... طريقتك في حكر الكبسة بالكاتم لا هنت ...

[kaaaatm]

السلام عليكم ورحمة الله وبركاته......




لا هنتو يا شباب نبغى كل واحد يحط لنا طريقته في تصليح الكبسه بالكاتم بشرط انه يكون مجربها من قبل وعاجبته








لان كل واحد له طريقته فمنهم من يضع اللحم والرز مع بعض ومنهم من يحط اللحم ثم الرز




ويعلمنا ايهم افضل طريقة
















ومشكوريييييييييييييين

[المتهني]

اولا مساك الله بالخير يالكاتم

الحين اعلمك وشلون اطبخ الرز مع الدجاج...

اول شي جب البصل وقطعه صغير ثم كشن له ثم حط الطماط ثم اذا انهلص شوي حط قرفه وليمون اسود (طبعا تكون حاط زبده كامله مع الكشنه) وخلهن شوي يحتمسن جميع ثم حط الدجاج بشرط انك توخر جلدهن ثم حط الماء كثر الرز وحط بهارات وملح وماجي وصك القدر وخذ الرز وربصه واحسب الدجاج المبرد من 7 الى10 دقائق على كبر الدجاج وثم افتح القدر وكب الرز وخله من 15 الى20 وبالهني والعافيه ،،،


ملاحظة:
1(مقاس الماء يكون قبل تربيص الرز )
2(اذا جيت تكب الرز اشخل المرق عشان يروح البصل والطماط)
3(الدجاج قطة قطع صغيره)

امل اني ما نسيت شي ,,,,,

[فتى الرابيه]

السلام عليكم

فيه طريقه استخدمها اذا كنت تبي تطبخ بدون ماء اذاكان مثلا دجاج اولحم تجيب الخضروات مثل طماط كوسا بطاط بصل وغيرها من اللي تبي بس بشرط انك تكثر الطماط بالمرة علشان الطماط فيه ماء طبعا حاط وياه كل شي مثل البهارات والملح وجاهزة للطبخ بعد ماتضغطه وتحسب المدة الكافيه للطبخ تفتح الغطا وتشوف ماء الخضار طافح على اللحم قم بوضع الرز المناسب للماء وستجد طبخه بخلاصة الخضروات واللحم ولافيها نقطة ماء وبالهنا والشفا

اتمنالك التوفيق ولجميع اعضاء المنتدى اخوكم فتى الرابيه والسلام عليكم

[kaaaatm]

مشكوررين..............ز

[الدفرنسين]

:j اهلاوسهلا اول مشاركة لي وسعو صدوركم علي ;) اول شي ان كانت الكبسة لحم حطها بالكاتم وغطها بالماء وحط البصل والطماط او المعجون وبعدين سكر على اللحمه لمدة خمس عشرة دقيقية والنارعاليه بعدين افتح الصفارة ثم افتح الغطا واملح اللحمه وحطالرز عليها بس الماء يصير مرتفع عن اللحمه والرز قدر نصف اصبع ثم سكرعليهن وقصر للقز مره وخلهن نصف ساعه ثم شف النثري :cool: اما الدجاج حطه بالقدر ومن يوم يغلي حط الرز عليه واقصرله لمدة 25 دقيقه :o وشكرا