شباب ادور على تابوت او مدري وش اسمه ينحط فوق سقف السيارة

[sharany]

السلام عليكم اجمعين
ناوي الشام بعد اسبوعين مع الاهل ادور ناقل العفش اللي يسمونه تابوت ينقفل بمفتاح
وين الاقيه وكم اسعاره ووش افضل نوع مع العلم باني بالدمام


الف شكر والف تحية

[مسافر1]

سبق أن رأيته لدى العليان بالرياض ..
لكن هل يوجد فرع هناك ؟ لا أعرف .

[سلطان العوني]

هذي يسمونها السله اللي تجي فوق التنده
لكن واله مالي علم بها يمكن تحصلها يالغرابي

[أبوأسامة]

معليش بصير ملقوف شوي يا خوك لاتروح الشام والله صارت تروع من كثر السوالف اللي نسمع عنها
خلك في ديرتك وان كان ودك تطلع برا شف صلاله
وعذرا على التدخل في شئ خاص بك لكن نصيحه من محب

[فزاااع]

اخوي شراني اول شي الله يوفقنا وياك برووحتك وجيتك في سفرك ولكن نصيحه لك من اخوان محبين
ومثل ماقال الاخ ابو سلامه والله ان سوريا فاااااااااحت ريحتها على الاخير وصاارت المضايقات هناك والاهانات للسعوديين
الله اعلم بحالها خصوصا وانت رايح بعيالك والله يوفقنا وياك


اخواني مراقبين مكشات والاعضاء اولا اسمحولي على وضع هذا الرابط هنا ولكن لتقرؤ وترون
مامدى المشاكل اللي يتعرض لها الشعب السعودي من مضايقه وابتزاز ويعلم الله اني وضت هذا الرابط هنا لاني احبكم في الله ولا اتمنى ان يحدث لكم ماحدث للبعض

http://82.96.75.104/sahat?128@21.pw3ggSN8mFj.1@.3baa23e2

[ابوعبدالهادي]

أذا أنت في الدمام في شارع الملك سعود موجودة بكثرة عند محلات الزينة

[بني سبيع]

موجود بشارع الزينه شارع الملك سعود(شارع تويوتا)
انصحك انك ماتروح سوريا مثل ما قالو الاخوان انهم يضايقون السعوديين وانت وراحتك (روح دول الخلليج ابرك لك)
تحياتي

[أ ب حداق]

شوف الله يسلمك

فيه سله تتركب ورا
أنا ركبتها في الدمام في الخضيرية محل أسمه النفيسي
إذا تبغي رقمهم بعطيك أياه