إلى الخبراء والمجربين مع خالص الشكر [الأرشيف]

مشاهدة النسخة كاملة : إلى الخبراء والمجربين مع خالص الشكر

علي نجد

26/06/2007, 06:33 PM

بسم الله الرحمن الرحيم
الى نشاما خيمة السيارات عموما وخبرائها خصوصا
السلام عليكم ورحمة الله وبركاته
قدر الله علي (يشحذ) ههههههههههه
إخواني عندي نيه أسافر بالعائله هالسنه وقررت على تركيا بس اه اه اه اه اه ليش
البنزين عندهم نااااااااااااااااااااااااااااااااااااااااااااااااا ااااااااااااار
بإختصار اللتر بـ 8 رياااااااااااااااااااااااااااااااااااااااااااااااا ااال
تصدقون يعني تملا التانكي للصالون الجمس 800 ريااااااااااااااااااااااااااااااال
قلت والله ما أروح بالجمس الصالون ( كان أدج بيومين وأرجع من أول محطه )
عاد أبي سياره تشيل العائله دفع رباعي لأني أبطعس بجبال تركيا بشرط يكون 6 سلندر أو حتى 4 سلندر (وإن حصل بانشي غمارتين يكون أحسن )
المهم أقل دفع رباعي 4 أبواب صرفيه ما يصرف (اللتر 400 كيلو!!!!!!!!!!!)
فكرت بالديزل بس خفت من عزمه ويمكن بعد الديزل عندهم غالي وإلى رجعت أببلش فيه من يشتريه مع رخص البنزين عندنا يالله لك الحمد مهوب مثلهم
أجل يقولك بـ 8 ريال ماهوب صاحين الصالون تملا التانكي 800 تخيل كل يوم 800 بنزين
المهم همتكم لا عدمناكم يالنشاما الفزعه أخيكم ورط
المشكله واعدت العيال وكل يوم حنه على راسي مشينا مشينا
الله يصلحهم خمس عيال وأمهم يعني تذاكر أيس صعبه وهناك التكاسي والنقل وأجار السيارات برضه ناااااااااار
أجار سياره صغيره حواي 400 ريال باليوم هبال
اخوكم ورط دبروها ( وإلا أرسل خطاط للشمال رفحاء وعرعر والجوف وطريف والقريات وأخليه يمسح لوحاتهن ويكتب إسامي مدن تركيا وأدوج لي كم يوم بالشمال وأقول هاذي تركيا )
أشكركم سلفا وعجلوا تكفون
أخوكم أبو عبدالله ما ذبحن إلا عبدالله فغا راسي
كل يوم
كل يوم
كل يوم
السموحه المعذره على الأطاله والهذره

مدور ربيع

26/06/2007, 06:57 PM

والله مشكلتك عويصه , عموما انصحك تروح بالطائره , واذا احتجت تروح اماكن معينه تأجر تأكسي يومي ( اكيد بيمر عليك ايام بتكوت مستقر بمكان واحد )

فلو حسبتها بتكون اقل تكلفه , وممكن اذا بغيت تزور معلم سياحي تطلع مع باص قروبات عن طريق الفندق

(وانتبه البلد مليان نصابين ) لاتثق بالاخرين بسهوله

وموفق والله يستر عليك

tarad

26/06/2007, 07:02 PM

السلام عليكم
أذهب الى منتدى السفر العرب المسافرون البوابة التركية واطرح سوالك
ممكن ينصحونك بطريقة اخرى تراهم نصوحين وايد

وشكرا

العتيبي العال

26/06/2007, 07:27 PM

هههههههههههههههههههههههههههههههه

الله يقطع سوالفك بغيت اموووت من الضحك من اسلوبك >> مهو صاحي

اخوي تروووح وترجع بالسلامه انت والعايله الكريمه (( الله يحفظكم ))

هذه انتم يالسعوديين ما تجي الاجازه الا وانتم برى السعوديه

عدد سكاننا 20 مليون وما تجي الصيفيه الا وتلقاهم 6 مليون وين الناس ما ندري

نرجع لموضوعنا

تبي الصراحه تركيا رووووعه بس السفر بالسياره تعب وخصوصا معك عايله والشي الثاني غاليه في كل شي

بس والله عندهم المشويات الي تكرهك في مطاعم السعوديه اذا رجعت ههههههههه

تبي نصيحتي سافر لعمان ( صلاله ) يولد شي مهو طبيعي والحمد لله امن وامان مثل اللي عندنا يا ربي لك الحمد والشكر

والجو كنك في تركيا واحسن بعد وخصوصا بعد ( اعصار جونو )

( وعرب تتقدر تتفاهم معهم مهو الاتراك ملاعين الجدف هههههههههههه )

والراي رايك ولا تنسى الصور عاد لا تقول ما قولتو لي اصور هههههههههههه

وان شاء الله تسافرون وترجعون بالسلامه

اخووووووووو العتيبي وووووووووك

علي نجد

27/06/2007, 10:05 AM

أخوي مدور الربيع

أشكر مرورك ونصائحك والموضوع مدروس بإذن الله من جميع النواحي والتكلفه محسوبه بالملي ويمكن الباصات أرخص بس الحريه وعدد العائله كبيره صعبه بالباصات (حولو أنزلو أطلعوأركبو شغله ماله أول من تالي )
======================================

tarad
شكرا على مرورك
أنا توي جاي من منتدى العرب المسافرون والمشكله قائمه عندهم نصهم يفضل الطائره طبعا اللي ما معه عائله أو عددهم قليل
أما البقيه يفضلون السياره للحريه والتكلفه والتمشي بس يبيله واحد راعي خطوط ودروب ويستمتع
================================================== =
العتيبي العال

ياهلا والله بالعتيبي يا مرحبا الله يبارك باللي يوسع صدرك شاكر مرورك
أولا أنا من السعوديين اللي ماعمري طلعت بعيالي منول أهك عليهم صغار ولا يميزون بس هالحين كبرو وملو من السعوديه ولا عندنا تغيير جو إلا بالجنوب والجنوب محدودالأمكانيات السياحيه وراحو له قبل و ماش مايبونه
وصلاله بعيده وصغيره ولا به للأطفال ملاهي يعني برضه محدوده
===============================================
ياجماعه يا أخوان تكفون ركزوا على السياره ولا تركزون على الوجهه الموضوع مدروس بس ماودي أروح بالجمس يصرف ودي بسياره تشيل العائله وقليلة الصرف
أشكر الجميع
أنتظر أصحاب الخبره فزعه ياعيال رأيكم رشحو لي سياره

الفال

27/06/2007, 10:50 AM

خذلك سيارة ديزل وتعوذ من الشيطان وسعر الديزل هناك حول الخمسه ريالات

اشتر سيارة واذا رجعت بعها لن تخسر شئ

شف سيارة السيزو تراها فيها تربو

وهذا احد الاخوان في المسافرون العرب (كاكا)
يقول

الفرق الواضح ما بين سعر الديزل الذي يكلف 2,40 دولار للتر وما بين البنزين الذي يكلف 3,5 دولار للتر واستهلاك الديزل اقل بكثير عن البنزين .... وقد كلفني تقريبا 140 لتر ديزل لغاية الوصول الى ازونغل ولا يزال فيها ثلاث ارباع

علي نجد

27/06/2007, 06:49 PM

الفال
طاب فالك يا أخوي
أشكر مرورك ونصيحتك كلام طيب من فال طيب
لو تحسب الفرق بين البنزين والديزل هل يساوي ( العزم والريحه والدخان والصيانه لو تعطل لا قدر الله )
إلا اذا لتر الديزل يمشي دبل البنزين ممكن
من يفيدنا كم يمشي لتر الديزل من كيلو ؟
ننتظر زيادة أراء وما خاب من أستشار
لا تبخلون علينا ياشباب كل يدلو بدلوه
الله يوفقكم ويستر عليكم
أخوكم ابو عبدالله

المميـز

27/06/2007, 09:04 PM

ان كان عدد العائله خمسه

خذ لك ياجيرو حليل ومايصرف ويفلل حول الـ 35ريال اذا كان على الربعويمشي 480كم اذا كانت السرعه مابين 120 الى 140

بس اتوقع بالجبال يبي يصرف وخاصه اذا تبي تحمل عفش او تسحب عربيه

والاند كروزر تانكيه كبير وراعي صرف والباترول مثله والسوبر سفاري تانكيين ويعبي حول 115 لتر حول 55 ريال بس يمشيك مسافه طويله

وبالنسبه للبرادو ( ماعندي خلفيه عنه )

واليوكن ماعليه تفليلته رخيصه ويمشي حول الـ 500كم على سرعة 120 بس اذا كان محمل عفش يبي يصرف

والله يعينك على الاختيار

وعليك
بالاستخاره بعد الاستشاره

الدحبول

27/06/2007, 11:08 PM

أنصحك ترهم تانكي يشيل 500 لتر أو 600 وعبة في السعودية مثل إصحاب التريلات

kandeno

29/06/2007, 10:54 AM

اقول يمدحون السوزوكي بنزين واربع سلندر

واذا ما يكفيك انت والعائله

خذ برادو GX

اربعه سلندر بنزين او ديزل ...

وعلى فكره فرق دولار واحد بين البنزين والديزل مو ذاك الفرق ...

ولكن اتوقع الديزل ما يصرف مثل البنزين ..

وسلامتك

واذا ما خارجت معك ...

باص على الراس 400 ريال ذهاب وعوده

اوفر بكثير

بس بتبلش بالتماشي

فـ استاجار سياره بدون سائق 100 دولار وبالسائق 150 دولار يوميا

طبعا السياره ما راح تكون صالون جمس

راح تكون صغيره ويمكن ما تكفيكم

فترجع لنظرية التماشي مع القروبات في باصاتهم ومعاكم ناس

اوفر ولكن مو على مزاجك ولا تاخذ راحتك لحالك ...

فكر واجمع واطرح وشف وش يخارجك ...

وشكلها في الاخير ... مخيم الثمامه ...

وكذا ولا كذا ماهي خساره في عيالك ...

وموفق

وان شاء الله تسافرون وترجعون بالسلامه

علي نجد

29/06/2007, 01:55 PM

لأخوان الأعزاء
المميز - الدحبول - kandeno
أشكر مروركم وتعليقاتكم ونصائحكم الله يخليكم ويغفر لكم

kandeno

29/06/2007, 07:53 PM

http://www.arb-up.com/get-6-2007-oo2dof1l.jpg

هذي صوره لبوراشد وعياله الله يحفظهم
بتركيا

ترك الجمس في انطاكيا واخذ له هالفان الديزل

واعتقد انه لواحد من ربعه

ولا اعلم اذا فيه اجار مثل هذه السياره او لا

علي نجد

01/07/2007, 02:08 PM

غضنفر

01/07/2007, 02:18 PM

المشكلة مهب في غلاء البنزين بتركيا
المشكلة انك بتمر الاشقاء في سوريا وستقطع معظم بلادهم في طريقك الى تركيا
الا اذا انت بتدخل من عند العراق
ههههه

.أبوعبدالرحمن

01/07/2007, 02:43 PM

الله يعينك

لكن انتبه منهم ترىالبلد مليانه نصااااااااااااابين

وتروح وترجع بالسلامة ان شاء الله

kandeno

01/07/2007, 06:02 PM

أخي
kandeno (http://www.mekshat.com/vb/member.php?u=35147)
أنا متابع الأخ كاكا ورحلاته وهو اللي مخوفنا من الوقود
أشكرك أخي على المتابعه وترى الصوره ما طلعت
هل من حلول يا أخواني وإلا أتوكل على الله وأروح على الجمس الصالون 100 لتر يمشي 550 كيلو

اذا ما طلعت الصورة اضغط على توقيع كاكا وبتطلع الصوره اللي اقصدها

عموما على حسب كلام ابو راشد والطريق الزين الى اوزن قول
راح يكون لا يقل عن 1240 كلم على النحو التالي :

الطريق هذا طوله تقريبا الى اوزون قول 1241 كلم
على النحو التالي :
antakya - iskenderun - adana : 188 km
adana - kayseri - tokat : 570km
tokat - unye : 141 km
unye - trabzon - ( Of ) : 295 km
( Of ) - uzungol : 48 km
1241 km

غير الطريق في السعوديه والاراضي الاردنيه والسوريه
والتماشي في ضواحيها ...

وشف خراجك تسلف لك برادو احد من اخونك ولا احوياك وعطة الجمس
الى ان ترجع وفوقه حبة خشم ...

او استئجار سياره من مكاتب الايجار ويعطوك عليها تصريح دولي

سنع نفسك ...
دبر عمرك ...

وسلامتك

ناوي نيه

01/07/2007, 10:31 PM

ياخي مالك في تركيا وتتعب رويحاتك وعيالك رحلك ماليزيا اوفر واحسن وظبط امورك من الانترنت وبل اول وبتالي الامر راجعلك
تحياتي

alkongrs

02/07/2007, 02:06 AM

معليش تراي ملقوف هههههههههههههههههه
وشلوه تركيا رح لتركيا الجنوب وبس

واذاكنت تبي تروح الله يساعدك ولا تنسانا من دعاك

أبوأسامة

02/07/2007, 09:40 AM

أقول والله يمدحون الساحل الغربي ضبا والوجه وحقل لاتفوتك بس وش لك بالنكد
وهذا رأي من أخ ناصح لك بارك الله فيك وسهل أمرنا وأمرك

علي نجد

20/07/2007, 08:32 AM

أشكر جميع أخواني بدون إستثناء على مرورهم ونصايحهم
والظاهر إني أستخير الله عن السفره هذه السنه
والله يدبر الصالح
تحياتي للجميع