ياماحلا المجلاس بأرض خليه = في روضة فيها الخزامى مزاهير

[جنون الليل]

هذي قصيده جميله حبيت اضعها لكم


http://www.kashtah.com/4images/data/media/2/1311.jpg

القصيدة هذي للشاعر فالح بن فويز الشيباني يصف فيها الربيع...
يقول الشيباني



ياما حلا المجلاس بأرض خليـة
في روضة فيها الخزامى مزاهير
وهبت عليك النود تالـي عشيـة
وشربت فنجال الـدلال المباهيـر
فنجال ماصبـوه مـن زمزميـة
ولا صلحنه راعيـات المناكيـر
مصلـح فـي دلــة شاذلـيـة
من وارد الرسلان خنف الدناقيـر
وان سقت شوفك للرياض الفضية
شفت الخزامى والنفل والنواويـر
والارض مثل الزل خضرا طريـة
لاشفتها تزيـل عنـك التفاكيـر
لو راس مالك مايجي خمسميـة
كنه في جيبك خمسميـة ملاييـر

[سلطان العوني]

صح اللسانك واللسان الشاعر
عزالله انها قصيده طيبه

تستاهل النوماس اخوي جنون


تحياتي

[جنون الليل]

هلا بك أخوي سلطان العوني
أسعدني حضورك الكريم

[ابوماضي]

صح لسانك ... وعزلله انه قصيد جزله
وفالك المليون

[ابوهديل 8]

بيض الله وجهك اخوي جنون الليل وفعلا ً قصيده ممتازه من شاعر متمكن ومعروف وصدق من قال ان الشاعر المتمكن هو الذي يصور لك الموقف او المكان كانك تعايشه فعلا ً وهذه المقدره الشعريه لايجيدها الاالشاعر المتمكن والله اسال ان يوفقنا الى مافيه الخير والسلام عليكم .

[جنون الليل]

أبو ماضي
أبو هديل

هلا فيكم والله ومرحبا منورين المكان بمروركم الطيب

[راعي الروضة]

بيض الله وجهك 000 القصيده جزله يعطيك العافية على هذا النقل الموفق 00 ولا خلا ولا عدم

[راعي الروضة]

يقول الشاعر محمد بن احمد بن محمد السديري في القهوة :

يا بجاد شب النار وادن الدلالي
وأحمس لنا يا بجاد ما يقعد الراس
ودقه بنجر يا ظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده يا كريم السبالي
يبعد همومي يوم اشمه بالانفاس
فنجال يغدي ما تصور ببالي
روابع تضرب به أخماس وأسداس

[راعي الروضة]

ويقول راكان بن حثلين:

يا ما حلا الفنجال مع سيحة البال .::. في مجلسن ما فيه نفسن ثقيلة
هذا ولــد عمن وهذا ولـــد خـال .::. وهذا رفيقن مالقينا مثيله

[راعي الروضة]

ويقول الشاعر محمد القاضي في القهوة:

دنيت لي من غالي البن مالاق
بالكف صافيها عن العذق منسوق
احمس ثلاث يا نديمي على ساق
ريحه على جمر الغضى يفضح السوق
واياك والنيه وبالك والاحراق
واصحا تصير بحمسة البن مطفوق
دقه بنجر يسمعه كل مشتاق
راع الهوى يطرب الى دق بخفوق
لقم بدله مولع كنها ساق
مصبوبة مربوبة تقل غرنوق
خله تفوح وراعي الكيف يشتاق
الى طفح له جوهر صح له ذوق
زله على وضحا بها خمسة ارناق
هيل ومسمار بالاسباب مسحوق
مع زعفران والشمطري إلى انساق
والعنبر الغالي على الطاق مطبوق
إلى اجتمع هذا وهذا بتيفاق
صبه كفيت العوق عن كل مخلوق

[ابرق حباري]

صح لسانك وقاصدها

شرايك بالابيات التالية ((من التراث الكويتي))



يا بو عبد الله نزلنا وسط فيضه **** فيضة خضرا اتداعبها الخباري
في طرف وسمية ماهي عريضه****بس فيها الظبي الاشقح و الحباري
صيدها يا جا الاعصير يهيض هيضه****لومعك شوزن اتحمّلك لواري

[جنون الليل]

ويقول راكان بن حثلين:

يا ما حلا الفنجال مع سيحة البال .::. في مجلسن ما فيه نفسن ثقيلة
هذا ولــد عمن وهذا ولـــد خـال .::. وهذا رفيقن مالقينا مثيله

إي بالله صدقت وأنا أشهد
راعي الروضة صح لسانك وعلا شانك لاهنت ولا هان بن حثلين
ومشاء الله شلك نفسك إنفتحت على القصيد مع القهوة وريحة الهيل بالزعفران
أسعدني حضورك الأكثر من رااااااااااااااائع
دمت بخير وسلامة

[جنون الليل]

صح لسانك وقاصدها

شرايك بالابيات التالية ((من التراث الكويتي))



يا بو عبد الله نزلنا وسط فيضه **** فيضة خضرا اتداعبها الخباري
في طرف وسمية ماهي عريضه****بس فيها الظبي الاشقح و الحباري
صيدها يا جا الاعصير يهيض هيضه****لومعك شوزن اتحمّلك لواري



هلا وغلا بك أخوي أبرق حباري
والأبيات والله رائعة وياليت يحصل ونروح لفيضة خضراء ونشب النار ونبهر الدلال عاد الصيد أنا أرحم الطيور والله ضعيفات بتفرج بس هههههههههههههه بس أخواني مو مقصرين على قولتك بيحملون لهم شحنة :p
ومشاء الله ترى ملبينا فرق في السعودية والكويت علومكم نفس علوم أهلي وجداني كلها علوم رجال طيبة
وسلامي لك ولأهل الكويت الطيبين
أختكم جنون الليل

[نقا هشال]

هلابك ياغالي يعطيك الف عافيه

اختيار موفق

وصح لسان الشاعر