طير وجدته عندي بالمزرعة لا أعلم ما نوعه وإلى اي فصيلة ينتمي (صورته بالداخل )

[فارس الشمال]

اخواني الصقارين

فرصة طيبة ان نزور خيمتكم ونتعرف على الصقور وانواعها

امس الاربعاء سقط في بئر المزرعة طير يشبه الصقر

وقد قام عامل المزرعة بإخراجه من البئر

والحقيقة انا غشيم بالصقور وقلت لعل اعضاء مكشات يفيدوننا

مع انني اكاد اجزم انه ماهو صقر ..

وهذه صورته


http://www.mekshat.com/pix/upload/images39/mk9543_p1190151.jpg

[محبوب..]

شكراً اخوي
وهذا الطير هو الباز لاينفعك لا طبخ ولا حتى شوي

[فارس الشمال]

بارك الله فيك اخوي محبوب

طيب مافيه معلومات مفصلة عن طير الباز

واشكرك مرة اخرى على سرعة استجابتك

[حب الوطن]

اخوي ( فارس الشمال ) هذي وانا اخوك العيزا تخم الصقاره من بعيد وب الدرابيل

ولكن لاتفيد ابدا

تقبل مروري

اخوك / مافيا

[حب الوطن]

وطبعا هو اكيد من تحت فصيلت الجوارح وانا اقولك اعتقه لوجه الله لاينفع بشي

الله يعتقق ويعتقني والسامعين من النار قول امين

[فارس الشمال]

هلا اخوي مافيا

شكراً عزيزي على المشاركة والافادة

لا حرمك الله الاجر

[فارس الشمال]

وطبعا هو اكيد من تحت فصيلت الجوارح وانا اقولك اعتقه لوجه الله لاينفع بشي

الله يعتقق ويعتقني والسامعين من النار قول امين

اللهم آمين

المشكلة ان حالته صعبه ( مدروخ )

تهقى يدبر حاله .. على العموم هو عند العامل بالمزرعة معزز ومكرّم وطايح باللحم ( شكله ما هو مفارقنا :d )

[صيهد]

انتبه لا يصير مريض (مزكم)

[سلطان العوني]

لا والله ما هو صقر اخوي فارس

[عبدالله العمرو]

أخي الحبيب /

هذا هو الباز / العيزا عند البعض ...


تحياتي

[BeLoveLy]

ما قصور الاخوان علموك انه مهو طير ولا ينصقر ولا منه فايده
بيض الله وجيهم

[مغــادر]

هذا اخوي فارس الشمال على حسب معرفتي الباز ويقولون شيابنا الاول انه مايصيد الى صيده وحده بس والله العالم!!!اخوك مغادر

[قرناس خلوي]

هذا طير الباز وفيه واحد من الأمراء صقر طير الباز وقنص به وكان له تجربه معه ورواها في مقابله له

[رفيق الطيبين]

اخوووي فارس الشــــــــمال ,,,,, السلام عليكم ورحمة الله وبركـاته



ما ازيد على كلام اخوووي المافيا .......... نعم هو العيزا ومشكوور



اخوووووك // رفيق الطيبين

[المستوي 1]

اجمع الجميع انه الباز او العيزا

ولكن خلونا نستفيد من خبراتكم

كيف نفرق بين الصقر و الباز دام الصوره موجوده

[راعي الشرفا]

هذا يصيد الجراذية أقول فكة لوجه الله

[ذيب الخوالد]

هذا يالحبيب طير اسمه العيــزا ما يصيد ولا منه فـايده

اطلقه وانا اخوك



ذعــار الخـالدي

[القصيلي911]

اظن ان باروبا يقنصون به بط

[صقر20]

http://www.mekshat.com/pix/upload/images39/mk18662_ha048.gif


مرحبا ومسهلا أخوي

فارس الشمال

هو طير الباز فعلاً زي ماتفضل وأجاب معظم الأخوان

((ومع التدريب ممكن أن يصاد به))

الصوره التاليه في أفغانستان:



http://www.mekshat.com/pix/upload/images39/mk18662_goshawk%20afghanistan1.jpg



وهو عدو الأرنب والبط البري رقم 1

ويسمى بالإنجليزي لمزيد من البحث: Goshawk



http://www.mekshat.com/pix/upload/images39/mk18662_ha9klk.gif

[ابو تمام]

ماقصرو الشباب كفو ووفو

[محبوب..]

أخوي فارس الشمال اللي أعرفه عن الباز هو انه غير صالح للصقاره واكثر مكان يكون فيه هو رؤوس الاشجار والله اعلم....

[opo]

ياخوي هذا احد انواع الصقور ويسمى الباشق والصراحة ماحد يستخدمه

[قلب شاهين]

الأخوان افادوك ،،

[الشــامخ]

لا ازيد على كلام الاخوان وفو وكفووالصقارين ابخص








لك تحياتي وتقديري

[أبـو فـايـز]

اعتقه لوجه الله :)

[قرناس حائل]

حياك الله أخي فارس الشمال
يارك الله بالطير اللي خلاك تزور قسمنا
طبعا كلامك صحيح وعلى نفس ماتوقعت
الطائر هذا له عدة تسميات يسمى الباز والطلع وغيرها.....
الله يعطيك العافيه ولا تحرمنا من مشاركاتك