المرقاب

[المولع]

يقول المولع بادي راس مرقابي=إلى مر له رجم رفيع تعلا به
على راس مزموم عسير وينهابي=مداهيل حر وحش ما شاف جلا به
حداه الهوى والشوق والقلب منصابي=يبيح كنينه وجاوب الورق ماجا به
على فقد خل شاقني عقب ما غابي=حسين الوصايف تلع الارقاب نهّابه
إلى مر طاري اسمه مع الناس يغدابي=وياعونة الله والدوا عمست اطبابه
غزال صغير السن زين وجذابي=ولاله حلي في البشر لو تحلا به
تشر بكت في حبه وقلبي معه ذابي=وقطع شراييني وقلبي مشقّابه
الى جيت في حيه ودشيت باالبابي=يجاهر بهرجه ويرفع الصوت لاقرابه
وياسم حالي لاضحك واظهر النابي=تهزهز ركون القلب و النار شبابه
إلى لاعب الطفلة بحب وملعابي=تمنيت لو أني صغير له لعابه
وانا عارف انه يمتحني ويزرا بي=لعل الزمان يدور يمي ابازرابه
وانا كيف اسوي ياعرب عارضي شابي=متى الحظ ياقف ياعرب واتهنابه

[الجمس الحمر]

قصيدة رائعة


إلى لاعـب الطفلـة بحـب وملعابـي = تمنيت لـو أنـي صغيـر لـه لعابـــــه
وانا عارف انه يمتحنـي ويـزرا بـي = لعل الزمـان يـدور يمـي ابازرابـه



يكفي ذا البيتين

[المولع]

حياك الله اخوي الجمس الحمر وين الغيبات من طول الغيبات جاب الغنايم والعمرة مقبولة
تسلم ياالغالي ومشكور

[رحــــــــال]

لكــــــــــــــــــــــــــــــــــــــــــــن... ...............


قصيد المولع وافق لجرح ماطابي

تنقض عليه من جديد(ن) من أسبابه



وسلامتــــــــــــــــــــــــك

رحـــــــــــــــــــــــال

[المولع]

انا آسف ان كان(ن)علتك باسبابي=ترى الحق جاهز كان للحق طلابه
دهاك الهوى وهذا الهوى فيه دولابي=دهاني وانا غافل وجرفني بدولابه
خذا قبلنا عنتر وقيس مع اشنابي=فوارس وحكام وخدام مايابه


وسلامتك والجميع
واشكرك اخي على التواصل

[رحــــــــال]

أناوأنت فى سوق الهوى اليوم طلابي

نباالحق وكل(ن)يذكرأوصاف نهابه

نطالب بحق ومطلب الحق ماعابي

ولوكان كل(ن)بشتكي موقف أحبابه

ترىالجرح لوطال الزمن فيه ماطابي

وقبلك كثير اللي ترى مات بأسبابه

[المولع]

انا كنت في وقت مضى مقفل بابي=وراضي ومبسوط ولاتهت في الغابة
وفي يوم جيت السوق ماشي وركابي=وصدفني غزال تل قلبي وقفّابه
وخلا عيوني تذرف الدمع سكابي=وعزي لمن مثلي به العين صبابه
اناصاحبي يامسندي في البلد رابي=ولا لي عليهم مقدرية ولابابه
نهب مهجتي والقلب وللعقل سلابي=وخلا حياتي كلها شعروكتابه

[المولع]

يارحال الووووووووووووه

[نقا هشال]

المولع

ياهلا ويامسهلا


وصح لسانك

انت

وباقي الشعراء



لاهنتو

[المولع]

تسلم اخوي نقا هشال ومشكور على التواصل

[وضح النقا]

~


متى الحظ ياقـف ياعـرب واتهنابـه...


صح لسانك وتم قافك يالمولع..


تحيات


اخوك


وضح النقا

[رحــــــــال]

أنا أبعتذر منك أول لفترة غيابي

ترى ماهقيتك تنتظر مني كتابه

وأناقصتي بالسوق يطبع لها كتابي

غرايب جرتلي فيه من دخلتي بابه

على غفلة(ن) مني تودست بثيابي

ولاني على غرو(ن) توقع من يشابه

تقل يمنى شري واقفة بجنز(ن)وكابي

سقالله طاريها وطاري هكااللابه

تبسم بشفتها وتغرز بها النابي

وتهمس إبهرج(ن) كنها تقول وإشصابه

وجتني عجوز(ن) من وراها وهي إتبابي

وأخوك إمتلعثم ما نطق له ولا جابه

[المولع]

اخوي وضح النقا تسلم ياالغالي ومشكور وصح بدنك


الأخ الشاعر رحــــــــــــــــــــــــــــــــــــــــــــــــ ـــــــــــــــــــــــــــــــــــــــــــال

عذرتك وانا ادري انك( بزي )ماانت كذابي=وكل عليه بدنيته ياولد دابه
مغير اتسلى من عذابي باابو عذابي= الى من تبسم لي تغنيت بعذابه
لكن اشتكي لك حال مسكين منصابي=تعذب وهومانال من صاحبه جابه
اباارجي من المولى العلي رب الاربابي=يروف بحياة اللي به الحال منصابه
عساها على دارالغضي مزن وسحابي=تهل بمطرها فوقهم دوم صبابه
وفي ختمها صلوا على خير الاحبابي=محمد رسول الله شفيع مع اصحابه