سؤال ياهل الخبره عن صقر

[الرقعي]

كيف اعرف ان صقر فيه دود رئه اوككسيديا ارجو الاجابه

[قشاع الرمث]

السلام عليكم ورحمة الله وبركاته

الاخ الرقعي مساك الله بالخير..

ادري خفت من الكلام في موظوع لون الطير .
لاكن وانا اخوك ماهنا الا العافيه الربع شافو زور
طيرك بارز حسبوه ظعيف ( هزيل ) .

لاكن على العموم احسن طريقه لاكتشاف الكوكسيديا
او دود الرئه بالفحوصات المخبريه .
وما عليك من الي يقول لون المرش .
لانه يختلف من علف لاخر .
واذا كان بالشتا ( هدد ) تلاقا
الطير يفحم بسرعه ولا يرتفع .

وما تشوف شر ....

[الرقعي]

ابغي اعرف في الربطه كيف يبن يقشاع الرمث

[الوافي عزام]

هلا بك بالنسبه لوقت المقناص مثل ماقالك اخوي قشاع الرمث واضافه لذالك ( تجد الديدان تخرج مع مرش الطير ) اعزكم الله . ولاكن اذا تاخر بالعلاج وقد حدثت معي

اما في وقت المقيض فتجد حالة الطير الصحيه بدات تتدهور وينقص وزنه ويحتاج للعلف اكثر من السابق كانه في وقت هدد

وبعض الصقاقير اللي مارسوا الطيور لفتره يعرفون الطير اللي به دود من عيون الطير

واذا كان عندك طير رابطه وشاك بان فيه اي مرض وده للمستشفى والا للعويدي ( لاتعلفه اذا جيت توديه )

وبالتوفيق

[الرقعي]

كيف اعرف من عيون طير وانا من فاضي اوديه طير عندي ملاحظة عليه اي شي حتي احيانن اخليه بدون مكيف ولقاه عادي لاهو فتح فمه ولافيه تعب

[نايف قطر]

اخذه على المشتشفى الطيور وافحصه عشان اتأكد اكثر

[قرناس حائل]

مساكم الله بالخير يالاخوان
عطه حبوب دود
تراهن ينفعن ما يضرن بالاسبوع مرتين متتاليتين وبعده بايبوعين عطه نفس اللي عطيته
او حط فص ثوم مع الماء اللي يشربه الطير ( الثوم زين للطير وقت المقيظ )
والله أعلم

[الاشعل 316]

قرناس حائل

نقطة مهمه الثوم وش فوائدها لطير يعني وش تسويله

وتقبل تحيات

اخوك ابو سطام

[مغــادر]

ممكن اشاركم ياشباب ترا دود الرئه والكوكسيديا تبين في الطير في قل الارتفاع وقل قوة طيار الطير ويفح بسرعه!!!!

وبالنسبه لسؤال لاشعل ترا الثوم هو والدود مابينهم محبه (الخيل) وهو دواء شعبي يستخدم للبشر وللطيور وترا طحنه


ووضعه في الماء للطير في وقت المقيظ اذا الطير بين عليه المرض !!!!

وشكرا!!!


اخوكم مغــادر