نجمة سهيل
26/06/2003, 03:19 AM
السلام عليكم ورحمة الله وبركاته ،،
كيف حالكم شباب .
الكل عارف انه مابقى على النزل الا شي بسيط حوالي شهر تقريبا وعشر ايام .المهم
عشان النزل قرب حبيت اعطيكم طريقه للطبخ والله ان تاكلون ايديكم معها . بس لاتنسوني من دعاكم.
الطريقه كالتالي:
الكل طبعا يطبخ على الدافور او الاغلبيه تقريبا لانه الحين حل محل الحطب وريح الكشاته.
بس في طبختنا هذي مالنا غنى عن الحطب.
المهم انت اطبخ على الدافور غداك وقبل لاتكب الرز تصير انت مجهز لك الحطب مخليه يجمر . ماهوب شرط
النوع اي نوع رمث او غضى او سمر . المهم انك تكون شابه (( مولعه )) من زمان وخله الين يجمر .
واذا جيت تحط الرز تحط الرز شل القدر من على الدافور وحطه على الحطب وكب الرز .
واقعد تقريبا ثلث او نص ساعه على حسب جمرك . يعني افتح الغطا تسان الرز مستوي انكب غداك وتعال ذق
طعم الكبسه . لان الحطب ياثر في طعهما ويطلع طعم غير شكل(( مسوي سوري:D)).
بس لاتنسون اذا نكبتوا الرز تكونون مجهزين البريق وحاطين فيه ماء واذا وخرتوا القدر من على الحطب حطو
البريق وخلوه يخدر على النار واذا خلصتوا من الغدى تقريبا راح يكون البريق فاح .
تجون عاد وتحطون الشاهي وتوزنونه مع السكر (( صار بندق:D)).
وهمن اذا قلب له مرتين او ثلاث . شيلوه من على الحطب وحطوه جنب الجمر يعني في الطراف (( على طرف الجمر))
وخلوه يقعد له ربع ساعه تقريبا .
وانتوا في هالربع الساعه تقومون وتجهزون البيالات .. وتعال ذق الشاهي .
هذي طريقه واقعه من تجربه وليست مجرد كلام .
على العموم اتمنى من كل واحد يجرب هالطريقه ماينساني من الدعاء .
وتقبلوا مني احلى تحيه،،
كيف حالكم شباب .
الكل عارف انه مابقى على النزل الا شي بسيط حوالي شهر تقريبا وعشر ايام .المهم
عشان النزل قرب حبيت اعطيكم طريقه للطبخ والله ان تاكلون ايديكم معها . بس لاتنسوني من دعاكم.
الطريقه كالتالي:
الكل طبعا يطبخ على الدافور او الاغلبيه تقريبا لانه الحين حل محل الحطب وريح الكشاته.
بس في طبختنا هذي مالنا غنى عن الحطب.
المهم انت اطبخ على الدافور غداك وقبل لاتكب الرز تصير انت مجهز لك الحطب مخليه يجمر . ماهوب شرط
النوع اي نوع رمث او غضى او سمر . المهم انك تكون شابه (( مولعه )) من زمان وخله الين يجمر .
واذا جيت تحط الرز تحط الرز شل القدر من على الدافور وحطه على الحطب وكب الرز .
واقعد تقريبا ثلث او نص ساعه على حسب جمرك . يعني افتح الغطا تسان الرز مستوي انكب غداك وتعال ذق
طعم الكبسه . لان الحطب ياثر في طعهما ويطلع طعم غير شكل(( مسوي سوري:D)).
بس لاتنسون اذا نكبتوا الرز تكونون مجهزين البريق وحاطين فيه ماء واذا وخرتوا القدر من على الحطب حطو
البريق وخلوه يخدر على النار واذا خلصتوا من الغدى تقريبا راح يكون البريق فاح .
تجون عاد وتحطون الشاهي وتوزنونه مع السكر (( صار بندق:D)).
وهمن اذا قلب له مرتين او ثلاث . شيلوه من على الحطب وحطوه جنب الجمر يعني في الطراف (( على طرف الجمر))
وخلوه يقعد له ربع ساعه تقريبا .
وانتوا في هالربع الساعه تقومون وتجهزون البيالات .. وتعال ذق الشاهي .
هذي طريقه واقعه من تجربه وليست مجرد كلام .
على العموم اتمنى من كل واحد يجرب هالطريقه ماينساني من الدعاء .
وتقبلوا مني احلى تحيه،،