة والرياضة وماودك يحطون الطنطنة اللي تعور الراس
وماودك يجيبون اخبار اهل الفن وشلنا بهم..
الله يرضى علينا جميع.

[مفتاح الفرج]

غريبه المشكله هذي باليوكن !!!

كم موديل اللي معك ؟؟؟


اخاف الاريل مفصول شيك عليه

ال اريل وضعه سليم و ...... ( بياضه ناصع )

والموتر 2006 ....

بس الامريكان - الله لا يبقي منهم واحد الا من اسلم - الكهرب عندهم دمااااار .... والرادو منها

[المميـز]

اعرف واحد معه 2006 ابسأله لك

هل هي تطلع عنده او لا

وارد لك ان شاء الله

[طارق براري]

يأخوان هذي مشكلة أزلية في الرادو الي مافية الا موجات Am و Fm لكن الرادو الي فية موجات Sw1 ، Sw2 ماتحصل هالمشكلة وتجد لندن صافية في كل وقت

[مفتاح الفرج]

يأخوان هذي مشكلة أزلية في الرادو الي مافية الا موجات Am و Fm لكن الرادو الي فية موجات Sw1 ، Sw2 ماتحصل هالمشكلة وتجد لندن صافية في كل وقت


ايوااااه ........ هذا اللي انا ابي اقوله .... بس ماعرفت :(


كيف (نهجن) رادو السيارة بحيث انه يشمل موجات Sw1 ، Sw2



لا احد يقولي ..... غير الرادو

[مغلي]

انا عندي جمس امريكي

ورادوه دايم وشوشه وقرف

مثال

ام بي سي تكون عندي 102.1

وكل القنوات تكون زياده 0.1 أو 0.2 وماتصفى ابدا

ايش العمل معاه

[دهن الورد]

وليش ماتشرون رادو بنسونيك تشيلة معك وانت ماشي وانت قاعد وانت منسدح
رادو الشايب الله يطول عمره على طاعة الله ورضاه له سنين وماشاء الله كنه جديد وانا شريت رادو ياباني حجم الكف وعلى طول خرب علي مع ان قيمته 70 ريال
ورجعت وشربت مثل رادو ابوي وماشاء الله هذا انا قاعد اكتب لكم والشيخ فالح الصغير يحدث على راسي من اذاعة القرآن

[وضاح الرياض]

انا نفس الشي اليوكن عندي استخدام امريكي وغير صافي لان موجاته زايده طقه ارجو نكم مساعدتنا بليييييييييييييز

[قناص شقراء]

السلام عليكم
أخوي مفتاح الفرج
في المواصفات الأمريكية تردد قنوات الرادو لازم يكون فيه كسور عشرية فردية مثل (100.1 - 100.3 - 100.5)
و ما عندك الا انك تتحمل هالوضع والا تغير المسجل و مع العلم ان فيه مسجلات تجي سيدي و كاسيت و mp3
و أسعارهن معقولة و شركات معروفة مثل سوني و بايونير و جي في سي و غيرها
و الشي الثاني أبيك تكفى تعطيني تردد إذاعة لندن حلاتها اذا قال (هنا لندن)

[مضياف]

مثلما ذكر الأخ "طارق براري"، إذاعة لندن لا تظهر في النهار إلا على الموجات القصيرة Sw، أما الموجات المتوسطة Mw فهي لاتكون واضحة إلا في الليل لأن أشعة الشمس تشتتها، ووهذا بالطبع يعتمد على بعد مكان الإرسال عن الاستقبال، أي أنك تستطيع سماع الموجات المتوسطة القريبة منك حتى في الظهيرة.
حسنا ماهو الحل المناسب، ركب رادو إضافي من نوع سوني يحتوي على الموجات القصيرة وسعره تقريبا في حدود 230 ريالا، ثم ركب محطة إرسال بسعر 50 ريالا بحيث تستطيع استقبال موجات Sw من لندن بواسطة راديو سوني ثم تبثها على موجة Fm في راديو السيارة الأصلي، مع ملاحظة أن هوائي الاستقبال في اليوكون يقبل الموجات القصيرة أي أن الراديو الأصلي والإضافي يشتركان في نفس الهوائي.
يبقى السؤال أين يركب الراديو الإضافي، وهل يؤثر على ديكور السيارة؟ إذا كانت المرتبة من نوع متصل منفصل فيمكن تركيبه تحت ديكور الراديو والمكيف وهناك محلات في الغرابي بإمكانهم إصلاح ديكور مناسب له، أما إذا كانت المرتبة منفصلة فيمكن تركيبه من جهة السائق على جانب الديكور وإلباسه ديكور من نفس لون السيارة.
الحوشاني في الملز أغلى من الغرابي والشغل واحد!

[مفتاح الفرج]

اشكر الجميع على المشاركة ........ الله لا يريكم مكروه في عزيز .....ولا في رادو........ آمين