مشكله بقير اليوكن

[تنوم]

معي تاهو اخو اليوكن موديل 2000 اذا جيت من طريق طويل وهديت عند اشاره ومشيت او دعست ثانيه احس بنتره او نتعه تحت بالقير مو طبيعيه مع صوت طقه .
الشي الثاني عندي لمبه مكتوب بالانجليزي (سيرفس انجن سون)

[تنوم]

ولا تخلوننا ياربع وين افضل ورشه لليوكن

[لن أمل من العطاء]

سلام عليكم
عندي نفس المشكله وحلها عندي
راسلني على بريدي واعلمك كيف
alatta2006@hotmail.com

[تنوم]

اخوي alatta ارسلتلك على الخاص

[م.أبوإبراهيم]

اللمبة الي عندك سيرفيس انحين سون هذ ا بسيارات الاستعمال الأمريكي يعني لمبة المكينة ويجي بدالها صورة مكينة في السيارات السعودية

[تنوم]

طيب وش الحل يا ابو ابراهيم الله لا يهينك

[بدوي جنوبي]

اخي تنوم

صوت الطقه علي طول ولا بعض الاحيان ؟

[جرب حظك]

بدل سويك أسمه التي بي أس وهو سويك منظم الجير قبل التبديل أفحصه بالكمبيوتر

[م.أبوإبراهيم]

حبيت اقولك ترى لمبة المكينة ما تطلع إلا بالاشياء الي فيها حساس مثلا صوت بالكارونه أو بالدبل أو القير أو المكينة أو كسر بأحداهن بحيث ما يؤثر على أحد الحساسات ما تولع لمبة المكينة ولا يطلع في فحص الكمبيوتر المشكلة إن لمبة المكينة في السيارات الأمريكية حساسه الأمريكي مليان حساسات بعضهن مهي ضروريه وتلقاها تولع اللمبة افحص بالكمبيوتر عند ورش السيارات المتخصصين بالأمريكي وقلهم ليه مولعه ويعلمونك المشكلة كبيرة ولا صغيره ويمكن أتوقع مشكلة الطقة عندك ما راح تطلع بالكمبيوتر حبيت أقولك كان المشكلة بالدبل لا تصلحه إلا بورشه قويه ترى قطع غياره نار بالعاده إذا فك الدبل أقل شيء ياكله 4500 ريال وتراه يباع بالتشليح فوق ستة الاف ريال مع الرجيع وبالنسبة للقير أسهل وتوظيبه كامل من ألفين إلى ألفين وخمس مع الضمان وكثيرة الورش الي تصلحه والله يوفقك للخير وشكرا
ملاحظة : حساس تي بي اس هذا حساس دعسة المكينة موجود في الخانق حق الهواء ماله أي دخل وإذا خرب تكون دعسة الموتر مهب صافية بس ويروح عزمه وعذرا للإخوان

[رحال200]

السلام عليكم

ياخوي بالنسبه لصوت الطقه اعتقد انه من الصليبات اما بالنسبه للمبه هذي من الحسسات الموجود علي الشكمان توجد اثنان منها وسعر الواحد 200 ريال وتري مايحتاج تغيرها



al_wafi_123@hotmail.com

[تنوم]

اشكر الجميع على الاهتمام اخوي بدوي جنوبي الصوت مو على طول يجي بعض الاحيان والاحظ ان القير يريح بسرعه يعني تجي النمره الاخيره بسره ونا مهدي

[هاوي البر]

غير زيت القير وفلتر القير اصلي وزيت اصلي و ان شاء الله تنحل المشكلة

[بدوي جنوبي]

اشكر الجميع على الاهتمام اخوي بدوي جنوبي الصوت مو على طول يجي بعض الاحيان والاحظ ان القير يريح بسرعه يعني تجي النمره الاخيره بسره ونا مهدي

اذا جيت تهدئ السرعه انت عارف ان القير يبدأ في رجوع النمر

يعني اذا كان في الرابع وهديت السرعه يتقل الي الترس الثالث المسءول عن هذا ( منظم السرعات)

بعض الاحيان عند سرعة معينه وهذي نادرا تحدث ،، ان منظم السرعه يفوّت في لحظه بسيطه

يعني مثلا لو كنت ماشي بسرعه 70 والترس وصل للسرعه الثالثه وانت مواصل تهدئ السرعه بعدين تفك الفرامل

اعتقد ان المنظم يحتار هل يبقي علي السرعه الثالثه او يرجع للسرعه الثانيه ،، اذا رجع للسرعه الثانيه

وزادت السرعه المنظم يطلب النمرة الثالثه ،،، طبعا كل هذا الكلام يحدث في ثانيه او ثانيتين

عشان كذا لما يتعشق للثاني تحدث صوت طقة او نتعه ،، اللي يستخدم امريكي كثير يعرف هالشغله

وان شاء الله هذا طبيعي وما عندك اي مكشله في القير

اخي تنوم ترا ممكن يكون كلامي خطأ وغير صحيح ،،، والله اعلم

بالتوفيق

[تنوم]

المشكلة ان لمبة الدبل تولع مره ومره تطفي

[بدوي جنوبي]

اهاااااااا قول من اول كذا

الدبل اللي عندك كهربائي ؟

لا يكون الدبل يتعشق بالغلط ونت ماشي ،،،، لازم تهتم في الموضوع اكثر اخي تنوم .

[مكحل الحنشان]

اخوي تنوم
انا قريب لي كان عنده جمس 2000 دبل وصارله نفس مشكلتك بالظبط يعني اذا صار ماسك خط طويل ووقف عند اشارة ومشى
الموتر يصير له طقه مع كل تعشيقه راح كشف عليه و كل واحد يقوله شي
بس بالنهاية طلع المشكلة من (( الطنجرة )) غيرها وراحت المشكله
اتمنى اني ساعدتك بشي
وشوكرنن

[هانتر]

السلام عليكم

اخي الحبيب بالنسبه لعلامه السيرفيس اكيد ان موترك امريكي وانت الغيت ( دبات التلوث ) ( كنداسات التلوث ) فسوف تستمر معك هذه العلامه .
لازاله او الغاء العلامه يوجد في بعض الورش برنامج اعادة البرمجه .. يكون عباره عن لاب توب يوصله في سيارتك بوصله تحت يده السايد بريك فيقوم فتح قفل السرعه يعني يعطيك الموتر طبلونه بدون قفل وايضا يقتصد في صرف البنزين ويلغي ويزيد في عزم المحرك طبعا الشيء البسيط لا يلاحظ الا بقياس الكمبيوتر....

والله اعلم