وهذي قصيدة عياده ابن مبارك العبيكه بالقهوه

[سبيع الغلباء]

وهذي قصيدة عياده ابن مبارك العبيكه بالقهوه





يابان ضو الصبح قلطـت محمـاس






علـى وهـج جمـر توقـد سناهـا






ازين الحمسه علـى غايـه الـراس






تبري القلوب اللـي تعالـج غثاهـا






واقصر لها الطبخه على الكيف بقياس






وقلبتهـا بالنجـر حيـن استـواهـا






نجرا ليا حرك تقـل ضـرب نحـاس






دب الليـالـي مايبـطـل عـواهـا






ولقوم بدلـه مولـع مالهـا اجنـاس






من حب صنعـا عابـي لـه عباهـا






وصبه لمن حولك على الزبر جـلاس






هـل السمـوت اللـي بعيـد مداهـا






واثنه لممرور على الخيـل مدبـاس






تقفي عنـه صـم الرمـك يانصاهـا






من فوق ماتاخذ على الخيل مـرواس






ياجدعت سهـلات الانفـس حذاهـا






يقول مبارك هرجـت مابهـا بـاس






تطرب لها كرام اللحـا مـن حلاهـا






طول الجدار وقصرت الرجل نومـاس






يـاعـاد ماللـرجـل داع دعـاهـا






خلك على بابك تقـل لـون حـراس






ياجـو عليهـن محترينـن عشاهـا






تصير بعيون الرفاقـه معـك بـاس






ياصار ماتدعـى تـره مـن عناهـا






يصيـر قـالات ويصيـر لــولاس






ونوب مـن الادنيـن ياتـي بلاهـا






ابي اليا جو فوقهن مثـل الاقـواس






يالفوا عليهن ضمـرن مـن خلاهـا






ياجو مع الخل الشمالي له اضـراس






والكل تشكـي رجلهـا مـن حفاهـا






نحيي بهم من قبل تجديـع الالبـاس






نقلطلهـم تمـر الحـلا مـن نماهـا






ونذبح لهم كبش يربـى بالاطعـاس






ونقلطه مـن حيـن غيبـة مساهـا






هذاك سلم جدودنـا قبـل مـن راس






واللـي بعدنـا كـان ربـي هداهـا

[سلطان العوني]

صح اللسانك على النقل الرائع
وسلمت يداك

[جرير]

تشكر علي النقل
يوجد بعض التعديل في القصيده علي غير ماسمعنا ولا يغير المعني
واعتقد سبق ادراجها ..
واعتقد حسب مانسمع ان مبداها
قم يالمقهوي دن نجرن ومحماس ... واحمس لنا من حب صنعا نماها

[سبيع الغلباء]

اخوي سلطان العوني....
حياك الله ومشكور على المرور
اخوي جرير....
حياك الله ومشكور على المرور والتعديل
((وقريت الخاص الله يسلمك))