طير أبومعيض

[Falcon7]

السلام عليكم ورحمة الله و بركاته



في اجازة الاسبوع الماضي قامت بزياره خاطفه الى ابومعيض ...

خلال هذي الزياره تم شراء طير حر درجه اولى...

تم اخير لالتقاء بولد حبوب الله يحفظه من كل شر و هو معيض..

كذلك تم مشاهدة طير اسود على يد ابومعيض في الصوره و المواصفات17.5 في 17.5 الوزن 1120 جرام و السؤال هل هو حر وحش او تفريخ ؟



http://www.q6r.com/up/uploads/95fa5804cd.jpg (http://www.q6r.com/up)



http://www.q6r.com/up/uploads/994fb223ef.jpg (http://www.q6r.com/up)



http://www.q6r.com/up/uploads/b564113858.jpg (http://www.q6r.com/up)



في الختام جزيل الشكر لابومعيض



في امان الله

[ذيب المسآري]

وعليكم السلام و رحمة الله وبركاته


ماشاء الله على الحر الي بالصورة الأولى الله يخليه لابوه ويخليله ابوه

وماشاء الله على الطير وانا مالي خبره بالطيور ولكن اعتقد انه وحش ؟ جير ؟؟ او ؟ سنجاري ؟


وبيض الله وجهك اخوي Falcon7 على الموضوع

والله يعطيك الف عافيه


أخوكــــ///

[lord]

مشالله طير زين مبين عليه

[ولد333النفيع]

مشالله على الطير

والظاهر إنه حر مشالله عليه

إلي يطعمك منه ونشوف صيده

والله يخليلك ولده

سلام عليكم

[الزاجل الازرق]

يافالكون الله يمسيك انت وابومعيض ومعيض بالخير



مشاء الله تبارك الله اسألني عن الطير الطير ماشاء الله تبارك الله



ومبروك لك والله يطعمك من صيده ويبارك لك فيه



يكفي ان الطير من ابومعيض ماشاء الله تبارك الله

[شبراق]

مشاءالله تبارك الله الله يصلح معيض ويخليه لبوه انشاءالله

مشاءالله على الطير
اعتقد انه والله اعلم (جير × حر ) تفريخ

[جرب حظك]

الله يباركلك فيه أعتقد أنه الطير هذا من طيور ليبيا أدهم ولا شرايكم

[عبدالله هدد]

السلام عليكم
اخي الكريم الطير شكبه بنسبت واحد
بميه انه جير ونسبه 99 بميه انه حر
واتوق انه من منقولي

ولك خالص تحياتي

[سماء نجد]

ماشاء الله تبارك الله على جميع من بالصور
ويتربى بعزك الفرخ اللي يسلم وفاله الدكتوراه انشالله ويترك الطيور وغثاها .
اما بالنسبه للسؤال عن الطير والعلم عند الله انه الطير ( تفريخ ) .
ايييييييييه صح وبعدين وشلون تجينا يالمري وتفوز بمسابقتنا وتاخذ جوايزنا بعد ؟ امزح هههه

[راعي زيزوم]

الطير الله العالم انه من طيور منغوليا ومبين عليه طير طيب وابو معيض ما يجي منه الا كل طيب
والله يبارك لك فيه ويطعمك من صيده

[Naif1]

مشاءالله على الطير

[nasser_ali]

الله العالم انه جير اسود مهجن مع شيهانة بيلز
بس مادري عن النسب :)

والنعم فيك وفي ابو معيض...ولا ننسى معيض عسى الله يحرسه

[هاوي مقناص]

السلام عليكم ورحمة الله وبركاته

الله يعطيكم العافيه ياهلا وغلا فيكم

الغالي فالكون ماعلمتنا اخبار ابو معيض ومشاركاتكم قلت

عسي المانع خير .

الطير ماشاء الله عليه طويل وعريض المنكب .


الطير جير وحش والله العالم


اخوك:

هاوي مقناص

[أبو رداد]

ماشاء الله على الحرار ابو معيض وابنه
والطير ماهو حر وحش والله اعلم
والسلام

[*الـزيـن*]

ما شاء الله على معيض وابوه ياجعل يشوف اعياله ان شاء الله

وبالنسبه للطير في كل الحالتين انه تفريخ ولا هو تهجين مافيه نسبه جير والله اعلم هاالايام طيور تهجين واجد محد يعرفها والخيار الثاني انه حر شمالي غير هالكلام ماعندي والخبير ابو معيض مهو مقصر واكيد عطاك العلم الأكيد والطير مواريه زينه ما شاء الله عليه ودامه من ابو معيض عزللله انك شريت رجال والطير مثل ماقلتلك ماعليه اخلاف




اخوك الزين

[أبو محمود 70]

ما شاء الله طير زين الله ايبارك واعتقد ان الطير (وحش) ادهم داكن

[راعي عقاب]

مشاءالله على الصقار الصغير وعساه يصير اخير

من وبوه

[مران]

اولا السلام عليكم ورحمة الله وبركاته على الجميع كيف الحال اخوي فالكن 7 وبصراحه انا رحت لبو معيض وقال تو ماشي مني فالكن7 وكان ودي التقي معك لاكن مره ثانيه ولك خالص تحياتي انت واخي الكبير( ابو معيض)

[501]

ماشاء الله حـــــــــــــــــــر شايل

على ايده حــــــــــــــــــــــــــــــــــــــــــــــر
والله يحفظك يا ابو معيض انت ومعيض
501

[خيال الصبحا]

السلام عليكم

ماشاء الله تبارك الله

ماشاء الله على الطير وراعيه

أبو معيض كفو ، وأن شاء الله قريب

لي زيارة يمه إن شاء الله ،وعسى الله يصلح

الولد وتشوف بره يابو معيض قل أمين







وبخصوص الطير مثلكم خابر مامن ذيك الخبرة

ولكن لا مانع من المشاركة ، أنا يوم شفت الصورة الثانية

قلت حر وحش وكاد ،ويوم شفت الصورة الثالثة تردد شوي ، ولكن

لين الحين الطير حر وحش ، ولو اني شاك بوضعه ، ولكني شاركت ، وشكرًا

[خيال الصبحا]

أسف لتكرار الرد

وشكرًا

[نايف الخالدي]

هلا بك اخوي
اقول حر شايله حر والله يخلي معيض لبوه ويوفقه
اما بالنسبه للطير اتوقع انه منغولي مو تفريخ
بس ان شاء الله انه طير طيب
ويكفي انه من ابو معيض
بس وجه الطير يبشر بالعشى

[راعي الشرفا]

الطير إلي في الصورة الاولى حر الله يخلية له
والثانية سنجاري

[الزاجل الازرق]

الطير ماهو تفريخ الطير اذا ماخابني الظن انه مجيوب من الصين صح يافالكون او لا



اتوقع 99% انه مجيوب من الصين وهو حر وليس جير

[الدكتور00]

حي والله ذا العين .. أبو حمد .. وش اعلومك بشرنا عنك يا الغالي ..




بعدين وش ذا الزين ما شاء الله أنت وبو معيض بصفحة وحدة وش عاد خليتوا لنا ،،

عسى الله يبارك لكم جميع .. ويجعل لك ما قنيت طرب ونوماس ،،



أما طير أبو معيض .. فاللي يظهر لي إنه منغولي .. يعني لاهوب خريج مزرعة ولا نتاج تهجين !!
وساقه الله يعافيك ما شوف عليها حجل !




** برايفت للمري .. إثرك شيبت عقبنا يبو معيض ههههههههههههه .. شفت كيف .. الكيمرة لها ضريبة ههههههه





وسلامتكم ،،،،،،،،،،

[Falcon7]

السلام عليكم و رحمة الله و بركاته

اسعدني جدا" يا اخوني مروركم و بيض الله وجيهكم على الردود الرائعه

و فعلا" هناك الكثير من الاجوبه الصحيحه ما شاء الله عليكم

و الجواب ان شاء الله في المشاركه القادمه

و تقبلو تحياتي لكم جميعا"

[مجتهد***]

مشاء الله
الله يطعمك من صيده

[الغزال الشارد]

مشاءالله تبارك الله الله يصلح معيض ويخليه لبوه انشاءالله

مشاءالله على الطير
اعتقد انه والله اعلم (جير × حر ) تفريخ

تحياتي لك

[طارق الحربي]

طير طيب وراعيه اطيب

ونعم بهاللحية الغانمه

ونعم فيك يافالكون

[مغرم مقناص]

ابومعيض غني عن التعريف الله يخلي له اللي معه ويبارك فيه


وأعتقد ان الطير تفريخ

لكن علوم ابومعيض هي الثقه واشتر منه وانت مغمض

الله يوفقك وتشوف هدده في اول الهدد

[مروان الجزائر]

السلام أليكم أن مروان من الجزائر أقلك أن الطير مشا الله عليه أنه طير حر وحش وأصله مهاجر إذا كنت ساكن في الرياض يكون مهجر تحياتي أخوك قناص الجزائر

[peregrine]

ماشاءالله عليك ياFalcon7


ويعطيك العافية


والله يخليلك معيض ياابومعيض ويرزقك وتعلم ولدك الصقارة يامعلم:good:

[Falcon7]

السلام عليكم و رحمة الله و بركاته

مشكوربن يا اخواني الكرام جميعا" على المرور وعلى جميع الردود الجميله

و الاستفسار كان

عن الطير الي كان على يد ابومعيض هل هو وحش او تفريخ

و الجواب

الطير فرخ ادهم رقم 1 على اعتبار ان الدهم ثلاث درجات على احساب اخوانا الباكستانين و هو وحش طرح الصين هذا ما عندي و العلم عند الله

مع تحياتي و احترامي لكم جميعا" و الله يحفظكم من كل مكروه