شوف الفرق بين درجات الحرارة وكلها بالرياض !!

[عاشق السيل]

السلام عليكم ورحمة الله وبركاته ،،

اخواني في مكشاتي ،،

صورت لكم ميزان درجة الحرارة اللي بالسيارة ،،
الأولى في 11/12/1427هـ وكانت على طريق القصيم الساعة الثانية بعد منتصف الليل شوف كم :

http://www.m5zn.com/uploads/54d657ff1a.jpg

والثانية كنت طالع من الدوام وكانت السيارة واقفة بالشمس في 3/5/1428هـ الساعة 12 ظهراً شوف كم :

http://www.m5zn.com/uploads/09d2b99cc2.jpg

ولكم التعليق ،،،،

[لحظة إنتظار]

بارك الله فيك أخي الكريم عاشق السيل على هذه المقارنة الجميلة .

بس ترى مقياس السيارة لا يصح أخذ نتائج مطلقة منه أبدا :no2: ,لأن معدن السيارة يتأثر بشكل كبير بإنخفاض الحرارة أو إرتفاعها في الوسط المحيط به و بالتالي يكون تأثيره سلبي على النتيجة المأخوذة .

[عبدالله العمرو]

شتّان بين الأثنان يا عاشق السيل ...

هاهاهااااااااا والله فارق وكأنك مسافر من السويد إلى خط الإستواء الأفريقي ....

يعطيك العافية أخوي على تلك المفارقة الشاسعة وعسى الله يجيب الشتاء :)

لكن ترى الفارس رهيب :good:

تقبل تحيات محبك /

[ابو ناصر2020]

كلم اخوي لحضة إنتظار صحيح ومشكور على المقارنه .

[الهوى الغربي]

بسيطه ياعاشق السيل

الفرق بين الدرجتين خمسة شهور تقريبا

وفي نفس الوقت خمسه وخمسين درجه

اذا حسبنا معدل الارتفاع الشهري سيكون احدى عشرة درجه فقط

شئ عادي ولا يدعو الى الاستغراب

.........................................

ماتقدم هو كلامي بحكم اني خبير طقس وخبير حراره وبروده

<<< اقول يازيتك ساكت

........................................

اخوي الرياض لا يصلح للعيش اطلاقا

برده اشد من الشمال وحره اسوأ حر

اعوذ بالله

وابشركم خلاص انتهت معاناتي من جو الرياض

فسأنتقل للعيش في اجمل مصائف المملكه

ولكن قلبي معاكم والله شاهد

الله يكون بعونكم

سلاااااااااااااااام

[سفير الجزيرة]

سبحان الله

يقولون ( نجـــــد نهارها صيف وليلها شتاء )

فما بالك بالشتاء والصيف فيها

[عاشق السيل]

لحظة انتظار : كلامك صحيح ،، بالنسبة للبرودة تجيك صح أما الحرارة فلاتقاس تحت الشمس أبدا لكن حبيت أصور الـ 55 درجة لأن شكلها يروع والحقيقة كانت درجة الحرارة 43 في ذلك اليوم وسرعان ماتتعدل إذا مشيت بالسيارة ..

عبدالله العمرو : إي والله عسى الله يجيب الشتاء !! وشاكر مرورك يالغالي ..

ابوناصر : حياك أخوي وشرفني مرورك ..

الهوا الغربي : تتكلم جاد ؟ تتوقع عادي 55 الحرارة ؟؟!! لاوالله معادلتك مستحيلة هذي لأن السيارة واقفة بالشمس بس ،، والله يوفقك يالغالي بانتقالك إلى مصايف المملكة والله يعينك على البرد بالشتاء ،، شرفني مرورك ..

سفير الجزيرة : لاتخاف علينا صرنا ضبان وتعودنا على أشد برد وأشد حر بالعالم ،، شرفني مرورك يالغالي ..


عاشـقhttp://www.mekshat.com/pix/upload/sign/images/mk49539.gifالسيل

[الهوى الغربي]

الهوا الغربي : تتكلم جاد ؟ تتوقع عادي 55 الحرارة ؟؟!! لاوالله معادلتك مستحيلة هذي لأن السيارة واقفة بالشمس بس
يمكن من تأثير الصدمه لاني استغربت

وبيني وبينك طلعت معادله خرافيه

ههههههههههههه بس حسابيا صح وعمليا ماتسوى لها هللتين



.................................................. .............

................

...........

حررت المشاركة من قبل السمح

[ابرق العزاف]

اكيد ما دامك واقف بالشمس ومسكر القزاز تتولع نار

شكرا

[مكتشف الأمطار]

طيب شغل الكيف وتبرد

[راع الابل]

مشكور خي العزيز

للعبرة فقط

والصورة الاولى : تذكرنا بالزمهرير كفانا الله شره وابعدنا واياكم عنه

الصورة الثانية : تذكرنها بفحيح جهنم كفانا الله شرها وابعدنا واياكم عنها

امل اني ما ثقلت عليكم بالاجابه

والله يعافيك ياصاحب الموضوع ويكتب اجرك على هذا التذكير

[الرذرذ]

السلام عيكم
حبيت أشارك معكم في الموضوع
يقول المثل ( كل نفس وما أشتهت )
أقصد فيه ناس تحب البرد ولا تواطن الحر أبد (يقولون الحر وهن واخواتها )
وفيه ناس تحب الحر ولا تواطن البرد أبد ( يقولن البرد تعب وأخواتها )
وفيه ناس وسط بين ألامرين
عموماً الله يجيب المطر هو الي يشرح الخاطر بعد ذكر الله وما والاهـ
ملا حظة أخوات وهن(كسل ،خمول ،تكّه ،ضيقه ،غلقه ،نوم ،وق ملفوف،حنّا، ليمون مع خلّ)
أخوات تعب(زكام، فلونزا، بندول، فيفا دول، تمّبرا، فيتامين سي، فكس ،فازلين، فولتارين، زيت زيتون مع زنجبيل )
وتقبلوا تحياتي
سبحانك اللهم وبحمدك أشهد ألا إله إلا أنت أستغفرك وأتوبُ إليك

[النصوح]

لقياس درجة الحرارة شروط معينة من حيث نوع الجهاز ومكان الرصد وطبيعته والبعد عن المؤثرات الصناعية في انخفاض أو ارتفاع الحرارة

وهذه الإعدادات تجدها مثلا في المطارات وفي أقسام الهيدرولجي في مراكز الأبحاث الزراعية وغيرها

أما جهاز السيارة فلا يعطي الدرجة الصحيحة 00 وشكرا لك على هذا الطرح 0

[سلطان العوني]

انا مع اخوي لحظة انتظار في كلامه
لا تعليق كلام سليم 100%

----------------------------------
تحياتي

[نوحان]

انا لفت نظري شي ثاني ياعاشق السيل
مع ان الصور تبعد عن بعض شهور على تصويرهم

ان انت موقف شمال في كلا الصورتين :d

[سحاب شقراء]

اكيد انه خرب مع التمدد والتقلص

بما أني خبير جيولوجيا في علم الفلسفة المتغطرسة

[مرفــأ]

مشكور وهذا هو المناخ الصحراوي فارق شديد بين الصيف والشتاء وبين الليل والنهار

بس تبي الصراحة بالنسبة لي يزين الصفر المئوي ويازين ليالي الشتاء

[طائر المدينة]

ماشاء الله ياعاشق السيل نعم هناك فرق كبير الحمدالله علي كل شي

وعلي فكرة جوالك شكلة المدمر ههههههههههههههههههههههههههههههههههه

[المميـز]

سبحان الله

الله يرحمنا برحمته

ويازين الصوره الاولى

الله يصبرنا على حر الصيف

ويحيينا ويلحقنا خير على البرااااااد ^_^

[عاشق السيل]

الهوا الغربي : مرة أخرى الله يحييك وشاكر لك متابعة الموضوع ،،

ابرق العزاف : صدقت والله بس نادر جدا توصل 55 وعلى فكرة بعد مشوار دقيقتين وصلت 43 !!

مكتشف الأمطار : الميزان ياخذ الحرارة من فوق يعني المكيف ماله دخل ،، شاكر مرورك يالغالي ،،

راع الابل : بيض الله وجهك هذا الكلام اللي عليه العلم وجعلها في موازين حسناتك وتكفى نبي المزيد ،،

الرذرذ : وعليكم السلام كلامك جاي من خبرة شيبان !! وعلى قولك الله يجب المطر ،،

النصوح : صدقت والله و55 أكيد إنها ليست حقيقية لكن مقياس الباترول دقيق جدا بس لازم تكون واقف في ظل وانوافذ مفتوحة والأفضل تكون السيارة ماشية ،، وصدقني تعطيك درجة حرارة دقيقة جدا مثل ماتجي بالتوقعات ،،

سلطان العوني : وأنا معكم بعد ،، وشرفني مرورك يالغالي ،،

مقناصي : هههههههههه ملاحظة دقيقة ماشاء الله عليك !! وشاكر مرورك ،،


عاشـقhttp://www.mekshat.com/pix/upload/sign/images/mk49539.gifالسيل

[عاشق السيل]

سحاب شقراء : حياك الله يالخبير !! وترى مافيها لاتمدد ولا تقلص ،، إلا شمس تاكل الأخضر واليابس !!!!

مرفأ : صدقت والله يازين الشتاء زينه زيناااااااااااااه ، تشرفت بمرورك ،،

طائر المدينة : ( المدمر ) وش نوع هالجوال ؟؟!! أنا جوالي نوكيا الفارس وتوقعت أحد يعلق لأن صورة الجوال واضحة !!!

المميز : آمييييييييييييييييييييييين يارب ،، شاكر مرورك يابو التميز ،،


عاشـقhttp://www.mekshat.com/pix/upload/sign/images/mk49539.gifالسيل

[مطر جدة]

مقياس حراره السيارة صحيح .. ولكن ليس بالدقيق ..
وهو يعطي قياس الحراره الموضعيه .. يعني الحراره اللي حولين السيارة ..

والدليل لماذا يكون الفرق في درجات الحراره بين الجانب المظلل وبين الجانب المعرض للشمس ..
طبقاً للقياس الموضعي .. فذلك يقيس الحراره في الظل وتختلف من منطقة لمنطقة تبعاً للمكان .. سواء منطقة زراعية او منطقة صحراوية .. وهذا الشي ينطبق ايضا على المنطقة المعرضة للشمس سواء في المناطق الزراعية او المناطق الصحراوية ..
فـ قياس السيارة يقيس الحراره الموضعيه .. وتختلف تبعاً لحركة ووقف السيارة .. فإذا كانت السيارة واقفه والرياح شبه ساكنه او خفيفة فـي منطقة مكشوفه تحت الشمس .. فإن القياس يقيس الحراره المنبعثه من محرك السيارة وايضا من ارضيه الشارع ( الحراره المنبعثة من الازلفت ) واذا كانت السيارة ماشيه فإن القياس يقيس الهواء الخارجي الموجه للسيارة .والتي تختلف قيم الحراره فيه تبعاً للمكان سواء منطقة زراعيه او صحراوية او داخل المدينة .. عشان كذا دائما ما نشاهد اختلاف مؤشر حراره السيارة بصورة دائما وليست متسلسله على حسب التوقيت الزمني لليوم . .سواء في فترة الصبح او الضحى او الظهيرة او بعد الظهر او في العصر او قبيل المغرب وبعد المغرب إلى العشاء ومنتصف الليل .. يكون القياس في إدنى القيم في الفجر واعلى القيم بعد الظهر مثلا ( من 20 إلى 40 ثم الهبوط على اقل درجه بصورة متسلسله تصاعدياً ثم تنازلياً ) وبتصورة تدريجيه وليس كما يقرأ مؤشر السيارة ( ماله حد معين والذي يعتمد على العوامل الخارجيه ..

السموحه على الإطالة .
وان كان ردي صحيح فهذا فضل من الله .. وان كانت على خطأ فهذا مني ومن الشيطان
مطر جدة

[عاشق السيل]

مطر جدة ،،،

بيض الله وجهك وبصراحة كلامك كذا :good2:

وشاكر مرورك يالغالي ...



عاشـقhttp://www.mekshat.com/pix/upload/sign/images/mk49539.gifالسيل

[وليد1]

مشكور أخي الكريم

[النجم السراي]

سبحان الله

الله يرحمنا برحمته