مناطق البر في الصيف - سؤال

[al3abqary]

السلام عليكم ورحمة الله وبركاته

يا أخواني هذي أول مشاركة لي في منتداكم

وودي أسألكم سؤال

فيضة التنهات باقي ربيع إلى الآن ولا لا ..؟؟


حنيذ هلى تنفع طلعة بر في ذا الوقت ؟؟

وهل هي باقي ربيع ...؟



ووش أفضل المناطق البرية اللي باقي ربيع في هذا الوقت



وتكرمون



أخوكم

al3abqary

[دغيم1]

السلام عليكم

حياك اخوي : al3abqary

الربيع وأنا أخوك ولى ومابقى منه شيء الأن مافيه غير اللهايب والشمس واللقيظ .
لكن يبقى للبر نكهة عند محبية
وأفضل الأماكن المرتفعات من الرمال ويكون ذلك عقب المغرب .
أو المناطق الجبلية شاهقة الإرتفاع لانها تحجب اشعة الشمس وهبوب الرياح ويكون بها اشجار كثيفة
مثل الأودية والشعاب .
تقبل تحياتي وأسأل الله أن يعيد الربيع على الجميع وهم بصحة وعافية .
وتجد على هذا الرابط رحلة في الأسبوع ماقبل الماضي لمثل هذه المناطق



http://www.mekshat.com/vb/showthread.php?t=91153

[al3abqary]

تسلم ياخوي يا دغيم

مشكور وما تقصر بس ما تعرفون مثل هالمناطق عندنا بالشرقية

أول كنا نجي لحنيذ والتنهات يوم ان فيها ربيع

لكن ألحين صعبة نجي نجد علشان قعدة من بعد المغرب ثم نعود في نفس الليلة

الا ان كان فيه مناطق حقت الكشتة يومين ثلاثة يعني فيها جمال وبراد

وماتقصر يالطيب

أخوك العبقري

[راعي الذيب]

يا أخي الكريم ..
اذا تبي خضار مالك الا الجنوب ,, اما عندكم ياخي فيه هالشواطي على الغروب شي طيب..

[al3abqary]

الله يسلمك

الغروب ما تقرب حوله

بفلووووووووووووس وممنواع تجلس قريب الا ان كان تدخل وتستاجر شاليه


وما تقصر يا راعي الذيب

جربنا أماكن الشرقية كلها ما صفا لنا مكان زين


أما الجنوب _ ايه والله انك صادق

وتسلم

[خلفهم]

بالصيف ما لك إلا النفود

[جبل مشرف]

بالصيف الجنوب اجمل وانسب امطار وخضره واجواء معتدله تميل الى البرودة في بعض الاماكن
والله يحفظ بلادي كلها... كلها ارض الخير والبركه اينما رحت وجدت شيء مميز
صورة من الجنوب
http://www.mekshat.com/pix/upload/images39/mk14332_fffff3.jpg

[باترول98]

السلام عليكم ورحمة الله وبركاتة
ياخوي وينك ووين الربيع الربيع انشاء الله تلقه السنه الجاية

[al3abqary]

خلفهم


جبل مشرف

باترول98


الله يبارك فيكم ويجزاكم خير ما تقصرون

أنا عارف الجنوب وانا من اهلها

لكن الميول بري وخضار البر ووسع المكان ولا تلقى أحد

[مسك الحجاز]

شكرا لكم على الجهود الطيبة

تحياتي,,,

[باترول 4×4]

بالصيف ما لك إلا النفود

صدقت مالك إلا راس طعس ، لكن احذر كل الحذر من الديبان والحيات فهذا أكثر وقت يطلعون فيه خصوصا بالليل لأن هذا وقت التزاوج لذلك تخرج وبكثرة هذه الأيام .

[قرن زاهر]

صحيح مثل ما قال مشرفنا العزيز دغيم1 البر الآن لا يصلح للرحلات النهاريه للحرارة الشمس ومعروف للدينا القيض لا جاء اما تلزم البيت والا عليك بالجنوب ستنور سودة عسير بطلتك