وش السيارة اللي تنصحوني بها في القيمة هذي

[بوابة التاريخ]

السلام عليكم
الاحبة الكرام
يقول المثل من شاور الناس شاركهم عقولهم .... فكيف بالاخوة في منتدى مكشات
أنا احاول اجمع مبلغ حوالي 60 الى 70 الف ريال وش السيارة اللي تنصحوني بها في القيمة هذي
مع كونها تجمع بين كونها تصلح للبر والديرة

وجزاكم الله خيراً على تعاونكم والله في عون العبد ما دام العبد في عون اخيه

[ابوعبيد الله الصالحي]

اخوي ....عني (جيب 1997م ابيض .. الدفعه الثانية ...)

حتى وقت البيع يبيض وجهك

[باترول للأبد]

مايبيلة كلام يالغالي باترول 2002

[السنع كله]

هيلكس غمارتين جديد ويمسك قيمته والا داتسون والا سوزو تراه ماله شعبيه والا كد ومد لولا وكيله الغثيث وتراك منتاب مناسبه ترى الجديد له لذه وحلاه

[المميـز]

مايبيلة كلام يالغالي باترول 2002

نفس كلام اخوي

((( باترول للابد )))

ولا تنسى
الاستخـــــــــــــاره بعد الاستشـــــــــــاره

[حب الوطن]

كلام اخوي بترول للابد صحيح ولا مهونه في الربع

اخوك / مافيا

[غالي]

اذا كانت سواقتك راكده انصحك بالبيرادو ..
او باجيرو .. او باث فايندر... او باترول
واذا كنت تهوا الشاص او الربع تويوتا او ربع باترول
وكذلك عندك يوكون او جمس صالون دفرنسين
ـــــــــــــــــــــ
صدقني لو تدخل المعارض وتشوف موتر ماكنت تفكر فيه ويعجبك تاخذه
نصيحه رح للمعارض كم مره وتريث اهم شيء واستخر
والله يوفقك بالي فيه لك بركه

[أبو محمد2010]

الله يسهل أمورك إن شاء الله

أنا أنصحك إنك تاخذ موتر جديد أو إخو الجديد الــــمـــــهــــــم يكون يــــــــابـــــــــاني....

[فهد 1426]

يمدحون الاسهم 0000
-------------------------------------
الله يوفقك للأختيار الصحيح
------------------------------------

[abosami]

أخوي العزيز إذا سواقتك من النوع الهادئ والمحافظ على السيارة وطلعاتك للبر ماهي كثيرة فعليك بيوكن سعودي دبل من موديل 2001 إلى موديل 2003 تراها سيارات راحة في الخطوط وتطيب خاطرك في البر أما إذا كنت راع مطاعس وطلعاتك كثيرة وشرهاتك كبيرة فلا تتعدى اللاندكروزر فكلا السيارتين مجربهن وكلا على رغبته
واهم مافي الموضوع قناعتك الذاتية في السيارة التي تود إستخدامها فلا تشتري سيارة لاتقتنع فيها حتى ولو أجمع البشر عليها فأنت صاحب السيارة وليسو هم
أتمنى لك التوفيق في قادم الأيام

[سعد بن خالد]

نفس كلام اخوي

((( باترول للابد )))

ولا تنسى
الاستخـــــــــــــاره بعد الاستشـــــــــــاره
باترول2002

[ابوريناد1979]

بالنسبه لفلوسك ما أنصحك تاخذ شي مستعمل
خذ شي جديد ولا اخو الجديد
ورأي انك تاخذ شي جديد بالنسبه لفلوسك مهيب شويه حرام تاخذ شي مستعمل وتقعد تلقط فيه :(
خذ شي جديد وريح بالك ولا تحط فيه مسمار :good:
شف تويوتا فورتشنر سياحي (على قد فلوسك ) يمكن تزودها شوي , وخذه من المعارض ارخص يمكن تحصل واحد فيه لوحات ومقسط
على فكره السيارات ترخص خلال الأيام القادم لأن الوكالات تسوي عروض بالضيف والناس تروح تصيف
وبالله التوفيق

[عاشق الغضا]

مايبيلة كلام يالغالي باترول 2002
نفس الكلام

[شامخ ألهيلا]

لاند من 98 الى 2001 ولانت خسران

[qppd]

يقال ان وكالة ايسوزو عندها جيوب مخزنه موديل 2005 جديدة والفل اوبشن ب 69 الف ترى الجديد لة رونق خاص مو مثل المستعمل والله يوفقك للخيار الصحيح

[escape_man]

رايي ولو اني ارغب التويوتا لكن التويوتا غالي

فعندك ياسفاري 2002 وحولها او باث فايندر 2004

وعسى ربي يطرح فيه البركة ويعينك على الطاعة

[مخاوي الذيابه]

مايبيلة كلام يالغالي باترول 2002

نفس كلام أخوي باترول للأبد..

باترول وغيره لا تدور بداله..

[ضيان]

أشوف الباترول أفضل شيء، من 2002 وحول
وإلا باثفايندر، حول 2004

ولكني لا أتفق مع أخوي ابو ريناد، في أن أسعار السيارات ترخص في الصيف،

هي ترخص في الوكالات علشانهم ينزلون عروض، ولكن لا ننسى إن في الصيف الناس كلها تسافر، وأفضل السيارات للسفر

هي الباترول، الاندكروزر، اليوكون، الجمس، وما شابه، وعلشان كذا تغلى أسعارها شوي.

طبعاً قبل ثلاثة أيام، كنت في المعارض، ولاحظت الشيء هذا، وكل الشريطيه يقولون نفس الكلام.

ولكم كل التقدير والإحترام

[بوابة التاريخ]

بيض الله وجيهكم ... عز الله ما قصرتوا

كلام أكثر من رائع ... بإذن الله يا يوكون من 2001 إلى 2003 أو باترول 2002 بمشيئة الله
بس المشكلة وين القى نظيف؟؟
والاسعار هاليومين غالية .... الله ييسر

جزاكم الله خير جميعاً على تفاعلكم والله يوفقكم دنيا وآخرة

[سمير]

عزيزي حدك 70ألف ماتجيب 2002نظيف مرة

ولكن عليك بالباثفندر2005 تلقى أنظف شيء وكل المواصفات فيه

فتحة+تمتيك+جلد+مثبت+سيدي+خشابي+خفيف ظل

أنا جربته بالديرة وبالسفر والبران والله روعة

ومثل الباترول ما يخسرك واجد عند البيع

[alkongrs]

جيب باترول 2002 أو 2003

[بنزرت]

استخدم فلسفتي في كيفيه تقرير شراء السياره
اذا اعجبتني سياره اروح استاجرها لمده اسبوع او اقل واذا عجبتني اشتريها ولا اروح استاجر سياره ماركه ثانيه
يمكن السياره تعجبني لكن لما استخدمها اشوف فيها نقص
زي الباث فايندر كنت بشتريه وادوره بكل مكان لحد ما قدر الله وجربت واحد لقيته ضيق مره

[المتقدم]

أنا بصراحه شدني الموضوع
وياليت بصور هايلكس 2007 دبل

[كوع الربوع]

باااااااااااااااااااترول 2002


او الباااترووول هذا !!!
http://www.mekshat.com/pix/upload/images38/mk54979_shammary_2.jpg

[أبا مجاهد]

والله يخوي لبو بشتري موتر وفي محلك مااخذ الا مركب الشيوخ لاند كروزر من موديل 98 الى 2001 على قد فلوسك..

سياره تعمر وحقت مدن وبران ورزه وماعليها غبار..

عالعموم هذا رأيي لكن لاتنسى الاستخاره والتمهل في التفكير والمقارنه..وفقك الله

[اسهيل]

ياخي باترول ربع سعره جديد 70 الف ستاندر عادي على كيف كيفك مديل 2006 شي

[ابوعبدالله 22]

عندك الربع النيسان السلقه 2006 قيمته سبعين الف جديد بسمك على طول تلقاه في معرض نجد في النسيم

[ابن صقيه]

ربع نيسان 2006 سلقه جديد في المعارض بـ 70 ألف على قد قريشاتك ..
وخل عنك المستعمل ترى ما تلحق من وراه إلا الغثاء لأنه مستهلك وبيطلب قطع ..
ربع نيسان مريح إلى حد كبير وشكله رزة ( خاصة إذا ركبت جنوط ) ويصلح للديرة وللبر واقتصادي لأنه بخاخ ..
أنا معي يوكون 2004 دبل هو ماشاء الله قوي لكن مايتحمل الجلد في البر وكله حساسات .
خذ الربع ووالله بتدعي لي .. آسف على الإطالة بس حبيت أعطيك رأيي وشكراً

[marjoj]

الباث فاندر ولا الباترول شوف اللي يععجبك واستخير الله قبل كل شي
وترى التيوتا ((يمسك سعرة))
هذا اللي اشوفة
والله يرزقك انشاء الله

[ابويزيد11]

]أخوي العزيز إذا سواقتك من النوع الهادئ والمحافظ على السيارة وطلعاتك للبر ماهي كثيرة فعليك بيوكن سعودي دبل من موديل 2001 إلى موديل 2003 تراها سيارات راحة في الخطوط وتطيب خاطرك في البر أما إذا كنت راع مطاعس وطلعاتك كثيرة وشرهاتك كبيرة فلا تتعدى اللاندكروزر فكلا السيارتين مجربهن وكلا على رغبته
واهم مافي الموضوع قناعتك الذاتية في السيارة التي تود إستخدامها فلا تشتري سيارة لاتقتنع فيها حتى ولو أجمع البشر عليها فأنت صاحب السيارة وليسو هم
أتمنى لك التوفيق في قادم الأيام[/
كلام صحيح

[الدحبول]

1) كم عدد ركاب؟؟؟؟؟
2)ما الجير الذي تفضلة؟؟؟
3)ماهي المواصفات التي تريدها ؟؟؟
#########################
انصحك ب اليوكن أو لاندكروزر أو البترول

[عاشق سدير]

الله يوفقك لما فيه الخير

[بوابة التاريخ]

الاخ الدحبول
بالنسبة لعدد الركاب فانا ما زلت عزوبي:( :) بس افكر في سيارة تقعد معي ثلاث اربع سنين
بالنسبة للقير افضل التماتيك
بالنسبة للمواصفات أهم شي تواجه

وجزاكم الله خير الجزاء على تفاعلكم معي
وبإذن الله باحاول بعد العصر اروح لمعارض النسيم

[الجفن]

انصحك بجمس يوكن على قد فلوسك
اللاندكروز ما عليه كلام لكن بصراحه غالي

[الرزين]

لاند كروزر 2000 - 2002

بس أهم شئ يكون نظييف والله يوفقك

[فتى التويم]

اخوي بوابة التاريخ انا بأدلك على موتر كوري الصراحه انه ممتاز وسعره على ما اعتقد 70 ألف.


الموتر هونداي سانتافيه الموتر الصراحه ممتاز


وإلا خذ لك باثفايندر

[.أبوعبدالرحمن]

امس لاقي عندنا بحراج الشفا بداخل احد المعارض


با جيرو 2002 سعره والله حلو جدا جدا لقيته بـ 32الف ريال وماشي 57 الف كم


والموتر نظيييييييييييييييييف من ناحية وقفته لاني ما شغلته

والله لو معي فلوس كان شريته على طول

لكن الحمدلله

طبعا استاندر كفرات سلق وجنوط نيكل قزاز كهرب واقفال كهرب ابيض اللون


يعني ما فيه رفارف ولا هوب لونين
والله يوفقك الى كل خير

[الدحبول]

انصحك بجمس يوكن على قد فلوسك
اللاندكروز ما عليه كلام لكن بصراحه غالي
إليك بمواصفات اليوكن جمس
1)نوافذ كهرباء مع تأمين مع نظام النقر السريع لنافذة السائق
2)قفل مركزي ( سنتر لوك )
3) مثبت سرعة
4)مقود هيدروليكي رباعي الاضلاع
5) عوارض فلاذة مدعمة في الابواب
6) 2 إير باغ لسائق والراكب الايمن
5) مراية داخلية إلكترونة مع نظام التعتيم
7)رنجات إلمونيوم
8) دفع رباعي (أزرار )كهرباء من عام 1996 إلى 2007 النظام عملي وإثبت كفائتة