الرجال العارفه......................لم يحل

[عاشق الفـــــــيّ]

قصيدة الشاعر / سليمان الهويدي

الرجال العارفه

عشقت القمر حيث القمر ينبعث به نور = واخص الليالي البيض تزهاه ويزهنه
واحب الهوى لاهب من خايع ممطور = وريح النفل حيث النفل طيب الخنه
واحب الجماله والجماله عمل مبروك = واحب الغناه وعز نفسي عن المنه
واحب الصراحه والصراحه بها مسرور = حيث الصراحه تقطع الشك والظنه
واحب الكريم اللي يفرج عن المعسور = اليا من عطى حتى اهله ما دروا عنه
احب الرجال العارفه واكره المغرور = من اغتر في بعض المظاهر يغرنه
سقا الله ليال ماضيه قبل هدم السور = نحفر العدود ونشرب الماء من الشنه
نشوف البنات اليا اوردن كنهم الحور = مهار مشاويلن بالاعياد معتنه
على الماء تشوف بيوتهم كنهن القور = كثير القبايل تقطن العد بالكنه
على البال ذكراها ياليت الليالي دور= ياليت الليالي ماخذنه يجيبنه
تذكرت شيبان لنا يوم حنا بزور = يحثوننا بالطيب والفرض والسنه
لوعاشوا حياة قاسيه في بحر وبرور = عسى الله يعوضهم بمافات بالجنه
لو دورن مضى من بينهم وين ذاك الدور = زمان مضى له ذكريات يحلنه
يوم الذهب مايلبسونه بدون خصور = جمال النسا ماهو من السوق يشرنه
فقدنا حياة البدو مع شوفة المظهور = ولا عاد به بدو ولا الطرش له حنه



الله يرحم الشاعر سليمان الهويدي رحمه واسعه

اخوكم / عاشق الفـــــــــيّ

[ف.البشري]

عاشق الفـــــــــيّ
مرحبا بك
تسلم يا عاشـق الفي والشاعر سليمان من الشعراء المبدعين

رحمه الله .

وشكرا لك على هذا الاختيار.

[رحــــــــال]

تذكرت شيبان لنا يوم حنا بزور ،،،،،،،،،،، يحثوننا بالطيب والفرض والسنه


رحم الله سليمان الهويدي

[ابو عمر اللاحم]

صح لسانك اخوي والسان الشاعر رحمة الله عليه .

الحقيقه قصيدة تثير المشاعر.

تقبل تحياتي ،،،

[شاهين15]

احب الرجال العارفه وأكره المغرور ........ من اغتر في بعض المظاهر يغرنه

احسنت أخي عاشق الفي في إختيارك للقصيدة

ورحم الله الشاعر الهويدي

[البيطار]

واحب الصراحه والصراحه بها مسرور= حيث الصراحه تقطـع الشـك والظنـه


لك جزيل الشكر يا عاشق الفي على هذه القصيدة ويا ليت تزيدنا من قصيد الشاعر الكبير سليمان

واريد ان اسالك عن قصيده قالها الشاعر سليم عبد الحي من ابياتها:


ولد هويدي قاصر الشبر كوبان=اللي لبس للخزي ثوب(ن)جديدي


هل كان يقصد نفس الشاعر سليمان وما هي الأسباب او الخلاف اللي صار بينهم ان كان يقصده .......ان كان لديك معلومات عنها

وتسلم بالأخير على القصيده مره ثانيه ........والسلام عليكم

[عاشق الفـــــــيّ]

مشكورين ياخواني على التعليق عالقصيده

واشكر كل من شارك برد او شاف موضوعي

اما يا اخون ( البيطار ) والله مع الاسف ماعندي اي فكره

عن سؤالك .


اخوكم / عاشق الفــــــــــــيّ

[البيطار]

مشكور اخوي عاشق على التعقيب
................ولا تنسى تزيدنا من قصيد الشاعر سليمان
وياليت لو احد من الشباب عنده فكره عن البيت انه مايبخل علينا بالاجابهز
...........................................وسلام

[تالي الاولين*]

.


يعطيك العافية اخوي عاشق الفي


على اختيارك هالرائعة لشاعر سليمـان الهويـدي


.