الغدا كيري وشاهي زمزمية والعشاء ننساه من كثر الهمومي

[مفارق]

بعد السلام والتحية هذا أول مشاركة لي وفيها أطلب من أخواني في هذا المنتدى الرائع بأعضائه أن يكملون لي هذا القصيده وأنا في نفس الوقت أسأل عن صاحبها ولكم مني كل الشكر والعرفان
يقول الشاعر


يالله اني طالبك يارب البرية..........مايخيب اللي رجا رب رحومي

طالت المدة علينا والقضية...........والدقيقة كنها تسعين يوم

ان شكيت الحال محد لد فيه..........باح مكنوني وانا طبعي مكنوني

الغداء كيري وشاهي زمزمية............والعشاء ننساة من كثرالهمومي

[ابوو عبدالله]

قصيده رائعه وصح لسان قايلها
بس مع الاسف ما عندي خبر من شاعرها
وحياك الله يامفارق ونتظر من المزيد

وتقبل تحيات ابوو عبدالله

[جرير]

شكله عزوبي ولا اعرف قائلها

وهذي حولها لغزاي العضياني قصيده جميله

.


يالله اني طالبك في كل شاني=رحمتك وهداك يارب البريه

عبدك اللي من مكان اليا مكاني=التجي لك بالدعاء صبح وعشيه

دمعته لاجلها صوت الاذاني = عاش في رحمتك ساعات رضيه

وان تحمل وزر مع مر الزماني=انته الغفار غفار الخطيه

المعاصي والفتن سفن مواني=تغري المخلوق فالدنيا الدنيه

ياعظيم الملك لك عرش وكياني =لا شريك لك إله الألوهية

مالنا سواك يارب الحساني =تكتب الحسنه وتغفر كل سيه

طالبك رحمتك في شهر رمضاني =اغفر ذنوبي ليا كثرت عليه

بالصيام وبالقيام وما حواني =من خشوع ليا خضوع ليا رويه

والتلاوة للسور واسمى المعاني =يوم تاليها تزيده معنويه

من صداها تبسط صدور المباني= حرف عن عشر الحروف الابجديه

يالله اني طالبك خضر الجناني= في نهارن والخوي ينسى خويه

[سلطان العوني]

صح اللسانك واللسان شاعرها
ودي افيدك لكن ما عندي خلفيه عن القصيده
وتسلم يدينك

تحياتي

[الحضري]

والله ما ادري لمن لكن اتوقع انها رسالة جوال ( فكاهيه )


ودوك ردي عليها :)

خذ لك فـ مكشات مسيار ضحويه
.... لا فضيت و ودك انواع الفنوني

قرّب اجهازك وما جالك عليّـه
.... واشبك المديوم بـخط التيلفوني


:) تحيتي

[مفارق]

الله يعطيكم العافية
بس ننتظر على الطريق السريع لين يجينا الي يعرفها ويعرف قائلها
وعلى فكرة القصيده لها تكمله وليست فكاهية ولا حقت جوال
شكرا على مروركم

[أبو_خالد]

بعد السلام والتحية هذا أول مشاركة لي وفيها أطلب من أخواني في هذا المنتدى الرائع بأعضائه أن يكملون لي هذا القصيده وأنا في نفس الوقت أسأل عن صاحبها ولكم مني كل الشكر والعرفان
يقول الشاعر


يالله اني طالبك يارب البرية...............مايخيب اللي رجا رب رحومي

طالت المدة علينا والقضية.................والدقيقة كنها تسعين يوم

ان شكيت الحال محد لد فيه...............باح مكنوني وانا طبعي مكنوني

الغداء كيري وشاهي زمزمية..............والعشاء ننساة منكثرالهمومي



والله ما أعرف هالأبيات

لكن أظن إن آخر كلمة بالبيت الثالث هي " كتومي" بدل "مكنوني"
لتناسب المعنى واتحاد القافية



محبكم

[دغيم1]

السلام عليكم ورحمة الله وبركاته

يعطيك العافية أخوي على الأبيات

وصح لسان الشاعر وسلمت يمنك

والزمزمية مافيها خير ولاشاهيها

تقبل تحياتي