المدواج للحباري ليلا

[الطبشي]

من طبع الصقاره العرب العلم الطيب وانا شفت بعض الصقاره هداهم لله يدوجون للحباري في اليل وشذنب الصقار الي يصبح عليها مصيوده او طايره من مدواج اليل وشاركوني هذي المشكله الي اواجها بشكل يومي علا الاسياف الشرقيه

[أبو رداد]

الله يعينك يالطبشي
صيد الليل ماهوممدوح
ونقول الله يهديهم ويعينكم

[مقداد]

مرحبا اخي الطبشي

نعم وانا أعرف شايب يقنص الساعة 2 بالليل
وادا حصل جرة انتظر مكانه او قصها حتى تطير مع وجهه

وسسب مقناصه في الليل كثرة القوانيص وقلة الحبارى

والله يجيب الحباري السنة الجاية اكثر من السنة الماضية


تقبل تحياتي
أخوك // مقداد

[عديم]

يارجال ابن ادم طماع مايكفيه لا حبارى ولا مية حبارى قناص الليل غادي ماله الا التعب وانصاد مالها حلى
لبغيتو الصدق طربة الصيد لصار ماذير وفي روض اخضر وديره ماتشوف الدواج فيها
ومالك الا رزقك بتعين ثرها جايه بعده مع اول الصبح وهو ساري مادرى ولا عليك اذا قنص قبلك اقنص بعده وبتعين رزقك

[قلب ذيب]

والله ياجماعه اصبح المقناص حرفه ومهنه واسترزاق ؟!!
في الليل ----- يعني هذا مقناص ( لاحول ولاقوه الابالله ) عندما أعلم عنهم قانص الليل ! او اللي يسحب خشيه مليانه رمل للارانب !!
واللي تقطع ( السحوبه ) يلقف جرتها , شو نسمي هولاء ؟ دخلاء على المقناص متسلقه بياعة حباري !! الله يخارجنا من أولئك الناس 0
أشهد أن المقناص ابتلي , ولاألوم الناس اللي تركوا المقناص وهجروه بعد ظهور أولئك الرعاع !! بتعيشون وبتشوفون أكثر 0
تقديري لكل من حافظ على المقناص واسلومه 0

[الوافي عزام]

يارجال ابن ادم طماع مايكفيه لا حبارى ولا مية حبارى قناص الليل غادي ماله الا التعب وانصاد مالها حلى
لبغيتو الصدق طربة الصيد لصار ماذير وفي روض اخضر وديره ماتشوف الدواج فيها
ومالك الا رزقك بتعين ثرها جايه بعده مع اول الصبح وهو ساري مادرى ولا عليك اذا قنص قبلك اقنص بعده وبتعين رزقك


صح لسانك كانك فاتح قلبي وتدري ان هذا ردي اللي ببالي

شكرا لصاحب الموضوع على موضوعه الرائع
والشكر موصول لجميع الاخوان

[بو غازي]

السلام عليكم ورحمه الله وبركاته
اخي الطبشي جزاك الله خير ورحم الله والديك وانا سبق ان تكلمت عن هذا الموضوع في احد مواضيع الشباب لكن اليوم انت فتحت صلب الموضوع عسى الله يجزاك الخير.
للاسف والله ان هناك اناس عندهم نقص في انفسهم اللهم لك الحمد والشكر ماخذين المقناص ان فلان صادر اكثر وفلان صاد اسرع وفلان صاد اول الوقت هذا خبال اللهم لك الحمد والشكر لليل وش هالهدد الي في لليل وش المتعة فيه المقناص عساك ماتصيد لاصار لك ربع وقهوة وعلوم سفرة والله تكفي لابو الحبارة لابو الي يصيده بالليل راعي الليل يالربع يشبه نفسه ليه طيب وش الله حادني لكن ماقاول الا عسى الله يهديييهم بعض الاخوان الله يهدييهم مايدور المتعة يدور التعب والشقا لليل يقنص ومن تطلع الشمس توسد الفراش شدعوة الاخ مايكل جاكسن خايف على بشرتك تتقطع ولا ايش ياربي شمس لا لا ماقدر اتعرض للشمس الي يبي الدح لايقووول اح اما يقنص مع الرياجيل نهار ولا لايقنص خير شر ويفك الناس من شره وجزا الله الجميع كل خير وعسى الله يهدي من يقنص الليل.
ولاحد يلومني في كلامي حتى بعض الشيبان اختربوا .
اعوذ بالله من الشيطان الرجيم
قال تعالى(وهو الذي جعل لكم الليل لباسا والنوم سباتا وجعل النهار نشوراً)

[Naif1]

قال تعالى(وهو الذي جعل لكم الليل لباسا والنوم سباتا وجعل النهار نشوراً)

[501]

السلام عليكم ورحمة الله وبركاته

انا اعرف قوانيص انه تقص الجره باليل عن طريق
الكبوس(الانوار الغازيه) وحنا ارضنا معروفه عباره
عن جزر وسط الصبخ .... والعبور ماشاء اذا فيه
عبور...............
501

[راعي الشرفا]

أو هناك أناس يذهبون لصيد الحبارى في الليل ويجيبها ويحطها عنده وإذا اصبح قام وذبحها وعلف الطير عليها وللا ربعك توهم يقومون ويقول هذي حبارى صايدها طيري خايف من الفشيلة وتقبلوا تحياتي