المساعد الشخصي الرقمي

مشاهدة النسخة كاملة : النجير 00000


وقاااااد
27/06/2007, 09:05 AM
النجير
صباح الخير ياشباب سؤال عن النجير
عندي طير بكر ينقل ثنو فيه نجير واجد وهو فرخ وش الحل علشان يغسل نجيرة هذي السنة
انتضر الإجابة الله يجزاكم خير 0
سنجااار
27/06/2007, 11:39 AM
وقااااد السلام عليكم
النجير يعتمدعلى العلف الي تعطيه الطير يمكن انك مركز على صنفين من العلف والتغييرزين له وانت افحص مدهنة الطير سبحان الله خذه يوم ووده للمستشفى وسوله فحص كامل مايضر،،، نعتذر على الإطاله وننتظر ردود الأخوان
هذا ماعندي والسلام ختام

(ماوصلك الرساله على الخاص)

اخوك مشروك
وقاااااد
27/06/2007, 12:02 PM
وعليكم السلام اخوي مشروك
بيض الله وجهك وماقصرت ‘‘انا اعطي الطير سمان مبرد على طول خايف علية من الأمراض

(وصلتني الرسالة)

والله لايهينك
قلب ذيب
27/06/2007, 01:39 PM
نوّع العلف له , وعليك بالفار البري ( والافعى بعد ازالة عرق السم من ظهرها ) وافحص ( مقرزة الطير ) واكثر الطيور تحذف النجير مع
سوقة الموس , ومادام عدته ززينه وحذفه منتظم أنتظر عليه ولاتخاف سوف يحذف حتى في وقت النقله 0
هلا بك 0
سنجااار
27/06/2007, 01:43 PM
رفيقلي يقرنس طير بدون مكيف وحتى انه تهجين حر مع شاهين ولا يعطيه ألا عصافير وجرابيع ماهوب قبل بين فتره وفتره ونعطيه سمان كان تخبر وقتهن قبل شهر نلقاه بالحصايد ونعطيه حمام بس ماهوب عوادي قوقسي ولا خضاري ولا الورق وبقي بالطير الموس والنايفه وقرناسه ممتاز مره مره .



مع تحياتي / مشروك
وقاااااد
27/06/2007, 01:51 PM
قلب ذيب & مشروك
يعطيكم العافية على الردود وماقصرتو
بيض الله وجيهكم 0
اخوكم / وقاااااد
مقداد
28/06/2007, 12:03 AM
أخوي وقااد

من غير تغيير العلف ترا فيه بودرة تعطيه يومين ولا ثلاث ايام وحذف النجير
على طوووووول وحدة بوحدة بس مادري هل لها ضرر ياليت يفيدونا الأعضاء

أخوك // مقداد
عبدالرحمن الخالدي
28/06/2007, 12:21 AM
السلام عليكم ورحمة الله ؛؛؛
كلام الأخ قلب ذيب على متمه ومني أنا عن واقع تجربة إذا كان المقيض طيب .
أبو رداد
28/06/2007, 01:12 AM
السلام عليكم ورحمة الله وبركاته

بعض الطيور تبدأ بحذف النجير مع دفع الامواس
وبعضها لايحذف الا يتم ويبيس الموس وبعدها تقوم بحذف النجير
فاذا اردت ان يتم طيرك تبديله للنجير عليك الصبر في نقله حتى يكتمل غسله
ولاشك ان التنويع في العلف انفع واصح للطير في المقيظ وغيره
والسلام
وقاااااد
28/06/2007, 01:30 AM
مقداد & مذكور & ابو رداد
لاهنتو على الردود وبيض الله وجيهكم
مقداد تقول فيه بودرة وين احصلها
اخوكم / وقاااااد
خيال الصبحا
28/06/2007, 02:11 AM
رفيقلي يقرنس طير بدون مكيف وحتى انه تهجين حر مع شاهين ولا يعطيه ألا عصافير وجرابيع ماهوب قبل بين فتره وفتره ونعطيه سمان كان تخبر وقتهن قبل شهر نلقاه بالحصايد ونعطيه حمام بس ماهوب عوادي قوقسي ولا خضاري ولا الورق وبقي بالطير الموس والنايفه وقرناسه ممتاز مره مره .

مع تحياتي / مشروك





الأخ مشروك
السلام عليكم
ليتك تشرح لنا
طريقة قرنسة خويك
للطير ، ووش طريقته
ويكون بموضوع مستقل وشرح
وافي ، وشكرًا