تبريد الماء

[مشرق الشمس]

تحيه للجميع
كل واحد يحتاج الى الماء البارد فى الصيف ولكن أحيانا يكون معاه ماء حار مرمي من يومين في السيارة
كيف أبرده ؟؟
ما عليك إلا أن تشتري كوب من الفخار من محلات الفخار والزيره وتعبيه موية وتحطه فوق تندة السيارة لمدة عشر دقائق وتلقى الموية بااااااااااااردة ،،، على كيف كيفك
علما اني اطبق ذلك يوميا ،، والكوب معي في الشنطة

[الغزال الشارد]

تحيه للجميع
كل واحد يحتاج الى الماء البارد فى الصيف ولكن أحيانا يكون معاه ماء حار مرمي من يومين في السيارة
كيف أبرده ؟؟
ما عليك إلا أن تشتري كوب من الفخار من محلات الفخار والزيره وتعبيه موية وتحطه فوق تندة السيارة لمدة عشر دقائق وتلقى الموية بااااااااااااردة ،،، على كيف كيفك
علما اني اطبق ذلك يوميا ،، والكوب معي في الشنطة

مشكور اخوي مشرق الشمس
والله يعطيك العافية وتسلم يمينك
على المعلومات الزينة وبيض الله وجهك
تقبل تحياتي لك

[شيخ العتبان 511]

جزاك الله خير ريحتنا من انا نروح نشتري الثلج ونعبي الثلاجه ونحسب انا نفتحه كل شوي بس افضل شي انك تشتري جره من فخار علشان الشباب يشربون بنفس الوقت مهو كل عشر دقايق يشب واحد و جزاك الله الف خير

[كتاب]

جزاك الله خير
وهناك أيضا فكرة ثانية لأن الفخار ربما ينكسر لو ما انتبهت له
الفكرة أن تاخذ غرشة ( قارورة ) بيبسي ) الكبير - وتلف عليها خيش ، وترشه بالماء .

لكن طبعا الفخار أحسن لأنه تبريد على طول و لا يحتاج كل شوي ترشه بالماء

[مشرق الشمس]

الكوب انا مجربه وهو اسرع واكثر تبريد من الجره لانه كذلك يضربه الهواء من فوق واذا على شان الشباب اشتر 3او5 اكواب واذا مليت من الاكواب حطهن تحف فى البيت ولا احسن منهن
وسلامى ل __ الشيخ العتبان 511 والغزال الشارد

[طلحة]

ولا تنسون القرب والمطارات تراها مناسبة في مثل هذا الجو وخفيفة الوزن ولا تاخذ مكان في السيارة إذا هي فاضية

[قصرصالح البديوي]

السلام عليكم

طبعا الكل صار له الموقف .
فيه طريقة الصحن (الصحن اللي ناكل فيه رز ) تملاه ماء وتخليه لمدة 10 دقائق (إذا كان الوقت من مسيان إلى الصباح تحطه فوق التنده أو كرسي المهم بالنفاه أي حول الهواء ) أما في القايله - الظهر- ( تحت الشجره او تحت السياره وعلى كرسي - عن الحشرات طبعاً - ولا تحجب عنه الهواء ).
الطريقة مجربها وتروي الجميع في وقت واحد . :good:
لا جره تنكسر ولا مطاره تخر ولايحزنون !
والله ولــــــــي الــــــتــــوفــــــيــــــق

[سلطان العوني]

الله يعطيك العافيه

[ali742]

ماقصرت ياخوي والله يعطيك العافيه

[نديم السهر]

ولا تنسون القرب والمطارات تراها مناسبة في مثل هذا الجو وخفيفة الوزن ولا تاخذ مكان في السيارة إذا هي فاضية



ماء بارد وطعم حلو




:good: :good: :good:

[ل ح ل الشهم]

فكرة ممتازة للي ميضرب ردمية

[قناص شقراء]

السلام عليكم اخواني المكشاتيين
بصراحة انا سمعت ان الشرب من جرات الفخار أو الزير
يسبب حصوة في الكلى
أتمنى من الأخوان يسأل اذا له أحد من الأقارب طبيب او له خبره انه يفيدنا و يفيد باقي الأخوان

[عاشق الGXR]

المطاره زي ماقالو الاخوان بارده وعمليه ،، ومجربه مذ القدم ......

[صمود1]

مشكور عالمعلومه وانا قد جربتها والحين استخدم اواني من فخار اضع فيها الماء للسلقان

[دمك]

مشكور لكن انا اعرف لابد ان تكون المويه في البراد بستمرار عشان يبرد

ونشكرك على المعلومه

[مدور ربيع]

تشكرات على الفكررره


عموما اي اناء معدني (مصنوع من العدن الخالص ) قابل للبروده بسرعه شديده

طريقتي طاسة عدن كبيره (مثل طاسة راعين حليب الخلفات :))
وتعبيها الى النصف , وتضعها في ظل بالنهار وفوق التنده بالليل
وكل ماشربت منها زدها نفس الكميه المستهلكه , وبتلقاها بارده على طول

[for]

وش احسن مطاره يا اهل البر ؟

[قناص متقاعد]

طيب هو لازم تشربون مويه بارده ؟؟؟؟

[قناص مكه]

مشكور اخوي على هاطريقه

[قصرصالح البديوي]

السلام عليكم

ياللي تسأل عن أفضل مطــاره
وارد عطية بجده بس صعب تلقى في نجد ... إذا حصلتها إحجز لي حبتين معاك . وعطني خبر برساله بالخاص تكفى .

الله يعينك على تدويرها . تكفى برساله على الخاص .

والله ولي التوفيق

[for]

بيض الله وجهك وبدورها ونجربها وابشر ان لقيتها اخذلك يابعدي

[قصرصالح البديوي]

السلام عليكم

فـــور ياعزيزي انتظر منك الـــــــبـــــــشــــــــــاره
عـــــــــــلــــى أحــــــر مـــــــن الـــــــــــــجـــــــــــمــــــــــــر

والله ولي التوفيق

[قصرصالح البديوي]

السلام عليكم

بشرونا الله يبشرنا واياكم الجنة ... آمين

والله ولــــــــي الــــتــــــوفـــــيــــــــق

[for]

والله ياسنايدي بحثت في اغلب المحطات مايعرفونها ولا حتى محلات الرحلات ... لكن بوصي رفيق لي احتمال يمشي للطايف نهاية الاسبوع غديه يلقاها ويجيب لنا منها ومالك الا طيب الخاطر يالغالي

[قصرصالح البديوي]

السلام عليكم
يا عزيزي مانتب لاقيها في المحطات !
في جده وحول حقين الشرع . الله يعين شكلي إنشاءالله سوف أذهب إلى جده بعد 10 ايام
عسى الله يوفقني وألقاها . وأهديلك إياها هديه ما وراها جزية .

والله ولي التوفيق

[مشرق الشمس]

حاولت اضيف صوره لكن ماستطعت الى عنده عرف يعلمنا

[مشرق الشمس]

[img]http://www.mekshat.com/pix/upload/images43/mk52892_d.jpg[/img

[باثفندر]

http://www.mekshat.com/pix/upload/sign/images/mk41765.gif


الله يهينيكم بالمويه الباردة بالمطارات والقرب

حنا بالشرقية وعلى هالرطوبة ماينفع الا ثلاجات واصليه بعد الثلج نص ساعة يذوب .

[مشرق الشمس]

http://www.mekshat.com/pix/upload/sign/images/mk52892.gif

[ذيب المواجع]

تسلم يا بعدي وما قصرت
عزالله فكره طيبه
أخوك
ذيب

[مشرق الشمس]

http://www.mekshat.com/pix/upload/sign/images/mk52892.gif

[طيرشلgى]

طيب انت عندك طيور وتخاف يدودن ماعندك ثلج وبعيد عن محطه وش تسوي؟
انا اقولك جب الثالاجه وامله مويه وجب كيسه كبيره واربطها زين وارمها في الوسط وجب لي الغاز وحطه في الثالاجه اربع دقاييق ولاه مثــــــــــــــــــــــــــــلج

[قصرصالح البديوي]

الســــــلام عـــــــليكم ورحـــــــمة الله وبــــركـــــاته

أعزائي الحضور
واخي for أسف بس والله مارحت إلى جده صار لي شغل وماقدرت .
عساك لقيتها أو جاك خبر بشرنا .

( مطاره وارد عطية من يحصلها تكفون )

والله ولــــي التـــــوفـــــيــــــق

[قصرصالح البديوي]

رائعة من روائع الشاعر الكبير



عبدالله بن شايق آل عاطف القحطاني






الأجود واجـد والمراجـل لهـا كسـاب لكن واعد العشـرة ليـا صـرت جمالـي






يطير الشـرار وكـل نـارٍ لهـا شبـاب ومن ولع النيران يصبـر علـى الصالـي






تجارب حياتي معجزة وادروب أصعـاب ولقيت الرجال انـواع والـوان وشكالـي






صديق الشدايد ما خذا منك علـم وجـاب وسيع الصدر يضحك ولا هـو بزعالـي






صديـق الشدايـد لا ينافـق ولا يغتـاب يدلـه غريـب الـدار ويزيـن الجـالـي






وصديق الرخى عقاب ومصادقـه عقـاب شجاع الحكـي والمـدح بالقيـل والقالـي






وصديق الرخى ما غير صورة ولبس ثياب يا ليتـه يبرقـع مالـه شمـاغ وعقالـي






وعنـدي نصيحـه جـد ماقلتهـا لعـاب أقول الصحيـح ونايـم القلـب يصحالـي






ترا خوة أهل الطيـب يالطيبيـن أطبـاب يطيـب السقيـم وخـوة الاش سـلالـي






تغانم شبابك يا بيض الوجه دامـك شـاب ترى البدر لو يطلع قمـر عـود أهلالـي






فلا تهجر المسجد وخلـك ورى المحـراب ترى روضة المسجد لهـا منـزلٍ عالـي






ولا تترك اللي يزهمـك خايـفٍ مرتـاب ترى الذل ما نجـى الثعـل بـا لتحيالـي






ولا لندى غير الفدى لـو تـروح أرقـاب ومن ضاع شوره يا خذ الشـور ويمالـي






ومن با شـرك بالعـذر لاتلحقـه بعتـاب ولا تشوف نفسك شيـخ والنـاس عمالـي






ولا تهين نفسك لو تجي بين ضرس وناب وهيبتك لا تنقـص ولـو ربـع مثقالـي






وبنت الردي لا يعجبـك زينهـا الجـذاب تراهـا كمـا المخيـال خيـل وتخيالـي






ولو شفت حمر خدودهـا وثمـان أعـذاب لا بدك تمنى ليـت مـا جالـك أعيالـي






ولدها لا ياشاف النقـى والملاقـى هـاب ذليـلٍ بخيـلٍ فيـه خفخـاف وجفـالـي






أخذ بنت قرمٍ طيـبٍ ساسهـا مـا عـاب تنومسك بنـت الشبـل ويجيلـك أشبالـي






أعيال الذياب تصير مثل الذيـاب أذيـاب وعيال الثعالـب مثلهـا زهـر الاذيالـي






وفرخ الصقر مثله وفرخ الغراب غـراب وبـوم الخـراب ايقابـل العـش ويلالـي






الي صار راسك فوق يا طيب الا نسـاب فـلا ينحنـي لقـدام رجليـن ونعـالـي






لكن الله اللي يكتـب الـرزق يـا خطـاب هو اللي يفـك البـاب ويقـص الا قفالـي






ولا يهمـل الا واحـدٍِ عايـفٍ الاشبـاب ولا ضيع أحقوق البشر غيـر الا همالـي






وترى للقصايد كيف والكيف لـه شـراب وانا ما مشرب الا كيف راسـي بفنجالـي






ولا طاوع الجاهـل ولا جامـل النصـاب أقـدم يميـن الحـق واحــط معـذالـي






ولا نيب و الله طيبن له مـع مـن طـاب ومن طاب لي برخص له الحال والمالـي






أكذب وانا خابـر واجامـل وانـا كـذاب سنين مضت هـي صـدق والا يورالـي






تلخبط جهاز المخ وانهـارت الاعصـاب وفورت دمـي وارتفـع ضغطـه العالـي






لكن في رجى اللي من رجى رحمته ماخاب هـو الواحـد العالـي وهـو ربناالوالـي






وهو الخالق الرازق وهو المعطي الوهـاب لـه الملـك كلـه والكمايـل والاكمالـي






رئوفٍ رئيفٍ رحمتـه تنقـذ المنصـاب يغيث الديـار الممحلـه عقـب المحالـي






شديد العقاب ويعتق المذنـب اللـي تـاب عسـى مـا يوخذنـا بسيـات الاعمالـي






كما قالـه الله فصبـروا يأولـي الالبـاب ترى الصبر زين وكلمـة الحـق تنقالـي






واصلي واسلم عد مـا تنبـت الاعشـاب وما لاح بـراقٍ سـرى يشعـل أشعالـي






على المصطفى اللي وحد الدين والاحـزاب شفيـع أمتـه يـوم الهوايـل والاهوالـي