مضبي عالسريع !!

[مدور ربيع]

السلام عليكم ورحمة الله

مادري يمكن سبقني احد من الاخوان بالموضوع .. ولكن بالتكرار تذكار >> سجع جاء بوقته :d


موضوعنا باين من عنوانه , والطريقه سهله وغير مكلفه

اولا احضر المواد التاليه :

1- عدد اربع قطع من حجارة المرو بحجم كف اليد (الافضل تكون مسطحه تماما )
2- احضر قدر كاتم مقاس 12 لتر فما فوووق (كل ماكبر القدر زبطت العمليه )


الطريقه :
1- اشعل نار متوسطه وضع الحجاره على النار (فوق شبك) حتى تصبح سوداء اللون

2- اضف الملح الى اللحم فقط بدون اي نوع من البهار (يستثنى الفلفل بنوعيه )

3- افرش اللحم في قاع القدر ولاتضع القطع على بعض
4- احضر الحجارة الساخنه وضعها على اللحم مباشره
5- اكتم القدر بسرعه
6- انتظر 40 دقيقه
7- فك القدر ورايح تشوف شيء عجيب..:d



وبالهناء والشفاء >>> شيف مدور على غفله :d

[العطى]

الله يعطيك العافيه ابي اسويها الليله
ياويلك لو مااضبطت
هههههههههههه

[جنون الليل]

يسلموووووووووو بس من وين نجيب حجر المرو يبي له طلعة بر ههههههههههههه
وإذا إنفجر فينا الكاتم وطار الحجر وكسر روسنا وش نسوي بك ههههههههههههههههههه

[مدور ربيع]

العطى ..
الله يعافيك , والطبخة سوها وانت واثق
مجربه من سنين
مسمينها طبخة العجازين :d


جنون الليل ..
والله ماهو شغلي عاد ادبر لك حجر مرو :d

ههههههه موجود عند ساكو ومحلات الاشجار
واذا انفجر قدركم , فالعيب مصنعي , ارفعو قضية ودبرو حالكم , هذا اذا انتم على قيد الحياة :d

حياكم

[عروس الشمال]

تسلم يالذيب

[سلطان العوني]

الله يعطيك العافيه
لكن ليتك منزل صور للطبخه
وهاه لو ما ضبطت معي

[الناري999]

معقوله 40 دقيقه والحم مامعه ماء ياخي بيحترق من تحت اذا على كلامك لحم وحصى بس بدون ماء وعلى كاتم واربعين دقيقة ياخي بيحترق

لازم تقول العملية بالتفصيل

[مدور ربيع]

عروس الشمال
يسلمك ربي ولاهنت


سلطان العوني
حياك اخوي وانشالله تزبط معك


الناري
هلا اخوي , والطبخه واضحه ومايبيلها تفصيل
ورايح يحترق الجزء الملامس للحجر فقط (احتراق بسيط )
ولاتنسى ان الحجر رايح تخف درجه حرارته تدريجيا"
والبخار الموجود داخل القدر يمنع الاحتراق

والطريقة مجربها كثير , بس للاسف ماطرى لي اصورها
وفايدتها سرعتها وقل الحوسه

[الأشهل]

يعطيك العافية...